ਲੋਅਰ ਮੇਨਲੈਂਡ ਦੇ ਇਕ ਹਸਪਤਾਲ ਵਿਚ ਕੋਵਿਡ 19 ਪ੍ਰਕੋਪ ਘੋਸ਼ਿਤ ਕੀਤਾ ਗਿਆ ਹੈ।
ਪ੍ਰੋਵਿੰਸ਼ੀਅਲ ਹੈਲਥ ਅਫਸਰ ਡਾ. ਬੋਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਦੇ ਇੱਕ ਸਾਂਝੇ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਚਿਲੀਵੈਕ ਹਸਪਤਾਲ ਅਤੇ ਸੰਨੀਬੈਂਕ ਰਿਟਾਇਰਮੈਂਟ ਹੋਮ ਦੋਵਾਂ ਵਿੱਚ ਬਿਮਾਰੀਆਂ ਫੈਲੀਆਂ ਹਨ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ 381 ਲੋਕ ਹਸਪਤਾਲ ਵਿੱਚ ਹਨ। ਉਨ੍ਹਾਂ ਵਿਚੋਂ 78 ਇੰਟੈਂਸਿਵ ਕੇਅਰ ਵਿਚ ਹਨ।
ਇਕ ਦਿਨ ਪਹਿਲਾਂ ਸੇਂਟ ਪੌਲਜ਼ ਹਸਪਤਾਲ ਦੇ ਹਾਰਟ ਸੈਂਟਰ ਵਿਚ ਇਕ ਯੂਨਿਟ ਵਿਚ ਇਕ ਪ੍ਰਕੋਪ ਫੈਲਣ ਦੀ ਖ਼ਬਰ ਮਿਲੀ ਸੀ। ਪਿਛਲੇ 24 ਘੰਟਿਆਂ ਦੌਰਾਨ ਕੋਵਿਡ 19 ਨਾਲ 8 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 625 ਲੋਕ ਵਾਇਰਸ ਨਾਲ ਸੰਕਰਮਿਤ ਹੋਏ ਹਨ।
ਮਹਾਂਮਾਰੀ ਸ਼ੁਰੂ ਹੋਣ ਤੋਂ ਬਾਅਦ ਮੌਤਾਂ ਦੀ ਗਿਣਤੀ 962 ਹੋ ਗਈ ਹੈ। ਬਹੁਤੀਆਂ ਜਾਨਾਂ ਲਾਂਗ ਟਰਮ ਵਸਨੀਕਾਂ ਦੀਆਂ ਗਈਆਂ ਹਨ । ਟੀਕੇ ਆਉਣ ਤੋਂ ਬਾਅਦ, ਬੀ ਸੀ ਵਿਚ 33,665 ਲੋਕਾਂ ਨੂੰ ਟੀਕਾ ਲਗਾਇਆ ਗਿਆ ਹੈ।
