ਲੰਡਨ: ‘ਚਾਇਨਾ ਵਾਇਰਸ’ ਤੋਂ ਬਾਅਦ ਇਸਦੇ ਵਧੇਰੇ ਖ਼ਤਰਨਾਕ ਰੂਪ ‘ਬ੍ਰਿਟੇਨ ਵਾਇਰਸ’ ਅਤੇ ‘ਬ੍ਰਾਜ਼ੀਲ ਵਾਇਰਸ’ ਨੇ ਦੁਨੀਆ ਭਰ ਦੇ ਲੋਕਾਂ ਦੀ ਨੀਂਦ ਹਰਾਮ ਕੀਤੀ ਹੋਈ ਹੈ। ਇਸ ਵਿਚਾਲੇ ਕੋਰੋਨਾ ਵਾਇਰਸ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਦੇਸ਼ਾਂ ‘ਚੋਂ ਇੱਕ ਬ੍ਰਿਟੇਨ ਨੇ ਆਪਣੀ ਅੱਧੀ ਆਬਾਦੀ ਤੋਂ ਵਧੇਰੇ ਬਾਲਗਾਂ ਨੂੰ ਵੈਕਸੀਨ ਦੀ ਪਹਿਲੀ ਖੁਰਾਕ ਦੇ ਦਿੱਤੀ ਹੈ।
More than half the adult population of the UK have now received their first jab.
Many thanks to everyone involved in this fantastic achievement. Let’s keep going! pic.twitter.com/cf9kWThmuM
— Boris Johnson (@BorisJohnson) March 20, 2021
ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਸ਼ਨੀਵਾਰ ਨੂੰ ਇਸ ਦੇ ਬਾਰੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਤਾਲਾਬੰਦੀ ਤੋਂ ਬਾਹਰ ਨਿਕਲਣ ਲਈ ਜਿਸ ਚਾਰ ਪੜਾਅ ਦੇ ਰੋਡਮੈਪ ਨੂੰ ਤਿਆਰ ਕੀਤਾ ਗਿਆ ਸੀ, ਉਸ ਦੇ ਇਕ ਹਿੱਸੇ ਵਜੋਂ ਬ੍ਰਿਟੇਨ ਨੇ ਵੱਡੀ ਕਾਮਯਾਬੀ ਹਾਸਲ ਕਰ ਲਈ ਹੈ। ਬ੍ਰਿਟਿਸ਼ ਪ੍ਰਧਾਨ ਮੰਤਰੀ ਨੇ ਟਵੀਟ ਕਰਦੇ ਹੋਏ ਇਸ ਉਪਲੱਬਧੀ ਨੂੰ ਸ਼ਾਨਦਾਰ ਦੱਸਿਆ।
Yesterday was a record-breaking day for the vaccine rollout, with 873,784 people receiving a jab.
A huge thank you to everyone involved and please come forward to get your jab when you are invited to do so.
— Boris Johnson (@BorisJohnson) March 21, 2021
ਜ਼ਿਕਰਯੋਗ ਹੈ ਕਿ ਬੀਤੇ ਦਿਨੀਂ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਨੇ ਖੁਦ ਵੀ ਕੋਰੋਨਾ ਵੈਕਸੀਨ ਦਾ ਪਹਿਲਾ ਟੀਕਾ ਲਗਵਾਇਆ ਸੀ।
ਬ੍ਰਿਟੇਨ ਨੇ 18 ਮਾਰਚ ਤੱਕ ਕੋਰੋਨਾ ਵਾਇਰਸ ਵੈਕਸੀਨ ਦੀਆਂ 2 ਕਰੋੜ 80 ਲੱਖ ਖੁਰਾਕਾਂ ਲੋਕਾਂ ਨੂੰ ਦਿੱਤੀਆਂ ਹਨ। ਇਨ੍ਹਾਂ ‘ਚੋਂ 20 ਲੱਖ ਲੋਕਾਂ ਦਾ ਪੂਰੀ ਤਰ੍ਹਾਂ ਨਾਲ ਟੀਕਾਕਰਨ ਕਰ ਦਿੱਤਾ ਗਿਆ ਹੈ। ਬ੍ਰਿਟੇਨ ਪਹਿਲਾਂ ਦੇਸ਼ ਹੈ ਜਿਸਨੇ ਫਾਈਜ਼ਰ ਅਤੇ ਬਾਇਓਨਟੈੱਕ ਵੱਲੋਂ ਨਿਰਮਿਤ ਵੈਕਸੀਨ ਦੀ ਵਰਤੋਂ ਸ਼ੁਰੂ ਕੀਤੀ ਸੀ। ਬ੍ਰਿਟੇਨ ਤੋਂ ਬਾਅਦ ਕਈ ਦੇਸ਼ਾਂ ਨੇ ਟੀਕਾਕਰਨ ਲਈ ਵੈਕਸੀਨ ਦਾ ਇਸਤੇਮਾਲ ਸ਼ੁਰੂ ਕੀਤਾ।
ਗਲੋਬਲੀ ਪੱਧਰ ‘ਤੇ ਤਕਰੀਬਨ ਹਰ ਦੇਸ਼ ਨੇ ਟੀਕਾਕਰਨ ਲਈ ਵੱਖ-ਵੱਖ ਰਣਨੀਤੀ ਅਪਣਾਈ ਹੈ। ਕੁਝ ਦੇਸ਼ਾਂ ਨੇ ਜਲਦ ਤੋਂ ਜਲਦ ਟੀਕਾਕਰਨ ਦਾ ਬਦਲ ਚੁਣਿਆ ਹੈ ਤਾਂ ਕੁਝ ਹੋਰ ਦੇਸ਼ਾਂ ਨੇ ਕਮਜ਼ੋਰ ਸਮੂਹਾਂ ਦੇ ਟੀਕਾਕਰਨ ਨੂੰ ਪਹਿਲ ਦਿੱਤੀ ਹੈ। ਟੀਕਾਕਰਨ ਦੇ ਮਾਮਲੇ ‘ਚ ਅਮਰੀਕਾ ਸਭ ਤੋਂ ਅੱਗੇ ਚੱਲ ਰਿਹਾ ਹੈ। ਹਾਲਾਂਕਿ ਪ੍ਰਤੀ 100 ਨੂੰ ਦਿੱਤੀ ਗਈ ਵੈਕਸੀਨ ਦੀ ਖੁਰਾਕ ਦੇ ਮਾਮਲੇ ‘ਚ ਇਜ਼ਰਾਈਲ ਅਤੇ ਯੂ.ਏ.ਆਈ. ਸਭ ਤੋਂ ਵੱਧ ਅੱਗੇ ਹਨ।