ਕੈਲਗਰੀ: ਕੈਨੇਡਾ ‘ਚ ਸਕੂਲਾਂ ‘ਚ ਮੁੜ ਵਾਪਸੀ ਤੋਂ ਬਾਅਦ ਬੱਚਿਆਂ ‘ਚ ਵਾਇਰਸ ਫੈਲਣ ਦਾ ਖਤਰਾ ਵਧੇਰੇ ਹੋ ਗਿਆ ਹੈ। ਡਾਕਟਰ ਡੀਨਾ ਹਿਨਸ਼ਾਅ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਸਕੂਲਾਂ ‘ਚ ਕੋਰੋਨਾ ਵਾਇਰਸ ਦੇ ਮਾਮਲੇ ਲਗਾਤਾਰ ਵਧ ਦੇ ਜਾ ਰਹੇ ਹਨ ਅਤੇ ਹੋ ਸਕਦਾ ਹੈ ਕਿ ਕੋਵਿਡ 19 ਦੇ ਮਾਮਲੇ ਹੋਰ ਵਧ ਜਾਣ। 78 ਵਿਦਿਆਰਥੀ ਅਤੇ ਅਧਿਆਪਕ ਕੋਵਿਡ 19 ਦੇ ਸ਼ਿਕਾਰ ਹੋ ਚੁੱਕੇ ਹਨ । ਮਾਂਪੇ ਪਹਿਲਾਂ ਹੀ ਸਕੂਲਾਂ ਦੀ ਰੀਓਪਨਿੰਗ ਨੂੰ ਲੈ ਕੇ ਪਰੇਸ਼ਾਨ ਸਨ। ਹੁਣ ਕੋਵਿਡ ਦੇ ਬੱਚਿਆਂ ‘ਚ ਵਧ ਦੇ ਮਾਮਲੇ ਦੇਖ ਹੋਰ ਪਰੇਸ਼ਾਨ ਹੋ ਗਏ ਹਨ।
ਦਸ ਦਈਏ ਐਡਮਿੰਟਨ ਦੇ ਵੇਵਰਲੀ ਐਲੀਮੈਂਟਰੀ ਸਕੂਲ ‘ਚ ਦੋ ਵਿਦਿਆਰਥੀ ਕੋਵਿਡ 19 ਪੋਜ਼ਟਿਵ ਪਾਏ ਗਏ ਹਨ। ਕਿਹਾ ਜਾ ਰਿਹਾ ਹੈ ਕਿ ਕੋਰੋਨਾ ਵਾਇਰਸ ਸਕੂਲ ਤੋਂ ਨਹੀਂ ਫੈਲਿਆ । ਇਕ ਵਿਦਿਆਰਥੀ ਸਕੂਲ ਤੋਂ ਬਾਹਰੋਂ ਕੋਰੋਨਾ ਦੀ ਲਪੇਟ ‘ਚ ਆਇਆ। ਜਿਸ ਕਾਰਨ ਸਕੂਲ ਦਾ ਇਕ ਹੋਰ ਵਿਦਿਆਰਥੀ ਉਸਦੇ ਕਾਰਨ ਕੋਰੋਨਾ ਦਾ ਸ਼ਿਕਾਰ ਹੋਇਆ।
ਹਾਲਾਂਕਿ ਕਿਹਾ ਜਾ ਰਿਹਾ ਹੈ ਕਿ ਸਮਾਜਿਕ ਦੂਰੀ ਬਣਾ ਕੇ ਰੱਖਣ ਤੇ ਮਾਸਕ ਪਾਉਣ ਨਾਲ ਖਤਰੇ ਨੂੰ ਘਟਾਇਆ ਜਾ ਸਕਦਾ ਹੈ।
