ਨਿਊ ਕੈਸਲ: ਅਮਰੀਕਾ ‘ਚ ਡੇਲਾਵੇਅਰ (Delaware) ਪੁਲਿਸ ਨੇ ਇੱਕ 12 ਸਾਲਾਂ ਨਾਬਾਲਿਗ ਲੜਕੇ ਨੂੰ ਹਿਰਾਸਤ ‘ਚ ਲਿਆ। ਪੁਲਿਸ ਦਾ ਕਹਿਣਾ ਹੈ ਨਾਬਾਲਿਗ ਨੇ ਗੈਸ ਸਟੇਸ਼ਨ ਤੋਂ ਇੱਕ ਪਿਕਅਪ ਟਰੱਕ ਦੀ ਚੋਰੀ ਕੀਤੀ ਅਤੇ ਫਿਰ ਤੇਜ਼ ਰਫਤਾਰ ਨਾਲ ਭੱਜਣ ਦੀ ਕੋਸ਼ਿਸ਼ ਕੀਤੀ ਜਿਸ ਤੋਂ ਬਾਅਦ ਟਰੱਕ ਦੁਰਘਟਨਾਗ੍ਰਸਤ ਹੋਣ ‘ਤੇ ਪੈਦਲ ਭੱਜਣ ਦੀ ਕੋਸ਼ਿਸ਼ ਕੀਤੀ ਗਈ।
ਡੇਲਾਵੇਅਰ ਸਟੇਟ ਪੁਲਿਸ ਨੇ ਦੱਸਿਆ ਕਿ ਲੜਕੇ ਨੇ 2003 ਦੇ ਫੋਰਡ ਰੇਂਜਰ ਨੂੰ ਚੋਰੀ ਕਰ ਲਿਆ ਸੀ ਜਦੋਂ ਉਸਦਾ ਮਾਲਕ ਸ਼ਨੀਵਾਰ ਨੂੰ ਨਿਊ ਕੈਸਲ ਦੇ ਵਾਵਾ ਗੈਸ ਸਟੇਸ਼ਨ ਨੇੜੇ ਏਟੀਐਮ(ATM) ਦੀ ਵਰਤੋਂ ਕਰ ਰਿਹਾ ਸੀ। ਪੁਲਿਸ ਨੇ ਲੜਕੇ ਦਾ ਨਾਮ ਨਹੀਂ ਦਿੱਤਾ।
ਪੁਲਿਸ ਨੇ ਜਦੋਂ ਚੋਰੀ ਕਿਤੇ ਵਾਹਨ ਦਾ ਪਤਾ ਲਗਾਇਆ ਤਾਂ ਲੜਕੇ ਨੇ ਟਰੱਕ ਰੋਕਣ ਤੋਂ ਇਨਕਾਰ ਕਰ ਦਿਤਾ। ਟਰੱਕ ਇਕ ਕਾਰ ਨਾਲ ਟਕਰਾਉਣ ਤੋਂ ਬਾਅਦ ਸ਼ੱਕੀ ਨੇ ਯੂ-ਟਰਨ ਲਿਆ ਜਿਸ ਤੋਂ ਬਾਅਦ ਟਰੱਕ ਡਿਵਾਇਡਰ ਨਾਲ ਟਕਰਾ ਗਿਆ । ਜਿਸਤੋਂ ਬਾਅਦ ਲੜਕੇ ਨੇ ਪੈਦਲ ਭਜਣ ਦੀ ਕੋਸ਼ਿਸ਼ ਕੀਤੀ, ਪਰ ਪੁਲਿਸ ਨੇ ਉਸਨੂੰ ਕਾਬੂ ਕਰ ਲਿਆ।
ਪੁਲਿਸ ਨੇ ਦੱਸਿਆ ਕਿ ਲੜਕੇ ‘ਤੇ ਤਿੰਨ ਜੁਰਮ ਅਤੇ ਹੋਰ ਕਈ ਦੋਸ਼ ਲੱਗੇ ਹਨ। 8008 ਡਾਲਰ ਦੇ ਬਾਂਡ ‘ਤੇ ਉਸਨੂੰ ਉਸਦੇ ਪਰਿਵਾਰ ਵਾਲਿਆਂ ਨੂੰ ਸੌਂਪ ਦਿੱਤਾ ਗਿਆ ਹੈ।
