ਈਡਨਬਰਗ: ਕੋਰੋਨਾ ਵਾਇਰਸ ਦੀ ਮਾਰ ਤੋਂ ਹਰ ਦੇਸ਼ ਪ੍ਰਭਾਵਿਤ ਹੋਇਆ ਹੈ। ਜਿਥੇ ਪਹਿਲਾਂ ਦਾਅਵੇ ਕੀਤੇ ਜਾ ਰਹੇ ਸਨ ਕਿ ਕੋਰੋਨਾ ਵਾਇਰਸ ਹਵਾ ‘ਚ ਵੀ ਫੈਲ ਸਕਦਾ ਹੈ ਉਥੇ ਹੀ ਹੁਣ ਇਕ ਅਧਿਐਨ ਹੋਰ ਸਾਹਮਣੇ ਆਇਆ ਹੈ ਜਿਸ ‘ਚ ਪਤਾ ਚੱਲਿਆ ਹੈ ਕਿ ਉੱਚੀਆਂ ਇਮਾਰਤਾਂ ‘ਚ ਰਹਿਣ ਵਾਲਿਆਂ ਲਈ ਕੋਰੋਨਾ ਵਾਇਰਸ ਨਾਲ ਪੀੜਿਤ ਹੋਣ ਦਾ ਖਤਰਾ ਵਧੇਰੇ ਹੈ।
ਹੈਰੀਯਟ ਵਾਟ ਯੂਨੀਵਰਸਿਟੀ ‘ਚ ਵਾਟਰ ਅਕਾਦਮੀ ਦੇ ਡਾਇਰੈਕਟਰ ਮਾਈਕਲ ਗੌਰਮਲੇ ਨੇ ਇਸ ਬਾਰੇ ਜਾਣਕਾਰੀ ਦਿੰਦੇ ਕਿਹਾ ਕਿ ਉੱਚੀਆਂ ਇਮਾਰਤਾਂ ‘ਚ ਰਹਿਣ ਵਾਲਿਆਂ ਨੂੰ ਕੋਰੋਨਾ ਵਾਇਰਸ ਦਾ ਜ਼ਿਆਦਾ ਖਤਰਾ ਹੈ ਕਿਉਂਕਿ ਉਥੇ ਪਾਣੀ ਦੀ ਸਪਲਾਈ ਇਕੋ ਜਗ੍ਹਾ ਤੋਂ ਹੁੰਦੀ ਹੈ। ਉਨ੍ਹਾਂ ਕਿਹਾ 2003 ‘ਚ ਹਾਂਗਕਾਂਗ ਦੇ ਐਮੌਏ ਗਾਰਡਨੇਜ਼ ਨਾਮ ਦੀ ਇਮਾਰਤ ‘ਚ ਸਾਰਸ ਵਾਇਰਸ ਵੀ ਕੁਝ ਇਸ ਤਰ੍ਹਾਂ ਹੀ ਫੈਲਿਆ ਸੀ। ਵਿਸ਼ਵ ਸਹਿਤ ਸੰਗਠਨ ਦੀ ਰਿਪੋਰਟ ਮੁਤਾਬਕ ਐਮੌਏ ਗਾਰਡਨੇਜ਼ ਇਮਾਰਤ ‘ਚ ਸਾਰਸ ਮਹਾਂਮਾਰੀ ਪਾਣੀ ਦੇ ਸਪਲਾਈ ਵਾਲੀ ਪਾਈਪਲਾਈਨ ਤੋਂ ਫੈਲੀ ਸੀ।
ਯੂਨੀਵਰਸਲ ਸਾਈਂਸ ਡਾਟ ਕਾਮ ‘ਚ ਪ੍ਰਕਾਸ਼ਿਤ ਖਬਰ ਦੇ ਮੁਤਾਬਕ ਕੋਰੋਨਾ ਵਾਇਰਸ ਦਾ ਪਾਣੀ ਸਪਲਾਈ ਦੇ ਜ਼ਰੀਏ ਫੈਲਣਾ ਇਕ ਅਸਧਾਰਨ ਪਰ ਸੰਭਵ ਗੱਲ ਹੈ।
ਦੱਸ ਦਈਏ ਜੇਕਰ ਇਸ ਤਰ੍ਹਾਂ ਹੁੰਦਾ ਹੈ ਤਾਂ ਕੋਰੋਨਾ ਮਹਾਂਮਾਰੀ ਦਾ ਸੰਕਟ ਹਸਪਤਾਲਾਂ ਲਈ ਵੀ ਮੁਸ਼ਕਿਲ ਖੜ੍ਹੀ ਕਰ ਸਕਦਾ ਹੈ।
Coronavirus: people in tall buildings may be more at risk – here’s how to stay safe https://t.co/uJrcUOBFqu
— World and Science (@WorldAndScience) July 20, 2020
ਅਜਿਹਾ ਇਸ ਲਈ ਹੁੰਦਾ ਹੈ ਕਿਉਂਕਿ ਸਿੰਕ ਅਤੇ ਟਾਇਲਟ ‘ਚ ਯੂ ਆਕਾਰ ਦੀ ਪਾਈਪ ਹੁੰਦੀ ਹੈ। ਇਸ ਨਾਲ ਸਿਰਫ ਕੋਰੋਨਾ ਵਾਇਰਸ ਨਹੀਂ ਸਗੋਂ ਹੋਰ ਕਈ ਬਿਮਾਰੀਆਂ ਦਾ ਵੀ ਖਤਰਾ ਰਹਿੰਦਾ ਹੈ।
ਮਾਈਕਲ ਦਾ ਕਹਿਣਾ ਹੈ ਕਿ ਜੇਕਰ ਬਾਥਰੂਮ ‘ਚੋਂ ਬਦਬੂ ਆਵੇ ਤਾਂ ਤੁਰੰਤ ਪਾਈਪਾਂ ਦੀ ਜਾਂਚ ਕਰਵਾਓ।
ਕਦੇ ਵੀ ਟਾਇਲਟ ਦੀ ਯੂ- ਆਕਾਰ ਪਾਈਪਾਂ ਨੂੰ ਖੁਲ੍ਹਾ ਨਾ ਛੱਡੋ।
ਜੇਕਰ ਪਾਇਪਾਂ ‘ਚ ਕਿਤੇ ਵੀ ਦਰਾੜ ਦਿੱਸੇ ਤਾਂ ਤੁਰੰਤ ਬੰਦ ਕਰਵਾਓ।