ਨਵੀਂ ਦਿੱਲੀ/ਚੰਡੀਗੜ੍ਹ : ਸ਼ੁੱਕਰਵਾਰ ਰਾਤ ਨੂੰ ਦਿੱਲੀ ਸਮੇਤ ਉੱਤਰੀ ਭਾਰਤ ਵਿੱਚ ਭੂਚਾਲ ਦੇ ਜ਼ੋਰ ਦੇ ਝਟਕੇ ਮਹਿਸੂਸ ਕੀਤੇ ਗਏ, ਜਿਸ ਤੋਂ ਬਾਅਦ ਹਰ ਪਾਸੇ ਦਹਿਸ਼ਤ ਦਾ ਆਲਮ ਸੀ। ਰਾਤ ਕਰੀਬ 10.31 ਵਜੇ ਭੂਚਾਲ ਕਾਰਨ ਦਿੱਲੀ ਐਨਸੀਆਰ ਕੰਬ ਗਿਆ। ਲੋਕੀ ਘਰਾਂ ਤੋਂ ਬਾਹਰ ਆ ਗਏ, ਲੋਕਾਂ ਦੇ ਪਾਲਤੂ ਜਾਨਵਰ ਇਧਰ ਉਧਰ ਭੱਜਦੇ ਹੋਏ ਦਿਖਾਈ ਦਿੱਤੇ। ਦਿੱਲੀ ਦੇ ਨੇੜਲੇ ਸੂਬਿਆਂ ਵਿੱਚ ਵੀ ਜ਼ਬਰਦਸਤ ਝਟਕੇ ਮਹਿਸੂਸ ਕੀਤੇ ਗਏ । ਦੱਸਿਆ ਜਾ ਰਿਹਾ ਹੈ ਕਿ ਭੂਚਾਲ ਦਾ ਅਸਰ, ਪੰਜਾਬ, ਹਰਿਆਣਾ, ਰਾਜਸਥਾਨ ਅਤੇ ਜੰਮੂ ਕਸ਼ਮੀਰ ‘ਤੇ ਵੀ ਪਿਆ ਹੈ। ਲੋਕੀ ਰਾਤ ਸਮੇਂ ਬਾਲ-ਬੱਚਿਆਂ ਸਮੇਤ ਘਰਾਂ ਤੋਂ ਬਾਹਰ ਆ ਗਏ। ਤਕਰੀਬਨ ਇਹੀ ਦ੍ਰਿਸ਼ ਦਿੱਲੀ ਤੋਂ ਲੈ ਕੇ ਸ੍ਰੀਨਗਰ ਤੱਕ ਦਿਖਾਈ ਦਿੱਤਾ, ਭੂਚਾਲ ਦੇ ਝਟਕਿਆਂ ਤੋਂ ਬਾਅਦ ਦਹਿਸ਼ਤ ਵਿਚ ਆਏ ਲੋਕ ਸੜਕਾਂ ਤੇ ਆ ਗਏ ਅਤੇ ਆਪਣੇ ਸਗੇ-ਸਬੰਧੀਆਂ ਨੂੰ ਫੋਨ ਕਰਕੇ ਖ਼ੈਰ-ਸੁੱਖ ਪੁੱਛ ਰਹੇ ਸਨ।
Punjab: People came out of their houses in Jalandhar as earthquake hit several parts of the state. pic.twitter.com/qP8wOTIh1M
— ANI (@ANI) February 12, 2021
#WATCH | A ceiling fan shook as the earthquake hit Doda in Jammu and Kashmir.
As per National Center for Seismology, the epicentre of the magnitude 6.3 earthquake was in Tajikistan. pic.twitter.com/U9Lo39kOjJ
— ANI (@ANI) February 12, 2021
ਅਸਲ ਵਿਚ ਭੂਚਾਲ ਦਾ ਕੇਂਦਰ ਤਾਜਿਕਿਸਤਾਨ ਦੱਸਿਆ ਜਾ ਰਿਹਾ ਹੈ। ਰਿਕਟਰ ਪੈਮਾਨੇ ‘ਤੇ ਭੂਚਾਲ ਦੀ ਤੀਬਰਤਾ 6.4 ਮਾਪੀ ਗਈ ਹੈ। ਹਾਲਾਂਕਿ ਪਹਿਲਾਂ ਇਹ ਦੱਸਿਆ ਜਾ ਰਿਹਾ ਸੀ ਕਿ ਭੂਚਾਲ ਦਾ ਕੇਂਦਰ ਅੰਮ੍ਰਿਤਸਰ ਹੈ,ਪਰ ਇਹ ਜਾਣਕਾਰੀ ਗਲਤ ਸੀ। ਲੋਕਾਂ ਨੇ ਅੰਮ੍ਰਿਤਸਰ ਵਿਖੇ ਆਪਣੇ ਰਿਸ਼ਤੇਦਾਰਾਂ ਨੂੰ ਫੋਨ ਕਰਨੇ ਸ਼ੁਰੂ ਕਰ ਦਿੱਤੇ।
ਨੈਸ਼ਨਲ ਸੈਂਟਰ ਫ਼ਾਰ ਸਿਸਮੋਲੌਜੀ (NCS, DELHI) ਅਨੁਸਾਰ ਭੂਚਾਲ ਦਾ ਕੇਂਦਰ ਭਾਰਤ ਦੀ ਰਾਜਧਾਨੀ ਤੋਂ ਭਾਰਤ ਤੋਂ 1250 ਕਿਲੋਮੀਟਰ ਦੂਰ ਤਾਜਿਕਿਸਤਾਨ ਸੀ, ਜਿਥੇ ਭਾਰਤੀ ਸਮੇਂ ਅਨੁਸਾਰ ਰਾਤੀ 10:31 ‘ਤੇ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਉੱਥੇ ਰਿਕਟਰ ਸਕੇਲ ‘ਤੇ ਭੂਚਾਲ ਦੀ ਤੀਬਰਤਾ 6.3 ਦਰਜ ਕੀਤੀ ਗਈ। ਇਸਦਾ ਅਸਰ ਭਾਰਤ ਵਿੱਚ ਵੀ ਮਹਿਸੂਸ ਕੀਤਾ ਗਿਆ।
ਗਨੀਮਤ ਰਹੀ ਕਿ ਭਾਰਤ ਵਿੱਚ ਇਸ ਭੂਚਾਲ ਕਾਰਨ ਕਿਤੇ ਵੀ ਜਾਨੀ ਜਾਂ ਮਾਲੀ ਨੁਕਸਾਨ ਨਹੀਂ ਹੋਇਆ।