ਨਿਉਂਫਾਉਂਡਲੈਂਡ : ਇਕ ਕੈਨੇਡੀਅਨ ਮਛੇਰੇ ਨੇ ਅਜਿਹੀ ਮੱਛੀ ਫੜੀ ਹੈ, ਜਿਸਦੀ ਚਰਚਾ ਸਾਰੇ ਪਾਸੇ ਹੋ ਰਹੀ ਹੈ। ਜਿਸਨੂੰ ਦੇਖਣ ਲਈ ਲੋਕਾਂ ਦੀ ਭੀੜ ਲੱਗ ਗਈ ਹੈ। ਗੈਰੀ ਗੁੱਡੀਅਰ, ਬੋਨਾਵਿਸਟਾ ਬੇ ਦੇ ਉੱਤਰ ਵਾਲੇ ਪਾਸੇ ਟੈਂਪਲਮੈਨ, ਐਨ.ਐਲ. ਦੇ ਕਸਬੇ ਤੋਂ, ਪਿਛਲੇ ਹਫਤੇ ਗ੍ਰੈਂਡ ਬੈਂਕਾਂ ‘ਤੇ ਟਰਬੋਟ ਲਈ ਮੱਛੀ ਫੜ ਰਿਹਾ ਸੀ। ਉਸਨੇ ਦਸਿਆ ਜਦੋਂ ਉਹ 800 ਮੀਟਰ ਡੂੰਘਾਈ ‘ਚੋਂ ਇਸ ਮੱਛੀ ਨੂੰ ਫੜਿਆ ਤੇ ਜਦੋਂ ਉਸਨੇ ਜਾਲ ਖੋਲ ਕੇ ਦੇਖਿਆ ਤਾਂ ਉਹ ਖੁਦ ਹੈਰਾਨ ਹੋ ਗਿਆ, ਕਿਉਂਕਿ ਉਸਨੇ ਪਹਿਲਾਂ ਕਦੇ ਅਜਿਹਾ ਜੀਵ ਨਹੀਂ ਦੇਖਿਆ ਸੀ।
ਕੈਰੀਲੋਇਨ ਮੀਰੀ ਨਿਉਂਫਾਉਂਡਲੈਂਡ ‘ਚ ਫਿਸ਼ਰ ਤੇ ਓਸ਼ਨ ਵਿਭਾਗ ਅਤੇ ਜੰਗਲੀ ਜੀਵਾਂ ਦੀ ਵਿਗਿਆਨੀ ਨੇ ਕਿਹਾ ਕਿ ਇਹ ਚੀਮਰਜ਼ (chimaeras ) ਨਸਲ ਦੀ ਹੈ ਜੋ ਕਿ ਸ਼ਾਰਕ ਤੇ ਸਕੇਟਸ ਦੇ ਪਰਿਵਾਰ ‘ਚੋਂ ਹੁੰਦੀਆਂ ਹਨ। ਮੀਰੀ ਨੇ ਕਿਹਾ ਕਿ ਪ੍ਰਾਚੀਨ ਮੱਛੀ ਇੱਕ ਡੂੰਘੀ ਪਾਣੀ ਵਾਲੀ ਪ੍ਰਜਾਤੀ ਮੰਨੀ ਜਾਂਦੀ ਹੈ, ਜੋ ਕਿ 200 ਤੋਂ 1000 ਮੀਟਰ ਦੀ ਰੇਂਜ ਵਿੱਚ ਪਾਈ ਜਾ ਸਕਦੀ ਹੈ, ਪਰ ਇਹ ਪਾਣੀ ਦੀ ਸਤਹ ਤੋਂ 3,000 ਮੀਟਰ ਹੇਠਾਂ ਜਾ ਸਕਦੀ ਹੈ।
ਮੀਰਾ ਨੇ ਦਸਿਆ ਕਿ ਚੀਮਰਜ਼ ਇਕ ਯੂਨਾਨੀ ਸ਼ਬਦ ਹੈ ਜਿਸਦਾ ਅਰਥ ਹੈ ਮਿਥਿਹਾਸਕ ਰਾਖਸ਼।ਇਹ ਦੇਖਣ ‘ਚ ਪੰਛੀ ਤੇ ਡਾਇਨਾਸੋਰ ਵਰਗੀਆਂ ਲੱਗਦੀਆਂ ਹਨ।ਇਨ੍ਹਾਂ ਦੇ ਸਿਰ ਦੇ ਪਿਛੇ ਫਿਨਜ਼ ਬਣੇ ਹੁੰਦੇ ਹਨ।
