ਕੈਨੇਡਾ ‘ਚ ਕੋਵਿਡ-19 ਦੇ 338 ਨਵੇਂ ਕੇਸਾਂ ਦੀ ਪੁਸ਼ਟੀ ਕੀਤੀ ਗਈ ਹੈ। ਹੁਣ ਤੱਕ ਕੈਨੇਡਾ ‘ਚ ਕੋਰੋਨਾ ਵਾਇਰਸ ਦੇ ਲਗਭਗ 123,000 ਕੇਸ ਹੋ ਚੁੱਕੇ ਹਨ। ਜਿੰਨ੍ਹਾਂ ‘ਚੋਂ 9,032 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 109,000 ਮਰੀਜ਼ ਠੀਕ ਹੋ ਚੁੱਕੇ ਹਨ।
ਕਿਊਬਿਕ ‘ਚ 55 ਨਵੇਂ ਕੇਸ ਸਾਹਮਣੇ ਆਏ ਹਨ ਜਿਸ ‘ਚ ਇਕ ਦੀ ਮੌਤ ਵੀ ਸ਼ਾਮਿਲ ਹੈ। ਸੂਬੇ ‘ਚ ਹੁਣ ਤਕ 61,206 ਕੇਸ ਹੋ ਗਏ ਹਨ ਜਿੰਨ੍ਹਾਂ ‘ਚੋਂ 5,721 ਮਰੀਜ਼ਾਂ ਦੀ ਮੌਤ ਹੋ ਗਈ ਹੈ।
ਓਂਟਾਰੀਓ ‘ਚ 99 ਕੋਵਿਡ-19 ਮਾਮਲੇ ਸਾਹਮਣੇ ਆਏ ਹਨ। ਸੂਬੇ ‘ਚ ਕੁਲ 40,745 ਕੇਸ ਹੋ ਚੁੱਕੇ ਹਨ ਜਿੰਨ੍ਹਾਂ ਚੋਂ 2,789 ਪੀੜਿਤਾਂ ਦੀ ਮੌਤ ਹੋ ਗਈ ਹੈ।
ਸਸਕੈਚਵਾਨ ਨੇ ਸਿਰਫ 1 ਨਵਾਂ ਕੇਸ ਦਰਜ ਕੀਤਾ ਹੈ। ਸੂਬੇ ‘ਚ ਕੋਰੋਨਾ ਵਾਇਰਸ ਦੀ ਕੁੱਲ 1,581 ਗਿਣਤੀ ਹੋ ਗਈ ਹੈ ਜਿੰਨ੍ਹਾਂ ਚੋਂ 22 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਮੈਨੀਟੋਬਾ ‘ਚ ਐਤਵਾਰ ਨੂੰ 38 ਨਵੇਂ ਮਾਮਲੇ ਦਰਜ ਕੀਤੇ ਗਏ ਹਨ। ਇਥੇ ਕੁਲ 731 ਲੋਕਾਂ ਦੀ ਮੌਤ ਹੋ ਗਈ ਹੈ।
ਅਲਬਰਟਾ ਨੇ ਸੋਮਵਾਰ ਨੂੰ 96 ਨਵੇਂ ਕੇਸਾਂ ਦੀ ਪੁਸ਼ਟੀ ਕੀਤੀ ਹੈ। ਸ਼ੁੱਕਰਵਾਰ ਤੋਂ ਤਿੰਨ ਨਵੀਆਂ ਮੌਤਾਂ ਵੀ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ ਵਿਚ ਕੁੱਲ 12,412 ਮਾਮਲਿਆਂ ਵਿਚੋਂ ਮੌਤ ਦੀ ਗਿਣਤੀ 224 ਹੋ ਗਈ ਹੈ।
