ਓਟਾਵਾ: ਓਂਟਾਰੀਓ ਦੀ ਪ੍ਰੋਵਿੰਸ਼ੀਅਲ ਪੁਲਿਸ ਦਾ ਕਹਿਣਾ ਹੈ ਕਿ ਬੁੱਧਵਾਰ ਦੁਪਹਿਰ ਕੈਂਬਰਿਜ ‘ਚ ਇਕ ਬੈਂਕ ‘ਚ ਲੁੱਟ ਹੋਈ।
ਦਸਿਆ ਜਾ ਰਿਹਾ ਹੈ ਕਿ ਇਹ ਲੁੱਟ ਕੈਂਬਰਿਜ ਦੇ ਹੇਸਲਪੁਰ ਰੋਡ ‘ਤੇ ਇਕ ਸਕੋਸ਼ੀਓ ਬੈਂਕ ‘ਚ ਦੁਪਿਹਰ 3 ਵਜੇ ਤੋਂ ਥੋੜੀ ਦੇਰ ਬਾਅਦ ਵਾਪਰੀ। ਵਾਟਰਲੂ ਖੇਤਰੀ ਪੁਲਿਸ ਦਾ ਕਹਿਣਾ ਹੈ ਕਿ ਲੁਟੇਰਿਆਂ ਨੇ ਵੱਡੀ ਮਾਤਰਾ ‘ਚ ਪੈਸੇ ਲੁੱਟੇ ਅਤੇ ਇਕ ਵਾਹਨ ‘ਚ ਫਰਾਰ ਹੋ ਗਏ।
ਪੁਲਿਸ ਨੇ ਦਸਿਆ ਕਿ ਉਨ੍ਹਾਂ ਨੂੰ ਜਾਣਕਾਰੀ ਮਿਲੀ ਕਿ ਹਾਈਵੇਅ 401 ‘ਤੇ ਇਹ ਵਾਹਨ ਜਾ ਰਿਹਾ ਹੈ। ਹਾਈਵੇਅ 401 ‘ਤੇ ਪਿੱਛਾ ਕਰਨ ਦੌਰਾਨ ਇਕ ਓਪੀਪੀ ਕਰੂਜ਼ਰ ਦੀ ਟੱਕਰ ਹੋਈ। ਜਿਸ ਕਾਰਨ ਇਕ ਮਹਿਲਾ ਅਧਿਕਾਰੀ ਜ਼ਖਮੀ ਹੋ ਗਈ ਅਤੇ ਉਸਦੀ ਲੱਤ ‘ਚ ਮਾਮੂਲੀ ਸੱਟ ਲੱਗੀ ।ਜਿਸ ਕਰਕੇ ਉਸਨੂੰ ਹਸਪਤਾਲ ‘ਚ ਪਹੁੰਚਾਇਆ ਗਿਆ।
ਬ੍ਰਿਸਰਲ ਰੋਡ ਵੈਸਟ ਅਤੇ ਕ੍ਰੈਡਿਟਵਿਊ ਰੋਡ ਦੇ ਖੇਤਰ ‘ਚ ਕਥਿਤ ਲੁਟੇਰਿਆਂ ਨੂੰ ਫੜਨ ਦੀ ਕੋਸ਼ਿਸ਼ ‘ਚ ਪੀਲ ਪੁਲਿਸ ਵੀ ਓਂਟਾਰੀਓ ਪੁਲਿਸ ‘ਚ ਸ਼ਾਮਿਲ ਹੋਈ। ਪੁਲਿਸ ਨੂੰ ਸੈਂਟ ਜੋਸਫ ਸ਼ੈਕੰਡਰੀ ਨੇੜੇ ਇਹ ਵਾਹਨ ਇਕ ਪਾਰਕਿੰਗ ‘ਚ ਇਕ ਕਰਬ(curb) ‘ਚ ਟਕਰਾਈ ਹੋਈ ਮਿਲੀ।
ਓਂਟਾਰੀਓ ਪੁਲਿਸ ਤੇ ਪੀਲ ਪੁਲਿਸ ਨੇ ਮਿਲ ਕੇ ਸ਼ੱਕੀਆਂ ਨੂੰ ਮਿਸੀਸਾਗਾ ‘ਚੋਂ ਲੱਭਿਆ। ਪੀਲ ਪੁਲਿਸ ਨੇ ਦਸਿਆ ਕਿ ਚਾਰਾਂ ਸ਼ੱਕੀਆਂ ਨੂੰ ਹਿਰਾਸਤ ‘ਚ ਲੈ ਲਿਆ ਹੈ।ਉਨ੍ਹਾਂ ਕਿਹਾ ਕਿ ਉਹ ਹੋਰ ਕਿਸੇ ਸ਼ੱਕੀ ਦੀ ਭਾਲ ਨਹੀਂ ਕਰ ਰਹੇ।
POLICE ACTIVITY :
– Area of Bristol Rd W / Creditview, #Mississauga
– Large #PRP presence in area assisting OPP investigation
– More info to follow
– Closures in area, seek alternative routes
– K9 on-scene
PR200299978— Peel Regional Police (@PeelPolice) September 16, 2020
