ਫਲੋਰੀਡਾ : ਅਮਰੀਕਾ ਵਿਚ ਇਕ ਛੋਟਾ ਜਹਾਜ਼ ਭਿਆਨਕ ਹਾਦਸੇ ਦਾ ਸ਼ਿਕਾਰ ਹੋ ਗਿਆ । ਇਸ ਹਾਦਸੇ ਵਿਚ ਪਾਇਲਟ ਸਣੇ 3 ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਮ੍ਰਿਤਕਾਂ ਵਿੱਚ ਕਾਰ ਵਿਚ ਬੈਠਾ ਇਕ ਛੋਟਾ ਬੱਚਾ ਵੀ ਹੈ। ਹਾਦਸੇ ਸਮੇਂ ਕਾਰ ਚਲਾ ਰਹੀ ਬੱਚੇ ਦੀ ਮਾਂ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਇਹ ਦਰਦਨਾਕ ਹਾਦਸਾ ਨੇੜੇ ਹੀ ਇਕ ਘਰ ਵਿਚ ਲੱਗੇ ਸੀ.ਸੀ.ਟੀ.ਵੀ. ਕੈਮਰੇ ਵਿਚ ਕੈਦ ਹੋ ਗਿਆ। ਘਟਨਾ ਦੱਖਣੀ ਫਲੋਰੀਡਾ ਦੀ ਹੈ ।
ਇਹ ਜਹਾਜ਼ ਫਲੋਰੀਡਾ ਦੇ ਪੇਮਬ੍ਰੋਕ ਸਥਿਤ ਨਾਰਥ ਪੇਰੀ ਏਅਰਪੋਰਟ ਤੋਂ ਉੱਡਿਆ ਸੀ ਪਰ ਉਡਾਣ ਭਰਨ ਤੋਂ ਕੁਝ ਹੀ ਮਿੰਟਾਂ ਬਾਅਦ ਇਹ ਰਿਹਾਇਸ਼ੀ ਇਲਾਕੇ ਵਿਚ ਇਕ ਸੜਕ ‘ਤੇ ਆ ਡਿੱਗਾ। ਬਦਕਿਸਮਤੀ ਨਾਲ ਉਸ ਵੇਲੇ ਇਕ ਮਹਿਲਾ ਆਪਣੀ ਕਾਰ ਵਿਚ ਆਪਣੇ ਬੇਟੇ ਨਾਲ ਜਾ ਰਹੀ ਸੀ ਅਤੇ ਜਹਾਜ਼ ਠੀਕ ਉਸ ਦੀ ਕਾਰ ‘ਤੇ ਆ ਡਿੱਗਾ। ਜ਼ਮੀਨ ਨਾਲ ਟਕਰਾਉਣ ਪਿੱਛੋਂ ਜਹਾਜ਼ ਸੜਕ ‘ਤੇ ਦੂਰ ਤੱਕ ਘਿਸੜਦਾ ਗਿਆ ਅਤੇ ਕੁਝ ਹੀ ਸੈਕਿੰਡ ਵਿਚ ਅੱਗ ਦਾ ਗੋਲਾ ਬਣ ਗਿਆ।
HORRIFIC PLANE CRASH CAUGHT ON HOMEOWNER’S FRONT DOOR CAM: 2 people were killed in plane crash near Pembroke Pines, Florida after hitting car, injuring a woman and child! It was all caught on video! #PlaneCrash#PembrokePines #Florida pic.twitter.com/a0E9wrBKPf
— Mercury Chronicle 🇺🇸 (@MercuryReports) March 16, 2021
ਜਹਾਜ਼ ਦੇ ਪਾਇਲਟ ਤੋਂ ਇਲਾਵਾ ਜਹਾਜ਼ ‘ਚ ਸਵਾਰ ਇਕ ਯਾਤਰੀ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਸੜਕ ‘ਤੇ ਜਹਾਜ਼ ਡਿੱਗਣ ਤੋਂ ਬਾਅਦ ਉਸਨੂੰ ਅੱਗ ਲੱਗ ਗਈ। ਮਹਿਲਾ ਦੀ ਪਛਾਣ ਮੇਘਨ ਬਿਸ਼ਪ ਵਜੋਂ ਹੋਈ ਹੈ, ਇੰਨੇ ਭਿਆਨਕ ਹਾਦਸੇ ਵਿਚ ਇਹ ਮਹਿਲਾ ਹੈਰਾਨੀਜਨਕ ਤਰੀਕੇ ਨਾਲ ਐੱਸ.ਯੂ.ਵੀ. ਵਿਚੋਂ ਬਾਹਰ ਨਿਕਲਣ ਵਿਚ ਕਾਮਯਾਬ ਰਹੀ। ਮਹਿਲਾ ਦੇ ਚਾਰ ਸਾਲ ਦੇ ਬੇਟੇ ਨੂੰ ਫਾਇਰ ਬ੍ਰਿਗੇਡ ਵਿਭਾਗ ਅਤੇ ਪੁਲਸ ਨੇ ਕੱਢਿਆ ਪਰ ਹਸਪਤਾਲ ਵਿਚ ਉਸ ਦੀ ਮੌਤ ਹੋ ਗਈ। ਮੰਨਿਆ ਜਾ ਰਿਹਾ ਹੈ ਕਿ ਜਹਾਜ਼ ਬਿਜਲੀ ਦੀਆਂ ਤਾਰਾਂ ਵਿਚ ਉਲਝ ਗਿਆ ਅਤੇ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਨੈਸ਼ਨਲ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।