ਕੈਨੇਡਾ ਵਿੱਚ ਕੋਰੋਨਾ ਵਾਇਰਸ ਨਾਲ਼ ਪ੍ਰਭਾਵਿਤਾਂ ਦੀ ਗਿਣਤੀ ਦੇ ਅੰਕੜੇ ਵਧਣੇ ਲਗਾਤਾਰ ਜਾਰੀ
ਬੀਤੇ 24 ਘੰਟਿਆਂ ਦੌਰਾਨ 383 ਨਵੇਂ ਮਾਮਲੇ ਆਏ ਸਾਹਮਣੇ
ਪਹਿਲਾਂ ਨਾਲੋਂ ਹੁਣ ਜ਼ਿਆਦਾ ਤੇਜ਼ੀ ਨਾਲ ਸਿਹਤਯਾਬ ਹੋ ਰਹੇ ਨੇ ਮਰੀਜ਼
ਕੈਨੇਡਾ ਦੇ ਕੁਝ ਸੂਬਿਆਂ ਵਿਚ ਕੋਰੋਨਾ ਦੀ ਸਥਿਤੀ ਪੂਰੀ ਤਰ੍ਹਾਂ ਕਾਬੂ ਹੇਠ
ਓਟਾਵਾ/ਨਿਊਜ਼ ਡੈਸਕ : ਇੱਕ ਵਾਰ ਫਿਰ ਤੋਂ 24 ਘੰਟਿਆਂ ਦੌਰਾਨ ਕੈਨੇਡਾ ਵਿਚ ਸਾਢੇ ਤਿੰਨ ਸੌ ਤੋਂ ਵੱਧ ਕੋਰੋਨਾ ਪਾਜ਼ਿਟਿਵ ਮਾਮਲੇ ਦਰਜ ਕੀਤੇ ਗਏ। ਕੈਨੇਡਾ ‘ਚ ਵੀਰਵਾਰ ਨੂੰ ਨਾਵਲ ਕੋਰੋਨਾ ਵਾਇਰਸ ਦੇ ਕੁੱਲ ਮਿਲਾ ਕੇ 383 ਨਵੇਂ ਕੇਸ ਸਾਹਮਣੇ ਆਏ ਹਨ । ਇਸ ਤਰ੍ਹਾਂ ਦੇਸ਼ ਵਿੱਚ ਹੁਣ ਕੁੱਲ 123,816 ਕੇਸ ਹਨ – 4,570 ਕਿਰਿਆਸ਼ੀਲ ਹਨ – ਅਤੇ ਚਾਰ ਵਿਅਕਤੀਆਂ ਦੀ ਬੀਤੇ 24 ਘੰਟਿਆਂ ਵਿੱਚ ਕੋਰੋਨਾ ਕਾਰਨ ਜਾਨ ਗਈ ਹੈ ਇਸਦੇ ਨਾਲ ਕੁੱਲ 9,054 ਵਿਅਕਤੀਆਂ ਨੇ ਕੋਰੋਨਾ ਕਾਰਨ ਆਪਣੀ ਜਾਨ ਗੁਆਈ ਹੈ । ਇਸ ਵਿਚਲੇ ਕੋਰੋਨਾ ਸੰਕਰਮਿਤ ਹੁਣ ਤੇਜ਼ੀ ਨਾਲ ਸਿਹਤਯਾਬ ਹੋ ਰਹੇ ਨੇ। ਸੰਕ੍ਰਮਿਤ ਮਰੀਜ਼ਾਂ ਦਾ ਸਿਹਤਯਾਬੀ ਦਾ ਗਰਾਫ ਪਹਿਲਾਂ ਨਾਲੋਂ ਵੀ ਜ਼ਿਆਦਾ ਸੁਧਰਿਆ ਹੈ।
ਬ੍ਰਿਟਿਸ਼ ਕੋਲੰਬੀਆ (ਬੀ.ਸੀ.) ‘ਚ ਕੋਰੋਨਾ ਵਾਇਰਸ ਕਾਰਨ ਇੱਕ ਪੀੜਤ ਦੀ ਮੌਤ ਅਤੇ 80 ਨਵੇਂ ਕੇਸ ਦਰਜ ਕੀਤੇ ਗਏ ਹਨ ।
ਅਲਬਰਟਾ ਵਿਖੇ ਵੀਰਵਾਰ ਨੂੰ ਸਭ ਤੋਂ ਜ਼ਿਆਦਾ 103 ਨਵੇਂ ਕੇਸਾਂ ਨੂੰ ਜੋੜਿਆ, ਜਿਸ ਨਾਲ ਇਸ ਦੇ ਸਰਗਰਮ ਮਾਮਲਿਆਂ ਦੀ ਕੁੱਲ ਸੰਖਿਆ 1,084 ਅਤੇ ਕੁੱਲ ਕੇਸਾਂ ਦੀ ਗਿਣਤੀ 12,604 ਤੇ ਪਹੁੰਚ ਗਈ. ਇਨ੍ਹਾਂ ਵਿਚੋਂ 11,292 ਸਿਹਤਯਾਬ ਹੋ ਚੁੱਕੇ ਹਨ।
ਸਸਕੈਚਵਨ ਵਿਚ ਲਗਭਗ ਇਕ ਮਹੀਨੇ ਵਿਚ ਸਭ ਤੋਂ ਘੱਟ ਐਕਟਿਵ ਕੋਰੋਨਾ ਵਾਇਰਸ ਦੇ ਕੇਸ ਦੇਖੇ ਗਏ ਹਨ ਸਸਕੈਚਵਨ ਵਿਚ, ਸੂਬਾਈ ਸਰਕਾਰ ਨੇ ਕਿਹਾ ਕਿ ਸਰਗਰਮ ਮਾਮਲੇ ਚਾਰ ਹਫ਼ਤਿਆਂ ਤੋਂ ਵੀ ਵੱਧ ਸਮੇਂ ਵਿਚ ਸਭ ਤੋਂ ਹੇਠਲੇ ਬਿੰਦੂ ਤੇ ਆ ਗਏ ਹਨ ਕਿਉਂਕਿ ਇਹ 148 ਸਰਗਰਮ ਮਾਮਲਿਆਂ ਵਿਚ ਪਹੁੰਚ ਗਿਆ ਹੈ । ਚਾਰ ਨਵੇਂ ਕੇਸ ਸਾਹਮਣੇ ਆਉਣ ਤੋਂ ਬਾਅਦ ਪ੍ਰਾਂਤ ਦੇ ਕੁੱਲ ਪ੍ਰਭਾਵਿਤ 1,590 ਹੋ ਗਏ ਹਨ।
