ਓਟਾਵਾ : ਚੀਨ ਵਲੋਂ ਕੈਨੇਡੀਅਨ ਸੰਸਦ ਮੈਂਬਰਾਂ ‘ਤੇ ਪਾਬੰਦੀਆਂ ਲਗਾਉਣ ਦੀ ਚੁਫ਼ੇਰਿਓਂ ਨਿੰਦਾ ਕੀਤੀ ਜਾ ਰਹੀ ਹੈ। ਕੈਨੇਡਾ ਦੇ ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਮਾਰਕ ਗਾਰਨੇਉ ਨੇ ਕਿਹਾ ਕਿ ਕੈਨੇਡੀਅਨ ਸੰਸਦ ਮੈਂਬਰਾਂ ਅਤੇ ਦੇਸ਼ ਦੀਆਂ ਲੋਕਤੰਤਰੀ ਸੰਸਥਾਵਾਂ ‘ਤੇ ਚੀਨ ਦੁਆਰਾ ਜਾਰੀ ਕੀਤੀ ਗਈ ਨਵੀਂਆਂ ਪਾਬੰਦੀਆਂ ‘ਮਨਜ਼ੂਰ ਨਹੀਂ ਹਨ’, ਇਹ ‘ਪਾਰਦਰਸ਼ਤਾ ਅਤੇ ਪ੍ਰਗਟਾਵੇ ਦੀ ਆਜ਼ਾਦੀ’ ਤੇ ਹਮਲਾ ਹੈ।”
The Government of Canada stands with Parliamentarians targeted by unacceptable sanctions from China. We will continue to work with partners in defense of human rights, democracy and freedom of speech.
Statement: pic.twitter.com/8SkSjZGGiD
— Marc Garneau (@MarcGarneau) March 27, 2021
ਮਾਰਕ ਗਾਰਨੇਉ ਨੇ ਸ਼ਨੀਵਾਰ ਦੁਪਹਿਰ ਨੂੰ ਜਾਰੀ ਕੀਤੇ ਇਕ ਬਿਆਨ ਵਿੱਚ ਕਿਹਾ, “ਕੈਨੇਡਾ ਸਰਕਾਰ ਸੰਸਦ ਮੈਂਬਰਾਂ ਅਤੇ ਸਾਰੇ ਕੈਨੇਡੀਅਨਾਂ ਦੇ ਨਾਲ ਖੜੀ ਹੈ ਕਿਉਂਕਿ ਅਸੀਂ ਲੋਕਤੰਤਰ ਦੀ ਰਾਖੀ ਅਤੇ ਬੋਲਣ ਦੀ ਆਜ਼ਾਦੀ ਲਈ ਭਾਈਵਾਲਾਂ ਨਾਲ ਕੰਮ ਕਰਨਾ ਜਾਰੀ ਰੱਖਦੇ ਹਾਂ ਅਤੇ ਅੰਤਰਰਾਸ਼ਟਰੀ ਮਨੁੱਖੀ ਅਧਿਕਾਰਾਂ ਦੀਆਂ ਜ਼ਿੰਮੇਵਾਰੀਆਂ ਦੀ ਉਲੰਘਣਾ ਹੋਣ ਤੇ ਕਾਰਵਾਈ ਕਰਦੇ ਰਹਿਣਗੇ।”
ਇੱਕ ਟਵੀਟ ਵਿੱਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਗਾਰਨੇਉ ਦੀਆਂ ਟਿੱਪਣੀਆਂ ਨੂੰ ਇੱਕਦਮ ਸਹੀ ਮੰਨਿਆ ਅਤੇ ਕਿਹਾ ਕਿ ਇਹ ਪਾਬੰਦੀਆਂ ਲੋਕਤੰਤਰੀ ਦੇ ਦਿਲਾਂ ‘ਤੇ ਹਮਲਾ ਹਨ।
China’s sanctions are an attack on transparency and freedom of expression – values at the heart of our democracy. We stand with Parliamentarians against these unacceptable actions, and we will continue to defend human rights around the world with our international partners. https://t.co/gtMleSAaEd
— Justin Trudeau (@JustinTrudeau) March 27, 2021
ਟਰੂਡੋ ਨੇ ਕਿਹਾ, “ਸਾਨੂੰ ਉਨ੍ਹਾਂ ਨੂੰ ਯਾਦ ਦਿਵਾਉਣ ਲਈ ਇਕੱਠੇ ਖੜੇ ਹੋਣ ਦੀ ਲੋੜ ਹੈ ਜੋ ਮਨੁੱਖੀ ਅਤੇ ਜਮਹੂਰੀ ਅਧਿਕਾਰਾਂ ਦੀ ਉਲੰਘਣਾ ਕਰਦੇ ਹਨ ਜਿਸਨੂੰ ਪੂਰਾ ਵਿਸ਼ਵ ਦੇਖ ਰਿਹਾ ਹੈ।”
ਦਰਅਸਲ ਸ਼ਨੀਵਾਰ ਸਵੇਰੇ, ਚੀਨ ਨੇ ਘੋਸ਼ਣਾ ਕੀਤੀ ਕਿ ਉਹ ਕੈਨੇਡੀਅਨ ਕੰਜ਼ਰਵੇਟਿਵ ਐਮਪੀ ਮਾਈਕਲ ਚੋਂਗ ‘ਤੇ ਪਾਬੰਦੀਆਂ ਲਗਾਏਗਾ , ਜੋ ਸੰਸਦ ਦੀ ਵਿਦੇਸ਼ ਮਾਮਲਿਆਂ ਅਤੇ ਅੰਤਰਰਾਸ਼ਟਰੀ ਵਿਕਾਸ ਬਾਰੇ ਸਥਾਈ ਕਮੇਟੀ ਦੇ ਉਪ-ਚੇਅਰਮੈਨ ਵਜੋਂ ਸੇਵਾ ਨਿਭਾ ਰਹੇ ਹਨ।
ਦੇਸ਼ ਨੇ ਅੰਤਰਰਾਸ਼ਟਰੀ ਮਨੁੱਖੀ ਅਧਿਕਾਰਾਂ ਬਾਰੇ ਐਫਏਏਈ ਦੀ ਸਬ ਕਮੇਟੀ, ਜਿਸ ਦੇ ਅੱਠ ਮੈਂਬਰ ਹਨ , ਵਲੋ ਇਸ ਮਹੀਨੇ ਇਕ ਰਿਪੋਰਟ ਪੇਸ਼ ਕੀਤੀ ਗਈ । ਇਸ ਵਿੱਚ ਇਹ ਸਿੱਟਾ ਕੱਢਿਆ ਗਿਆ ਸੀ ਕਿ ਚੀਨ ਦੇ ਜ਼ਿਨਜਿਆਂਗ ਵਿਚ ਅੱਤਿਆਚਾਰ ਕੀਤੇ ਗਏ ਸਨ ਜੋ ਮਨੁੱਖਤਾ ਅਤੇ ਨਸਲਕੁਸ਼ੀ ਵਿਰੁੱਧ ਅਪਰਾਧ ਹਨ। ਚੀਨ ਇਸੇ ਰਿਪੋਰਟ ਤੋਂ ਚਿੜਿਆ ਹੋਇਆ ਹੈ।
ਚੀਨ ਨੇ ਯੂਐਸ ਵਿੱਚ ਵਿਅਕਤੀਆਂ ਅਤੇ ਇਕਾਈਆਂ ਉੱਤੇ ਪਾਬੰਦੀਆਂ ਦਾ ਐਲਾਨ ਵੀ ਕੀਤਾ ਸੀ ।
