ਟੋਰਾਂਟੋ: ਪੁਲਿਸ ਦੇ ਤਸ਼ੱਦਦ ਦਿਨੋਂ–ਦਿਨ ਵੱਧਦੇ ਜਾ ਰਹੇ ਹਨ। ਜਿਥੇ ਕਈ ਪੁਲਿਸ ਵਾਲਿਆਂ ਦੇ ਖ਼ਿਲਾਫ ਕਈ ਸੜਕਾਂ ਤੇ ਵਿਰੋਧ ਕਰ ਰਹੇ ਹਨ, ਅਤੇ ਕਈ ਸਕੂਲਾਂ ਵਿੱਚ ਪੁਲਿਸ ਵਾਲਿਆਂ ਦਾ ਜਾਣਾ ਬੰਦ ਕਰ ਦਿਤਾ ਗਿਆ ਹੈ। ਹੁਣ ਇੱਕ ਹੋਰ 2016 ਦੀ ਘਟਨਾ ਸਾਹਮਣੇ ਆਈ ਹੈ ਜਿਸ ‘ਚ ਇਕ ਗੈਰ-ਗੋਰੇ ਵਿਅਕਤੀ ਨੂੰ ਹਿਰਾਸਤ ਵਿੱਚ ਲੈ ਕੇ ਟੋਰਾਂਟੋ ਪੁਲਿਸ ਅਧਿਕਾਰੀ ਨੇ ਉਸਨੂੰ ਪਾਈਪ ਨਾਲ ਬੁਰੀ ਤਰ੍ਹਾਂ ਕੁੱਟਿਆ ਅਤੇ ਨੌਜਵਾਨ ਦੀ ਖੱਬੀ ਅੱਖ ‘ਤੇ ਜ਼ੋਰਦਾਰ ਸੱਟ ਮਾਰੀ, ਜਿਸ ਕਾਰਨ ਉਸ ਨੂੰ ਦਿਖਾਈ ਦੇਣਾ ਬੰਦ ਹੋਗਿਆ। ਪ੍ਰੋਜ਼ੀਕਿਊਟਰ ਨੇ ਕਾਨਸਟੇਬਲ ਮਾਈਕਲ ਥੈਰਿਆਲਟ ‘ਤੇ ਦੋਸ਼ ਲਗਾਇਆ ਹੈ ਕਿ ਡਿਊਟੀ ‘ਤੇ ਨਾ ਹੋਣ ਦੇ ਬਾਵਜੂਦ 2016 ਵਿੱਚ ਆਪਣੇ ਭਰਾ ਕ੍ਰਿਸ਼ਚਿਅਨ ਨਾਲ ਮਿਲ ਕੇ ਥੈਰੀਆਲਟ ਨੇ 19 ਸਾਲਾਂ ਡੈਫੋਂਟ ਦੀ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ।
ਕੋਵਿਡ-19 ਦੇ ਕਾਰਨ, ਓਂਟਾਰੀਓ ਦੀ ਅਦਾਲਤ ਨੇ ਚਾਰ ਘੰਟਿਆਂ ਦੇ ਫ਼ੈਸਲੇ ਅਤੇ ਨਿਰਣੇ ਨੂੰ ਆਨ ਲਾਈਨ ਸੁਣਾਇਆ। ਇਸ ਨਾਲ ਓਂਟਾਰੀਓ ਦੀ ਸੁਪੀਰੀਅਰ ਕੋਰਟ ਨੇ ਜਸਟਿਸ ਜੋਸੇਫ ਡੀ ਲੂਕਾ ਨੇ 20,000 ਤੋਂ ਵੱਧ ਲੋਕਾਂ ਨੂੰ ਵੇਖਣ ਦੀ ਇਜਾਜ਼ਤ ਦਿੱਤੀ ਸੀ। ਅਦਾਲਤ ਵੱਲੋਂ ਟੋਰਾਂਟੋ ਪੁਲਿਸ ਅਧਿਕਾਰੀ ਨੂੰ ਦੋਸ਼ੀ ਠਹਿਰਾਇਆ ਗਿਆ ਹੈ।
