ਪੈਰਾਮੇਡਿਕਸ ਦਾ ਕਹਿਣਾ ਹੈ ਕਿ ਓਟਾਵਾ ਪਾਰਕਵੇਅ ‘ਤੇ ਇਕ ਪਿਕਅਪ ਟਰੱਕ ਅਤੇ ਇਕ ਉਦਯੋਗਿਕ ਮੌਵਰ ਦੇ ਵਿਚਕਾਰ ਵੀਰਵਾਰ ਤੜਕੇ ਹੋਏ ਟੱਕਰ ਵਿਚ ਇਕ ਵਿਅਕਤੀ ਗੰਭੀਰ ਰੂਪ ‘ਚ ਜ਼ਖਮੀ ਹੋਇਆ। ਜਿਸਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ।
ਓਟਾਵਾ ਪੈਰਾਮੇਡਿਕਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਵੀਰਵਾਰ ਸਵੇਰੇ 6 ਵਜੇ ਸਰ ਜਾਰਜ ਈਟੀਅਨ ਕਾਰਟੀਆਰ ਪਾਰਕਵੇਅ (Sir George-Étienne Cartier Parkway) ਦੇ ਈਸਟਬਾਉਂਡ ਲੇਨ ‘ਤੇ ਬੁਲਾਇਆ ਗਿਆ ।
ਪੈਰਾਮੇਡਿਕਸ ਦਾ ਕਹਿਣਾ ਹੈ ਕਿ ਇਹ ਟੱਕਰ ਇਕ ਭਾਰੀ ਪਿਕਅਪ ਟਰੱਕ ਅਤੇ ਇਕ ਉਦਯੋਗਿਕ ਲਾਅਨ ਮੋਵਰ ਦੇ ਵਿਚਕਾਰ ਸੀ। ਉਨ੍ਹਾਂ ਦਸਿਆ ਕਿ ਉਨ੍ਹਾਂ ਨੂੰ ਇਕ 60 ਸਾਲਾ ਵਿਅਕਤੀ ਗੰਭੀਰ ਰੂਪ ‘ਚ ਜ਼ਖਮੀ ਹਾਲਤ ‘ਚ ਮਿਲਿਆ। ਜਿਸਨੂੰ “ਗੰਭੀਰ ਪਰ ਸਥਿਰ ਹਾਲਤ” ਵਿਚ ਹਸਪਤਾਲ ਲਿਜਾਇਆ ਗਿਆ।
