ਉੱਤਰੀ ਵੈਨਕੁਵਰ: ਬੀ.ਸੀ. ਕੰਜ਼ਰਵੇਸ਼ਨ ਅਫਸਰ ਸਰਵਿਸ ਦਾ ਕਹਿਣਾ ਹੈ ਕਿ ਸ਼ੁੱਕਰਵਾਰ ਦੁਪਹਿਰ ਨੂੰ ਉੱਤਰੀ ਵੈਨਕੂਵਰ ਦੇ ਲੋਅਰ ਸੀਮੂਰ ਕੰਜ਼ਰਵੇਸ਼ਨ ਰਿਜ਼ਰਵ ਵਿਚ ਇਕ 10 ਸਾਲਾਂ ਦੀ ਲੜਕੀ ਉਪਰ ਰਿੱਛ ਨੇ ਹਮਲਾ ਕੀਤਾ ਅਤੇ ਲੱਤ ਤੇ ਕੱਟ ਲਿਆ।
ਅਧਿਕਾਰੀ ਨੇ ਕਿਹਾ ਕਿ ਜਦੋਂ ਘਟਨਾ ਵਾਪਰੀ ਉਸ ਸਮੇਂ ਲੜਕੀ ਆਪਣੇ ਪਰਿਵਾਰ ਨਾਲ ਰਾਈਸ ਲੇਕ ਲੂਪ ਦੇ ਰਸਤੇ 3 ਵਜੇ ਦੇ ਕਰੀਬ ਜਾ ਰਹੀ ਸੀ।
ਬੀ.ਸੀ.ਸੀ.ਓ.ਐਸ ਨੇ ਦੱਸਿਆ ਬੱਚੀ ਨੂੰ ਇਲਾਜ ਲਈ ਹਸਪਤਾਲ ਪਹੁੰਚਾਇਆ ਗਿਆ ਹੈ। ਅਧਿਕਾਰੀ ਨੇ ਕਿਹਾ ਕਿ ਇਸ ਇਲਾਕੇ ‘ਚ ਕਾਲੇ ਰਿੱਛਾਂ ਦਾ ਸਾਹਮਣਾ ਹੋਣਾ ਮਾਮੂਲੀ ਗੱਲ੍ਹ ਹੈ ਪਰ ਕਿਸੇ ‘ਤੇ ਹਮਲਾ ਹੋਣਾ ਬਹੁਤ ਘੱਟ ਹੈ।
BEAR ATTACK | A 10-year-old girl was bitten on the leg by a bear at Rice Lake Park in #NorthVan The girl was taken to hospital w/ non-life threatening injuries. The #BCCOS Predator Attack Team is on scene; park is closed. Info: https://t.co/of4cKWQvXZ Updates to follow tomorrow. pic.twitter.com/TXa9pQl7QM
— BC CO Service (@_BCCOS) July 25, 2020
ਇਸ ਘਟਨਾ ਮਗਰੋਂ ਅਧਿਕਾਰੀਆਂ ਨੇ ਲੋਅਰ ਸੀਮੋਰ ਕੰਜ਼ਰਵੇਸ਼ਨ ਖੇਤਰ ਨੂੰ ਬੰਦ ਕਰਕੇ ਰਿੱਛ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਇਸ ਦੌਰਾਨ ਉਸ ਰਸਤੇ ਤੋਂ ਜਾਣ ਵਾਲੇ ਯਾਤਰੀਆਂ ਨੂੰ ਹੋਰ ਰਸਤੇ ਤੋਂ ਜਾਣ ਲਈ ਕਿਹਾ ਗਿਆ ਹੈ।
ਅਧਿਕਾਰੀ ਨੇ ਚਿਤਾਵਨੀ ਵੀ ਜਾਰੀ ਕੀਤੀ ਹੈ ਕਿ ਉਹ ਨਾਲ ‘ਬੀਅਰ ਸਪ੍ਰੈ’ ਲੈ ਕੇ ਨਿਕਲਣ, ਤਾਂ ਜੋ ਉਨ੍ਹਾਂ ਨੂੰ ਕੋਈ ਖਤਰਾ ਲੱਗੇ ਤਾਂ ਇਸ ਦਾ ਇਸਤਮਾਲ ਕਰ ਸਕਣ।
