ਬਰੈਂਪਟਨ `ਚ ਹਸਪਤਾਲ ਦੇ ਗੁਰੂ ਨਾਨਕ ਐਮਰਜੈਂਸੀ ਵਿਭਾਗ ਨੂੰ ਇਕ ਨਵਾਂ ਤੇ ਵੱਡਾ ਸਾਈਨ ਮਿਲ ਰਿਹਾ ਹੈ। ਨਵੇਂ ਸਾਈਨ ਤੋਂ ਗੁਰੂ ਨਾਨਕ ਦੇਵ ਜੀ ਦੇ ਨਾਮ ਨੂੰ ਵਾਜਬ ਦੂਰੀ ਤੋਂ ਦੇਖਿਆ ਜਾ ਸਕੇਗਾ।
ਵਿਲੀਅਮ ਓਸਲਰ ਹੈਲਥ ਸਿਸਟਮ ਦੇ ਮੁਖੀ ਡਾ. ਨਵੀਦ ਮੁਹੰਮਦ ਨੇ ਕੱਲ ਦੱਸਿਆ ਕਿ ਨਵਾਂ ਸਾਈਨ ਯੋਜਨਾਬੰਦੀ, ਡਰਾਇੰਗ ਅਤੇ ਇੰਜੀਨੀਅਰਿੰਗ ਦੇ ਪੜਾਅ ਵਿੱਚੋਂ ਲੰਘ ਚੁੱਕਾ ਹੈ। ਹੁਣ ਇਸ ਨੂੰ ਬਣਾਇਆ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਕੋਵਿਡ-19 ਦੀ ਕੋਈ ਰੁਕਾਵਟ ਨਾ ਹੋਈ ਤਾਂ ਸਾਈਨ ਅਗਲੇ ਹਫਿਤਆਂ `ਚ ਤਿਆਰ ਹੋ ਜਾਵੇਗਾ। ਅਗਲੇ ਮਹੀਨੇ ਗੁਰੂ ਸਾਹਿਬ ਜੀ ਦੇ ਗੁਰਪੁਰਬ ਤੋਂ ਪਹਿਲਾਂ ਉਸ ਨੂੰ ਸਥਾਪਿਤ ਕਰਨ ਦੀ ਕੋਸ਼ਿਸ਼ ਹੈ। ਬਰੈਂਪਟਨ ਦੇ ਇੱਕ ਗੁਰਸਿੱਖ ਕਾਰੋਬਾਰੀ ਨੇ ਸਾਈਨ ਦੀ ਸਾਰੀ ਲਾਗਤ ($16000) ਦੇਣ ਦੀ ਜਿੰਮੇਵਾਰੀ ਲਈ ਹੋਈ ਹੈ।
ਹਸਪਤਾਲ ਵਲੋਂ ਇਹ ਵਾਅਦਾ ਵੀ ਕੀਤਾ ਗਿਆ ਹੈ ਕਿ ਗੁਰੂ ਸਾਹਿਬ ਜੀ ਦੇ ਨਾਮ ਵਾਲੇ ਸਾਈਨ ਨੇੜੇ ਸਿਗਰਟਨੋਸ਼ੀ ਨਹੀਂ ਹੋਣ ਦਿੱਤੀ ਜਾਵੇਗੀ।