ਕੈਨੇਡਾ ਦੇ ਪ੍ਰਧਾਨਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਉਹ ਕੋਵਿਡ-19 ਟੀਕੇ ਰੋਲਆਉਟ ਦੀ ਹੌਲੀ ਰਫਤਾਰ ਤੋਂ ਪ੍ਰੇਸ਼ਾਨ ਹਨ ਅਤੇ ਉਹਨਾਂ ਨੂੰ ਭਰੋਸਾ ਹੈ ਕਿ ਇਸ ਹਫਤੇ ਦੇ ਅੰਤ ਤੱਕ ਇਸ ਵਿੱਚ ਸੁਧਾਰ ਹੋਵੇਗਾ । ਉਹ ਇੱਕ ਕਾਨਫਰੰਸ ਕਾਲ ਦੌਰਾਨ ਵੱਖ ਵੱਖ ਸੂਬਿਆਂ ਦੇ ਪ੍ਰੀਮੀਅਰਾਂ ਨਾਲ ਟੀਕਾਕਰਣ ਦੀ ਗਿਣਤੀ ਵਧਾਉਣ ਬਾਰੇ ਗੱਲਬਾਤ ਕਰਨਗੇ ਤਾਂ ਜ਼ੋ ਟੀਕਾਕਰਨ ਦੀ ਰਫ਼ਤਾਰ ਨੂੰ ਵਧਾਇਆ ਜਾ ਸਕੇ ।
ਕਨੇਡਾ ਨੂੰ ਪਹਿਲਾਂ ਹੀ ਮਾਡਰਨ ਅਤੇ ਫਾਈਜ਼ਰ-ਬਾਇਓਨਟੈਕ ਟੀਕਿਆਂ ਦੀਆਂ 424,050 ਤੋਂ ਵੱਧ ਖੁਰਾਕਾਂ ਮਿਲੀਆਂ ਹਨ – ਪਰ ਇਨ੍ਹਾਂ ਵਿੱਚੋਂ ਸਿਰਫ 35 ਫੀਸਦੀ ਖੁਰਾਕਾਂ ਨੂੰ ਵੱਖ-ਵੱਖ ਪ੍ਰਾਂਤਾਂ ਵਿੱਚ ਵੰਡਿਆ ਜਾ ਸਕਿਆ ਹੈ। ਹੁਣ ਤੱਕ ਤਕਰੀਬਨ 1 ਲੱਖ 48 ਹਜ਼ਾਰ ਕੈਨੇਡੀਅਨਾਂ ਨੂੰ ਵੈਕਸੀਨ ਦਿੱਤੀ ਜਾ ਸਕੀ ਹੈ, ਜਿਸਨੂੰ ਕਾਫ਼ੀ ਨਹੀਂ ਮੰਨਿਆ ਜਾ ਸਕਦਾ।
ਟਰੂਡੋ ਸਭ ਤੋਂ ਵੱਧ ਪ੍ਰੇਸ਼ਾਨ ਓਂਟਾਰੀਓ ਦੇ ਟੀਕਾਕਰਨ ਪ੍ਰੋਗਰਾਮ ਤੋਂ ਹਨ। ਜਿੱਥੇ ਕੋਰੋਨਾ ਦੇ ਮਰੀਜ਼ਾਂ ਦੀ ਗਿਣਤੀ ਜ਼ਿਆਦਾ ਹੋਣ ਦੇ ਬਾਵਜੂਦ ਵੈਕਸੀਨ ਵੰਡ ਦੀ ਮੁਹਿੰਮ ਹੌਲੀ ਰਹੀ ਹੈ। ਓਂਟਾਰੀਓ ਵਿਖੇ 15 ਦਸੰਬਰ ਨੂੰ ਟੀਕਾਕਰਨ ਮੁਹਿੰਮ ਸ਼ੁਰੂ ਹੋਣ ਤੋਂ ਬਾਅਦ ਸੂਬੇ ਵਿੱਚ ਸਿਰਫ 50,000 ਖੁਰਾਕਾਂ ਦਾ ਪ੍ਰਬੰਧਨ ਹੀ ਕੀਤਾ ਗਿਆ ਹੈ।
ਇਸ ਰਫ਼ਤਾਰ ਨਾਲ ਜੇ ਪ੍ਰਾਂਤ ਇੱਕ ਦਿਨ ਵਿੱਚ ਸਿਰਫ 2500 ਸ਼ਾਟਾਂ (ਵੈਕਸੀਨਾਂ ਦਾ ਭਪ੍ਰਬੰਧ ਕਰਨਾ ਜਾਰੀ ਰੱਖਦਾ ਹੈ, ਤਾਂ ਸੂਬੇ ਵਿੱਚ ਸਾਰੇ ਬਾਲਗ਼ਾਂ ਨੂੰ ਟੀਕੇ ਲਗਵਾਉਣ ਵਿੱਚ ਇੱਕ ਦਹਾਕੇ ਤੋਂ ਵੱਧ ਦਾ ਸਮਾਂ ਲੱਗੇਗਾ ।
ਟਰੂਡੋ ਨੇ ਦੇਸ਼ ਦੀ ਉਪ ਪ੍ਰਧਾਨਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ, ਸਿਹਤ ਮੰਤਰੀ ਪੈਟੀ ਹਜਦੂ , ਮੁੱਖ ਸਿਹਤ ਅਧਿਕਾਰੀ ਡਾ਼. ਥੈਰੇਸਾ ਟਾਮ ਅਤੇ ਹੋਰਨਾਂ ਨਾਲ ਵੀਡੀਓ ਕਾਨਫਰੰਸਿੰਗ ਰਾਹੀਂ ਗੱਲਬਾਤ ਕੀਤੀ ਅਤੇ ਕੋਰੋਨਾ ਵੈਕਸੀਨ ਦੀ ਵੰਡ ਅਤੇ ਮੌਜੂਦਾ ਹਾਲਾਤਾਂ ਦਾ ਜਾਇਜ਼ਾ ਲਿਆ।
Along with @CAFreeland, @PattyHajdu, and @DLeBlancNB, I connected with Dr. Tam and Dr. Nemer this morning to speak about the current COVID-19 situation. We’ll continue to work together, base our decisions on the latest available science, and do everything we can to keep you safe. pic.twitter.com/tevMeAcXm9
— Justin Trudeau (@JustinTrudeau) January 4, 2021
ਟਰੂਡੋ ਨੇ ਕਿਹਾ, “ਮੈਨੂੰ ਲਗਦਾ ਹੈ ਕਿ ਕੈਨੇਡੀਅਨ, ਮੇਰੇ ਸਮੇਤ, ਕੈਨੇਡਾ ਦੇ ਲੋਕ ਫ੍ਰੀਜ਼ਰ ਵਿੱਚ ਟੀਕੇ ਵੇਖ ਕੇ ਨਿਰਾਸ਼ ਹਨ।, ਇਸੇ ਲਈ ਅਸੀਂ ਸੂਬਿਆਂ ਨਾਲ ਮਿਲ ਕੇ ਕੰਮ ਕਰਨਾ ਜਾਰੀ ਰੱਖ ਰਹੇ ਸਾਂ ਤਾਂ ਜੋ ਸੂਬਿਆਂ ਨੂੰ ਟੀਕੇ ਪਹੁੰਚਾਉਣ ਅਤੇ ਉਨ੍ਹਾਂ ਦਾ ਸਮਰਥਨ ਕੀਤਾ ਜਾ ਸਕੇ ਕਿਉਂਕਿ ਜਿੰਨੀ ਜਲਦੀ ਸੰਭਵ ਹੋ ਸਕੇ ‘ਕਮਜ਼ੋਰ ਅਬਾਦੀ ਅਤੇ ਫਰੰਟ-ਲਾਈਨ ਵਰਕਰਾਂ ਨੂੰ ਟੀਕੇ ਲਗਵਾਉਣ ਦੇ ਲਿਹਾਜ਼ ਨਾਲ ਇਸ ਦੀ ਵੱਧ ਜ਼ਰੂਰਤ ਹੈ।”