channel punjabi
Canada International News North America

ਓਂਟਾਰੀਓ ਪੁਲਿਸ ਨੇ 6 ਲੋਕਾਂ ‘ਤੇ ਮਨੁੱਖੀ ਤਸਕਰੀ ਦੇ ਲਗਾਏ ਦੋਸ਼

RCMP ਦਾ ਕਹਿਣਾ ਹੈ ਕਿ 6 ਲੋਕਾਂ ‘ਤੇ ਮਨੁੱਖੀ ਤਸਕਰੀ ਦੇ ਦੋਸ਼ ਲਗਾਏ ਗਏ ਹਨ। ਉਨ੍ਹਾਂ ਨੇ ਮੈਕਸੀਕੋ ਤੋਂ ਵਰਕਰਾਂ ਨੂੰ ਆਪਣੀਆਂ ਕੰਪਨੀਆਂ ਦੇ ਜ਼ਰੀਏ ਕੰਮ ਲਈ ਕੈਨੇਡਾ ਲਿਆਂਦਾ ਸੀ। ਪੁਲਿਸ ਦਾ ਕਹਿਣਾ ਹੈ ਕਿ ਵਿਦੇਸ਼ੀ ਨਾਗਰਿਕ ਟੋਰਾਂਟੋ, ਮਾਂਟਰੀਅਲ ਅਤੇ ਹੈਮਿਲਟਨ, ਓਂਟਾਰੀਓ ਦੇ ਹਵਾਈ ਅੱਡਿਆਂ ਰਾਹੀਂ ਸੈਲਾਨੀਆਂ ਵਜੋਂ ਕੈਨੇਡਾ ਵਿੱਚ ਦਾਖਲ ਹੋਏ ਅਤੇ ਇੱਥੋਂ ਏਜੰਸੀਆਂ ਲਈ ਉਨ੍ਹਾਂ ਨੂੰ ਭੇਜਿਆ ਗਿਆ।

ਪੁਲਿਸ ਨੇ ਦੱਸਿਆ ਕਿ ਮੈਕਸੀਕੋ ਤੋਂ ਲਗਭਗ 80 ਵਿਅਕਤੀਆਂ ਦੀ ਤਸਕਰੀ ਕਰਕੇ ਕੈਨੇਡਾ ਲਿਆਂਦਾ ਗਿਆ। ਜਾਂਚ ਵਿਚ ਪਤਾ ਲੱਗਿਆ ਕਿ ਇਨ੍ਹਾਂ ਲੋਕਾਂ ਨੂੰ ਜੁਲਾਈ ਤੇ ਸਤੰਬਰ 2019 ਵਿਚ ਪੁਲਿਸ ਨੇ ਲੱਭਿਆ ਤੇ ਇਹ 80 ਵਿਦੇਸ਼ੀ ਲੋਕ ਹਮਿਲਟਨ, ਮਿਲਟਨ ਵਿਚੋਂ ਮਿਲੇ ਤੇ ਇਨ੍ਹਾਂ ਦੇ ਸੌਣ ਵਾਲੇ ਬੈੱਡ ਖਟਮਲ, ਕਾਕਰੇਚ ਤੇ ਹੋਰ ਕੀੜਿਆਂ ਨਾਲ ਭਰੇ ਹੋਏ ਸਨ। ਮਾਉਂਟੀਜ਼ ਅਤੇ ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ ਦੀ ਸਾਂਝੀ ਜਾਂਚ ਦਾ ਕਹਿਣਾ ਹੈ ਕਿ ਇਨ੍ਹਾਂ ਕਾਮਿਆਂ ਦਾ ਸ਼ੋਸ਼ਣ ਕੀਤਾ ਜਾ ਰਿਹਾ ਸੀ।

ਜਾਂਚਕਰਤਾਵਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੁਝ ਰੁਜ਼ਗਾਰ ਏਜੰਸੀਆਂ ਵਿੱਚ ਨੋਰਾ ਸਰਵਿਸਿਜ਼, ਟ੍ਰਿਲਿਅਮ ਮੈਨੇਜਮੈਂਟ ਅਤੇ ਬ੍ਰਾਇਨ ਐਂਟਰਪ੍ਰਾਈਜ਼ ਏਜੰਸੀ ਸ਼ਾਮਲ ਸਨ।ਪੁਲਿਸ ਨੇ ਦਸਿਆ ਕਿ ਇਨ੍ਹਾਂ 6 ਦੋਸ਼ੀਆਂ ਨੂੰ 8 ਮਾਰਚ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ। ਦੋਸ਼ੀਆਂ ਦੀ ਪਛਾਣ ਕ੍ਰਿਸਟਾਈਨ ਵੈਤੇਈਆ, ਮਾਰੀਓ ਰੋਕਾ ਮੋਰਾਲਜ਼, ਚਿਆਂਗ ਕਿਮ, ਮਿਉਰਲ ਬ੍ਰਾਕੈਮਨੋਟ, ਨੋਰਾ ਰਿਵਰਾ ਫਰੈਂਕੋ, ਮਰੀਅਮ ਵਿਤੇਲਾ ਵਜੋਂ ਕੀਤੀ ਗਈ ਹੈ। ਸਥਾਨਕ ਪੁਲਸ ਤੇ ਬਾਰਡਰ ਪੁਲਿਸ ਨੇ ਦੱਸਿਆ ਕਿ ਉਹ ਸਾਂਝੇ ਤੌਰ ‘ਤੇ ਇਸ ਦੀ ਜਾਂਚ ਕਰ ਰਹੇ ਹਨ।

Related News

ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਬੋਰਿਸ ਜੌਨਸਨ ਨੇ ਲੋਕਾਂ ਵਿਚ ਐਸਟ੍ਰਾਜੇਨੇਕਾ ਵੈਕਸੀਨ ਦੇ ਡਰ ਨੂੰ ਦੂਰ ਕਰਨ ਦੀ ਕੀਤੀ ਕੋਸ਼ਿਸ਼,ਲਗਵਾਇਆ ਟੀਕਾ

Rajneet Kaur

ਓਂਟਾਰੀਓ ‘ਚ ਤਾਲਾਬੰਦੀ ਸ਼ੁਰੂ: ਨਵੀਂਆਂ ਪਾਬੰਦੀਆਂ ਕਾਰਨ ਦੁਕਾਰਦਾਰ ਅਤੇ ਮੁਲਾਜ਼ਮ ਪ੍ਰੇਸ਼ਾਨ, ਸਰਕਾਰ ਨੂੰ ਫੈ਼ਸਲੇ ‘ਤੇ ਮੁੜ ਵਿਚਾਰ ਕਰਨ ਦੀ ਅਪੀਲ

Vivek Sharma

ਵਿੰਡਸਰ ਰੀਜ਼ਨ ਵੀ ਹੋਇਆ ਸਟੇਜ-3 ‘ਚ ਸ਼ਾਮਲ

Rajneet Kaur

Leave a Comment