ਫੈਡਰਲ ਸਰਕਾਰ ਵੱਲੋਂ ਕੋਵਿਡ 19 ਦੌਰਾਨ ਇੰਮਪਲੋਇਮੈਂਟ ਇਨਸ਼ੋਰੇਂਸ ਬੈਨੀਫਿਟ ਦਾ ਹਿਸਾਬ ਰੱਖਣ ਲਈ ਘੱਟੋ-ਘੱਟ ਬੇਰੁਜ਼ਗਾਰੀ ਦਰ 13 ਫੀਸਦੀ ਤੈਅ ਕੀਤੀ ਗਈ ਹੈ। ਇਨਾਂ ਹੀ ਨਹੀਂ ਜਿਹੜੇ ਲੋਕ ਅਜਿਹੇ ਰੀਜਨਜ਼ ‘ਚ ਰਹਿੰਦੇ ਨੇ ਜਿਥੋਂ ਦੀ ਬੇਰੁਜ਼ਗਾਰੀ ਦਰ ਇਸ ਨਾਲੋਂ ਵੀ ਘੱਟ ਹੈ ਉਨਾਂ ਦੇ ਈਆਈ (EI) ਬੈਨੇਫੀਟਜ਼ ਇਸ ਦਰ ਉਤੇ ਤੈਅ ਕੀਤੇ ਜਾਣਗੇ ਅਤੇ ਜਿਨਾਂ ਰੀਜ਼ਨਸ ‘ਚ ਬੇਰੁਜ਼ਾਗਾਰੀ ਦਰ ਜ਼ਿਆਦਾ ਹੋਵੇਗੀ ਉਥੇ ਈ-ਆਈ ਬੈਨੇਫੀਟਜ਼ ਉਸ ਰੀਜਨ ਦੀ ਅਸਲ ਦਰ ਦੇ ਹਿਸਾਬ ਨਾਲ ਤੈਅ ਕੀਤੇ ਜਾਣਗੇ।
ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਫੈਸਲਾ ਇਸ ਲਈ ਲਿਆ ਗਿਆ ਹੈ ਕਿਉਕਿ ਕੋਵਿਡ 19 ਨੇ ਦੇਸ਼ ਭਰ ਦੀ ਲੇਬਰ ਮਾਰਕਿਟ ਤੇ ਅਸਰ ਪਾਇਆ ਹੈ। ਸਟੈਸਟਿਕਸ ਕੈਨੇਡਾ ਦਾ ਕਹਿਣਾ ਹੈ ਕਿ ਜੁਲਾਈ ਵਿਚ ਬੇਰੁਜ਼ਗਾਰੀ ਦਰ 10.9 ਫੀਸਦ ਸੀ ਜੋ ਕਿ ਜੂਨ ਵਿਚ ਰਿਕਾਰਡ ਦਰ ਨਾਲੋਂ 12.3 ਫੀਸਦੀ ਤੇ ਮਈ ਵਿਚ ਦਰਜ ਕੀਤੀ ਗਈ ਬੇਰੁਜ਼ਗਾਰੀ ਦਰ 13.7 ਫੀਸਦ ਨਾਲੋਂ ਘੱਟ ਸੀ।
ਓਟਾਵਾ ਵਲੋਂ ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੇਫੀਟ ਲਾਂਚ ਕਰਨ ਤੋਂ ਬਾਅਦ 1.6 ਮੀਲੀਅਨ ਕੈਨੇਡੀਅਨਾਂ ਤੋਂ ਵੀ ਵੱਧ ਕੰਮ ਉਤੇ ਪਰਤ ਆਏ ਹਨ। ਜਿਸ ਨਾਲ 8.5 ਮਿਲੀਅਨ ਕੈਨੇਡੀਅਨਾਂ ਨੂੰ ਆਮਦਨ ਪੱਖੋਂ ਮਦਦ ਮਿਲੀ ਹੈ। ਅਪਲਾਈਮੈਂਟ ਵਰਕਫੋਰਸ ਡਿਵੈਲਪਮੈਂਟ ਤੇ ਡਿਸਐਬਿਲਟੀ ਇਨਕਲੂਜ਼ਨ ਮੰਤਰੀ ਨੇ ਕਿਹਾ ਕਿ ਅਸੀ ਬਹੁਤ ਧਿਆਨ ਨਾਲ ਤੇ ਹੌਲੀ-ਹੌਲੀ ਆਪਣੇ ਅਰਥਚਾਰੇ ਵਲ ਮੁੜ ਰਹੇ ਹਾਂ ਤਾਂ ਧਿਆਨ ਵਿਚ ਆਇਆ ਕਿ ਉਸ ਦੌਰਾਨ ਸਾਡੇ ਕੈਨੇਡੀਅਨ ਵਰਕਰਜ਼ ਨੂੰ ਅਜੇ ਵੀ ਕਈ ਉਨਤਾਈਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਉਨਾਂ ਆਖਿਆ ਕਿ ਆਰਜ਼ੀ ਤੌਰ ਤੇ ਕੌਮੀ ਪੱਧਰ ਤੇ ਘੱਟੋ-ਘਟ ਬੇਰੁਜ਼ਗਾਰੀ ਦਰ ਤੈਅ ਕਰਨ ਨਾਲ ਈ-ਆਈ ਪਰੋਗਰਾਮ ਨਾਲ ਵਧ ਤੋਂ ਵਧ ਲੋਕਾਂ ਦੀ ਮਦਦ ਹੋ ਸਕਦੀ ਹੈ।
