ਓਟਾਵਾ : ਐਤਵਾਰ ਨੂੰ ਕੈਨੇਡਾ ਵਿਚ ਕੋਵਿਡ-19 ਦੇ 3874 ਨਵੇਂ ਮਾਮਲਿਆਂ ਦੀ ਪਛਾਣ ਕੀਤੀ ਗਈ, ਇਸ ਨਾਲ ਕੋਰੋਨਾ ਦੇ ਮਾਮਲਿਆਂ ਦੀ ਕੁੱਲ ਗਿਣਤੀ 7ਲੱਖ 46ਹਜਾਰ 405 ਤੱਕ ਪਹੁੰਚ ਗਈ। ਕੈਨੇਡਾ ਦੇ ਕਈ ਸੂਬਿਆਂ ਵਿੱਚ ਕੋਰੋਨਾ ਦੀ ਸਥਿਤੀ ਵਿੱਚ ਸੁਧਾਰ ਆਉਣਾ ਸ਼ੁਰੂ ਹੋ ਗਿਆ ਹੈ, ਰੋਜ਼ਾਨਾ ਦੇ ਮਾਮਲਿਆਂ ਵਿੱਚ ਮਾਮੂਲੀ ਗਿਰਾਵਟ ਦਰਜ ਕੀਤੀ ਗਈ ਹੈ । ਇਸ ਵਿਚਾਲੇ ਵੈਕਸੀਨੇਸ਼ਨ ਦਾ ਕੰਮ ਵੀ ਪਹਿਲਾਂ ਨਾਲੋਂ ਤੇਜ਼ੀ ਫੜ ਚੁੱਕਾ ਹੈ। ਕੋਰੋਨਾ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਸੂਬਿਆਂ ਵਿੱਚ ਕਿਊਬਿਕ,ਅਲਬਰਟਾ, ਉਂਟਾਰੀਓ, ਬ੍ਰਿਟਿਸ਼ ਕੋਲੰਬੀਆ ਅਤੇ ਮੈਨੀਟੋਬਾ ਸ਼ਾਮਲ ਹਨ।
ਐਤਵਾਰ ਦੇ ਅੰਕੜਿਆਂ ਨੇ ਰਾਸ਼ਟਰੀ ਕੇਸਾਂ ਦਾ ਭਾਰ 746,408 ਵੱਲ ਧੱਕ ਦਿੱਤਾ, ਜਿਨ੍ਹਾਂ ਵਿਚੋਂ 663,713 ਤੋਂ ਵੱਧ ਮਰੀਜ਼ ਠੀਕ ਹੋ ਚੁੱਕੇ ਹਨ। ਸੂਬਾਈ ਸਿਹਤ ਅਧਿਕਾਰੀਆਂ ਅਨੁਸਾਰ ਵੱਖ-ਵੱਖ ਖੇਤਰਾਂ ਵਿੱਚ 91 ਮੌਤਾਂ ਹੋਈਆਂ ਅਤੇ ਦੇਸ਼ ਦੀ ਕੋਰੋਨਾ ਕਾਰਨ ਮੌਤ ਦੀ ਗਿਣਤੀ 19,074 ਤੱਕ ਜਾ ਪੁੱਜੀ।
ਕੈਨੇਡਾ ਦੀ ਮੁੱਖ ਜਨ ਸਿਹਤ ਅਧਿਕਾਰੀ ਡਾ. ਥੈਰੇਸਾ ਟਾਮ ਨੇ ਉਹਨਾਂ ਲੋਕਾਂ ਲਈ ਬਿਆਨ ਜਾਰੀ ਕੀਤਾ, ਜਿਨ੍ਹਾਂ ਅਨੁਸਾਰ ਵੈਕਸੀਨੇਸ਼ਨ ਤੋਂ ਬਾਅਦ ਵੀ ਕੋਰੋਨਾ ਪਾਬੰਦੀਆਂ ਨੂੰ ਮੰਨਣਾ ਕਿਉਂ ਜ਼ਰੂਰੀ ਹੈ।
As #COVID19Vaccines begin to roll out across 🇨🇦, many of you have asked why it’s still important to follow public health measures even after vaccination. My statement today talks about some of the reasons why this is as important as ever.
https://t.co/avW0IHDT3E— Dr. Theresa Tam (@CPHO_Canada) January 24, 2021
ਡਾ. ਟਾਮ ਅਨੁਸਾਰ ਵੈਕਸੀਨੇਸ਼ਨ ਦੇ ਪ੍ਰਭਾਵ ਦੋ ਹਫ਼ਤਿਆਂ ਤੋਂ ਬਾਅਦ ਨਜ਼ਰ ਆਉਣਾ ਸ਼ੁਰੂ ਹੁੰਦੇ ਹਨ, ਦੂਜਾ ਇਹ ਕਿ ਏਸ ਵੇਲੇ ਕਰੋਨਾ ਨਾਲ ਜੰਗ ਦਾ ਇਹ ਪਹਿਲਾ ਪੜਾਅ ਹੈ। ਕਰੋਨਾ ਵਿਰੁੱਧ ਜੰਗ ਉਸ ਸਮੇਂ ਤੱਕ ਜਾਰੀ ਰਹੇਗੀ ਜਦੋਂ ਤਕ ਇਸ ਦਾ ਪੱਕਾ ਹੱਲ ਨਹੀਂ ਹੋ ਜਾਂਦਾ।
ਨਵੇਂ ਕੇਸ ਪੂਰੇ ਦੇਸ਼ ਵਿੱਚ ਫੈਲਦੇ ਵਿਸ਼ਾਣੂ ਦਾ ਸੀਮਿਤ ਸਨੈਪਸ਼ਾਟ ਲਗਾਉਂਦੇ ਹਨ, ਹਾਲਾਂਕਿ ਬੀ ਸੀ ਅਤੇ ਪੀਈਆਈ ਵਰਗੇ ਸੂਬਿਆਂ ਦੇ ਨਾਲ ਨਾਲ ਸਾਰੇ ਖੇਤਰ ਹਫਤੇ ਦੇ ਅੰਤ ਵਿੱਚ ਨਵੇਂ COVID-19 ਦੇ ਅੰਕੜਿਆਂ ਦੀ ਰਿਪੋਰਟ ਨਹੀਂ ਕਰਦੇ।
