ਟੋਰਾਂਟੋ : ਕੈਨੇਡਾ ਦੇ ਸਭ ਤੋਂ ਵੱਡੇ ਅਤੇ ਕੋਰੋਨਾ ਪ੍ਰਭਾਵਿਤ ਸੂਬੇ ਓਂਂਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਨੇ ਹਾਲ ਹੀ ਵਿੱਚ ਆਪਣੇ ਲਏ ਫੈਸਲਿਆਂ ਲਈ ਮੁਆਫੀ ਮੰਗੀ ਹੈ । ਵਿਵਾਦਤ ਮਾਪਦੰਡਾਂ ਨੂੰ ਲਾਗੂ ਕਰਨ ਅਤੇ ਫਿਰ ਰੱਦ ਕਰਨ ਮਗਰੋਂ ਪਹਿਲੀ ਵਾਰੀ ਜਨਤਕ ਤੌਰ ਉੱਤੇ ਸਾਹਮਣੇ ਆਏ ਪ੍ਰੀਮੀਅਰ ਡੱਗ ਫੋਰਡ ਨੇ ਵੀਰਵਾਰ ਨੂੰ ਓਂਟਾਰੀਓ ਵਾਸੀਆਂ ਤੋਂ ਮੁਆਫੀ ਮੰਗੀ। ਉਨ੍ਹਾਂ ਆਖਿਆ ਕਿ ਪਿੱਛੇ ਜਿਹੇ ਲਾਗੂ ਕੀਤੇ ਮਾਪਦੰਡਾਂ ਦਾ ਉਨ੍ਹਾਂ ਨੂੰ ਬਹੁਤ ਪਛਤਾਵਾ ਹੈ।
Premier Ford holds a virtual press conference https://t.co/zlsyKgGhRp
— Doug Ford (@fordnation) April 22, 2021
ਦੱਸ ਦਈਏ ਕਿ ਇਨ੍ਹਾਂ ਨਵੇਂ ਮਾਪਦੰਡਾਂ ਵਿੱਚ ਪਲੇਅਗ੍ਰਾਊਂਡਸ ਨੂੰ ਬੰਦ ਕਰਨਾ, ਓਂਟਾਰੀਓ ਦੇ ਅਧਿਕਾਰੀਆਂ ਨੂੰ ਘਰਾਂ ਤੋਂ ਬਾਹਰ ਨਿਕਲੇ ਲੋਕਾਂ ਤੇ ਗੱਡੀਆਂ ਵਿੱਚ ਸਵਾਰ ਲੋਕਾਂ ਨੂੰ ਕਿਤੇ ਵੀ ਰੋਕ ਕੇ ਪੁੱਛਗਿੱਛ ਕਰਨ ਤੇ ਉਨ੍ਹਾਂ ਖਿਲਾਫ ਕਾਰਵਾਈ ਕਰਨਾ ਸ਼ਾਮਲ ਸੀ। ਫੋਰਡ ਸਰਕਾਰ ਦੇ ਇਸ ਤਰ੍ਹਾਂ ਦੇ ਫੈਸਲੇ ਦਾ ਸਿਹਤ ਮਾਹਿਰਾਂ ਦੇ ਨਾਲ-ਨਾਲ ਹੋਰਨਾਂ ਤਬਕਿਆਂ ਵੱਲੋਂ ਵੀ ਸਖ਼ਤ ਵਿਰੋਧ ਕੀਤਾ ਗਿਆ ਤੇ ਇਹ ਵੀ ਆਖਿਆ ਗਿਆ ਕਿ ਇਨ੍ਹਾਂ ਨਾਲ ਮਹਾਂਮਾਰੀ ਦੀ ਤੀਜੀ ਵੇਵ ਨੂੰ ਠੱਲ੍ਹਣ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਮਦਦ ਨਹੀਂ ਮਿਲੇਗੀ ਤੇ ਇਸ ਤਰ੍ਹਾਂ ਦੀ ਸਖ਼ਤੀ ਕਰਨਾ ਸਰਾਸਰ ਗਲਤ ਹੋਵੇਗਾ।
ਟੋਰਾਂਟੋ ਵਿੱਚ ਆਪਣੇ ਘਰ ਦੇ ਬਾਹਰੋਂ ਵਰਚੂਅਲ ਪ੍ਰੈੱਸ ਕਾਨਫਰੰਸ ਦੌਰਾਨ ਗੱਲ ਕਰਦਿਆਂ ਫੋਰਡ ਜਜ਼ਬਾਤੀ ਹੋ ਗਏ । ਉਨ੍ਹਾਂ ਆਖਿਆ ਕਿ ਇਸ ਤਰ੍ਹਾਂ ਦੇ ਗਲਤ ਕਦਮਾਂ ਦੀ ਉਹ ਪੂਰੀ ਜਿ਼ੰਮੇਵਾਰੀ ਲੈਂਦੇ ਹਨ ਤੇ ਦਿਲ ਤੋਂ ਓਂਟਾਰੀਓ ਵਾਸੀਆਂ ਤੋਂ ਮੁਆਫੀ ਮੰਗਦੇ ਹਨ । ਫੋਰਡ ਨੇ ‘ਪੇਡ ਸਿੱਕ ਡੇਅ ਪ੍ਰੋਗਰਾਮ’ ਨੂੰ ਲਾਗੂ ਕਰਨ ਦੀ ਆਪਣੀ ਵਚਨਬੱਧਤਾ ਵੀ ਦੁਹਰਾਈ।
Premier Ford chokes back tears as he speaks about the hardships people are enduring through #covid19. Then the screen froze. I have never seen him this emotional before. #onpoli pic.twitter.com/75M23uwo8B
— Cynthia Mulligan (@CityCynthia) April 22, 2021
ਇਹ ਪੁੱਛੇ ਜਾਣ ਉੱਤੇ ਕਿ ਓਂਟਾਰੀਓ ਦੀ ਅਗਵਾਈ ਕਰਨ ਦੀ ਅਜੇ ਵੀ ਉਹ ਇਖਲਾਕੀ ਜਿ਼ੰਮੇਵਾਰੀ ਲੈਣ ਲਈ ਤਿਆਰ ਹਨ ਤਾਂ ਉਨ੍ਹਾਂ ਆਖਿਆ ਕਿ ਉਹ ਕਿਸੇ ਜਿ਼ੰਮੇਵਾਰੀ ਤੋਂ ਪਾਸਾ ਮੋੜ ਕੇ ਜਾਂ ਪਿੱਠ ਦਿਖਾ ਕੇ ਨਹੀਂ ਭੱਜਦੇ। ਫੋਰਡ ਨੇ ਕਿਹਾ ਅਸੀਂ ਲੀਡ ਕਰਨਾ ਵੀ ਜਾਰੀ ਰੱਖਾਂਗੇ ਤੇ ਇਸ ਮਹਾਂਮਾਰੀ ਤੋਂ ਵੀ ਓਂਟਾਰੀਓ ਨੂੰ ਬਾਹਰ ਲਿਆ ਕੇ ਹੀ ਸਾਹ ਲਵਾਂਗੇ। ਜਦੋਂ ਗੱਲ ਸਾਡੀਆਂ ਜਿ਼ੰਦਗੀਆਂ, ਸਾਡੇ ਹਸਪਤਾਲਾਂ, ਸਾਡੇ ਲੋਕਾਂ ਦੀਆਂ ਜਿ਼ੰਦਗੀਆਂ ਦੀ ਆਉਂਦੀ ਹੈ ਤਾਂ ਅਸੀਂ ਡਗਮਗਾ ਨਹੀਂ ਸਕਦੇ।