ਓਟਾਵਾ : ਕੋਰੋਨਾ ਤੋਂ ਬਚਾਅ ਲਈ ਵੈਕਸੀਨ ਦੀ ਉਡੀਕ ਕਰ ਰਹੇ ਕੈਨੇਡਾ ਵਾਸੀਆਂ ਨੂੰ ਭਾਰਤ ਨੇ ਵੱਡੀ ਖੁਸ਼ਖਬਰੀ ਦਿੱਤੀ ਹੈ। ਭਾਰਤ ਵਿੱਚ ਤਿਆਰ ਆਕਸਫੋਰਡ-ਐਸਟ੍ਰਾਜ਼ਨੇਕਾ ਕੋਵਿਡ-19 ਟੀਕਾ ਦੀ ਪਹਿਲੀ ਖੇਪ ਕੈਨੇਡਾ ਪਹੁੰਚ ਗਈ ਹੈ। ਕੈਨੇਡਾ ਨੂੰ ਟੀਕੇ ਦੀਆਂ 5,00,000 ਖੁਰਾਕਾਂ ਪ੍ਰਾਪਤ ਹੋਈਆਂ ਹਨ, ਜੋ ਕਿ ਸੀਰਮ ਇੰਸਟੀਚਿਉਟ ਆਫ਼ ਇੰਡੀਆ ਵਲੋਂ ਤਿਆਰ ਕੀਤੀ ਗਈ ਹੈ। ਭਾਰਤ ਵਿੱਚ ਤਿਆਰ ਇਹ ਵੈਕਸੀਨ ਕੈਨੇਡਾ ਵਲੋਂ ਪ੍ਰਵਾਨਤ ਤੀਜੀ ਵੈਕਸੀਨ ਹੈ। ਇਸ ਤੋਂ ਪਹਿਲਾਂ ਕੈਨੇਡਾ ਨੇ ਫਾਇਜ਼ਰ ਅਤੇ ਮੋਡੇਰਨਾ ਦੀ ਵੈਕਸੀਨ ਨੂੰ ਮੰਜੂਰੀ ਦਿੱਤੀ ਸੀ। ਹਲਾਂਕਿ ਫਾਇਜ਼ਰ ਦੀ ਵੈਕਸੀਨ ਸਪਲਾਈ ਵਿੱਚ ਕੁਝ ਹਫ਼ਤਿਆਂ ਲਈ ਰੁਕਾਵਟ ਆਈ ਸੀ, ਜਿਸਤੋਂ ਬਾਅਦ ਇਹ ਕੈਨੇਡਾ ਵਿੱਚ ਵੱਡਾ ਸਿਆਸੀ ਮੁੱਦਾ ਵੀ ਬਣਿਆ। ਦੱਸ ਦਈਏ ਕਿ ਭਾਰਤ ਵਿੱਚ ਤਿਆਰ ਵੈਕਸੀਨਾਂ ਦੀ ਦੁਨੀਆ ਭਰ ਵਿੱਚ ਵੱਡੀ ਮੰਗ ਹੈ । ਭਾਰਤ ਆਪਣੇ ਕਈ ਮਿੱਤਰ ਦੇਸ਼ਾਂ ਨੂੰ ਵੈਕਸੀਨ ਮੁਫ਼ਤ ਉਪਲੱਬਧ ਕਰਵਾ ਰਿਹਾ ਹੈ।
Shipments of the newly authorized AstraZeneca #COVID19 vaccine have arrived in Canada 🇨🇦. Our #CBSA officers are mobilized and ready to clear this cargo for entry. Another important step in our fight against #COVID19. pic.twitter.com/FHqWa7iE6N
— Canada Border Services Agency (@CanBorder) March 3, 2021
ਆਕਸਫੋਰਡ-ਐਸਟ੍ਰਾਜ਼ਨੇਕਾ ਵੈਕਸੀਨ ਦੀਆਂ ਪੰਜ ਲੱਖ ਖੁਰਾਕਾਂ ਦੀ ਖੇਪ ਕੈਨੇਡਾ ਪਹੁੰਚ ਚੁੱਕੀ ਹੈ, ਪਰ ਇਸ ਵੈਕਸੀਨ ਨੂੰ ਬਜ਼ੁਰਗਾਂ ਲਈ ਇਸਤੇਮਾਲ ਕੀਤੇ ਜਾਣ ਨੂੰ ਲੈਣ ਕੇ ਭੰਬਲ਼ਭੂਸਾ ਹਾਲੇ ਵੀ ਬਰਕਰਾਰ ਹੈ। ਦਰਅਸਲ ਹੈਲਥ ਕੈਨੇਡਾ ਨੇ ਪਿਛਲੇ ਹਫਤੇ ਸਾਰੇ ਬਾਲਗ ਕੈਨੇਡੀਅਨਾਂ ਲਈ ਇਸ ਵੈਕਸੀਨ ਦੀ ਵਰਤੋਂ ਦਾ ਅਧਿਕਾਰ ਦਿੱਤਾ ਸੀ ਪਰ ਟੀਕਾਕਰਨ ਬਾਰੇ ਰਾਸ਼ਟਰੀ ਸਲਾਹਕਾਰ ਕਮੇਟੀ ਨੇ ਮੰਗਲਵਾਰ ਨੂੰ ਇਹ ਸਿਫਾਰਸ਼ ਕੀਤੀ ਸੀ ਕਿ ਇਸ ਨੂੰ 65 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਨਹੀਂ ਦਿੱਤਾ ਜਾਣਾ ਚਾਹੀਦਾ।
The first shipment of 500,000 AstraZeneca vaccines has arrived in Canada! With this delivery, we’re closer to achieving our goal to provide a #CovidVaccine to everyone in Canada who wishes to receive one by the end of September. pic.twitter.com/SHZC2L7tJ2
— Public Services (@PSPC_SPAC) March 4, 2021
ਕਮੇਟੀ ਦਾ ਕਹਿਣਾ ਹੈ ਕਿ ਬਜ਼ੁਰਗਾਂ ਲਈ ਆਕਸਫੋਰਡ-ਐਸਟਰਾਜ਼ੇਨੇਕਾ ਟੀਕਾ ਕਿੰਨਾ ਪ੍ਰਭਾਵਸ਼ਾਲੀ ਹੈ ਇਸ ਬਾਰੇ ਕਲੀਨਿਕਲ ਅਜ਼ਮਾਇਸ਼ਾਂ ਦੇ ਸੀਮਿਤ ਅੰਕੜੇ ਉਪਲਬਧ ਹਨ । ਕਮੇਟੀ ਨੇ ਸਿਫਾਰਸ਼ ਕੀਤੀ ਕਿ ਇਸ ਵੇਲੇ ਬਜ਼ੁਰਗਾਂ ਨੂੰ ਦੋ ਹੋਰ ਟੀਕਿਆਂ ਫਾਈਜ਼ਰ-ਬਾਇਓਨਟੈਕ ਅਤੇ ਮੋਡੇਰਨਾ ਲਈ ਤਰਜੀਹ ਦਿੱਤੀ ਜਾਵੇ ।
ਹਲਾਂਕਿ ਕੁਝ ਮਾਹਿਰਾਂ ਨੇ ਹੈਲਥ ਕੈਨੇਡਾ ਅਤੇ ਕਮੇਟੀ ਦੋਵਾਂ ਨੂੰ ਜ਼ੋਰ ਦੇ ਕੇ ਕਿਹਾ ਗਿਆ ਹੈ ਕਿ ਕਲੀਨਿਕਲ ਅਧਿਐਨਾਂ ਵਿਚ ਜਾਂ ਦੂਜੇ ਦੇਸ਼ਾਂ ਵਿਚ ਆਕਸਫੋਰਡ-ਐਸਟ੍ਰਾਜ਼ਨੇਕਾ ਟੀਕਾ ਪ੍ਰਾਪਤ ਕਰਨ ਵਾਲੇ ਲੱਖਾਂ ਬਜ਼ੁਰਗਾਂ ਵਿਚ ਸੁਰੱਖਿਆ ਦੀ ਕੋਈ ਚਿੰਤਾ ਨਹੀਂ ਪੈਦਾ ਹੋਈ, ਪਰ ਉਹਨਾਂ ਦੀ ਸ਼ਾਇਦ ਸੁਣੀ ਹੀ ਨਹੀਂ ਗਈ ।
ਉਧਰ, ਹੈਲਥ ਕੈਨੇਡਾ ਦੀ ਮੁੱਖ ਮੈਡੀਕਲ ਸਲਾਹਕਾਰ, ਡਾ. ਸੁਪ੍ਰੀਆ ਸ਼ਰਮਾ ਨੇ ਜ਼ੋਰ ਦੇ ਕੇ ਕਿਹਾ ਕਿ ਉਨ੍ਹਾਂ ਦਾ ਵਿਭਾਗ ਅਤੇ ਸਲਾਹਕਾਰ ਕਮੇਟੀ ਦੇ ਕਹਿਣ ਦੇ ਵਿਚਕਾਰ ਕੋਈ ਅਸਲ ਵਿਵਾਦ ਨਹੀਂ ਹੈ: ਦੋਵੇਂ ਇਸ ਗੱਲ ਨਾਲ ਸਹਿਮਤ ਹਨ ਕਿ ਜਿਥੇ ਵੀ ਸੰਭਵ ਹੋਵੇ, ਬਜ਼ੁਰਗਾਂ ਨੂੰ ਫਾਈਜ਼ਰ ਜਾਂ ਮਾਡਰਨ ਟੀਕੇ ਦੇਣਾ ਬਿਹਤਰ ਹੈ, ਜੋ ਬਿਹਤਰ ਸਾਬਤ ਹੋਇਆ ਹੈ। ਦੂਜੀਆਂ ਦੋ ਵੈਕਸੀਨਾਂ ਦੀ ਸਿਫ਼ਾਰਸ਼ ਦਾ ਕਾਰਨ ਕਲੀਨਿਕਲ ਅਜ਼ਮਾਇਸ਼ਾਂ ਵਿੱਚ ਬਜ਼ੁਰਗ ਲੋਕਾਂ ਨੂੰ ਕੋਵਿਡ-19 ਤੋਂ ਬਚਾਉਣ ਵਿੱਚ ਇਹਨਾਂ ਵੈਕਸੀਨਾਂ ਦਾ ਵਧੇਰੇ ਪ੍ਰਭਾਵਸ਼ਾਲੀ ਹੋਣਾ ਹੈ ।