ਨੋਵਾ ਸਕੋਸ਼ੀਆ ਸੰਘੀ COVID ਅਲਰਟ ਐਪ ‘ਤੇ ਦਸਤਖਤ ਕਰਨ ਦੀ ਪ੍ਰਕਿਰਿਆ ਵਿਚ ਹੈ। ਇਹ ਐਪ ਲੋਕਾਂ ਨੂੰ ਸੂਚਿਤ ਕਰੇਗੀ ਜਦੋਂ ਉਹ ਉਸ ਵਿਅਕਤੀ ਦੇ ਸਪੰਰਕ ‘ਚ ਹੋਣਗੇ ਜੋ ਕੋਰੋਨਾ ਪੋਜ਼ਟਿਵ ਹੈ।
ਵੀਰਵਾਰ ਨੂੰ ਕੈਬਨਿਟ ਦੀ ਬੈਠਕ ਤੋਂ ਬਾਅਦ, ਪ੍ਰੀਮੀਅਰ ਸਟੀਫਨ ਮੈਕਨੀਲ ਨੇ ਕਿਹਾ ਕਿ ਉਹ ਉਮੀਦ ਕਰ ਰਹੇ ਹਨ ਕਿ ਐਪ ਜਲਦੀ ਤੋਂ ਜਲਦੀ ਸੂਬੇ ‘ਚ ਸ਼ੁਰੂ ਕੀਤੀ ਜਾਵੇ।ਮੈਕਨੀਲ ਨੇ ਕਿਹਾ ਕਿ ਕੁਝ ਵੇਰਵੇ ਹਨ ਜਿਨ੍ਹਾਂ ਦੀ ਸਾਨੂੰ ਸਰਕਾਰ ਨਾਲ ਸਾਈਨ ਅਪ ਕਰਨ ਦੀ ਜ਼ਰੂਰਤ ਹੈ ਅਤੇ ਫਿਰ ਅਸੀਂ ਇਸ ਦਾ ਐਲਾਨ ਕਰਾਂਗੇ ।
ਦਸ ਦਈਏ ਐਪ ਪਹਿਲਾਂ ਹੀ ਕੈਨੇਡਾ ਦੇ ਕਈ ਸੂਬਿਆਂ ‘ਚ ਪੇਸ਼ ਕੀਤੀ ਜਾ ਚੁੱਕੀ ਹੈ, ਅਤੇ ਇਸਦੀ ਵਰਤੋਂ ਵਧਣ ਦੀ ਉਮੀਦ ਕੀਤੀ ਜਾ ਰਹੀ ਹੈ। ਮੈਕਨੀਲ ਨੇ ਕਿਹਾ ਕਿ ਐਪ ਸਿਰਫ ਇੱਕ ਹੋਰ ਵਿਕਲਪ ਹੈ ਜਿਸ ਦੀ ਵਰਤੋਂ ਅਸੀਂ ਆਪਣੇ ਸੂਬੇ ਵਿੱਚ ਵਾਇਰਸ ਨੂੰ ਟਰੈਕ ਕਰਨ ਲਈ ਕਰ ਸਕਦੇ ਹਾਂ।
ਨੋਵਾ ਸਕੋਸ਼ੀਆ ਨੇ COVID-19 ਟੈਸਟਿੰਗ ਲਈ ਆਨਲਾਈਨ ਮੁਲਾਂਕਣ ਦੀ ਸ਼ੁਰੂਆਤ ਕਰਨ ਦੀ ਘੋਸ਼ਣਾ ਵੀ ਕੀਤੀ। ਉਨ੍ਹਾਂ ਦਸਿਆ ਕਿ ਜੇਕਰ ਆਨਲਾਈਨ ਟੂਲ ਕਹਿੰਦਾ ਹੈ ਕਿ ਵਿਅਕਤੀ ਨੂੰ ਕੋਵਿਡ -19 ਲਈ ਟੈਸਟ ਕਰਵਾਉਣਾ ਚਾਹੀਦਾ ਹੈ, ਤਾਂ ਜਾਣਕਾਰੀ ਸਿੱਧੇ NSHA ਤੱਕ ਜਾਵੇਗੀ।
ਮੈਕਨੀਲ ਨੇ ਕਿਹਾ ਕਿ ਜਿਵੇਂ ਕਿ ਸੂਬੇ ਨੂੰ 811 ਮੁਲਾਂਕਣ ਲਾਈਨਾਂ ਲਈ ਲੰਬੇ ਇੰਤਜ਼ਾਰ ਦੀਆਂ ਸ਼ਿਕਾਇਤਾਂ ਮਿਲੀਆਂ ਹਨ। ਉਨ੍ਹਾਂ ਕਿਹਾ ਕਿ ਆਨਲਾਈਨ ਟੂਲ ਸਮੇਂ ਦੀ ਬਚਤ ਕਰੇਗਾ।