ਓਟਾਵਾ : ਕੈਨੇਡਾ ਦੇ ਕੁਝ ਸੂਬਿਆਂ ਵਿੱਚ ਬੇਸ਼ਕ ਕੋਰੋਨਾ ਵੈਕਸੀਨ ਵੰਡਣ ਦਾ ਕੰਮ ਤੇਜ਼ੀ ਫੜ ਚੁੱਕਾ ਹੈ,ਪਰ ਕੋਰੋਨਾ ਵਾਇਰਸ ਦਾ ਜ਼ੋਰ ਹਾਲੇ ਵੀ ਬਣਿਆ ਹੋਇਆ ਹੈ । ਇਸ ਵਿਚਾਲੇ ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫਸਰ ਡਾ. ਥੈਰੇਸਾ ਟੈਮ ਦਾ ਕਹਿਣਾ ਹੈ ਕਿ ਇਸ ਸਮੇਂ ਕੈਨੇਡਾ ‘ਬਹੁਤ ਹੀ ਨਾਜ਼ੁਕ ਦੌਰ’ ਵਿੱਚ ਹੈ ਕਿਉਂਕਿ ਦੇਸ਼ ਭਰ ਵਿੱਚ ਨਵੇਂ ਕਿਸਮ ਦੇ ਕੋਰੋਨਾ ਵਾਇਰਸ ਦੇ ਮਾਮਲੇ ਤੇਜ਼ੀ ਨਾਲ ਫੈਲ ਰਹੇ ਹਨ, ਹਾਲਾਂਕਿ ਨਵੇਂ ਕੋਰੋਨਾ ਵਾਇਰਸ ਦੇ ਕੁੱਲ ਮਾਮਲਿਆਂ ਵਿੱਚ ਗਿਰਾਵਟ ਆਈ ਹੈ।
ਟਾਮ ਨੇ ਮੰਗਲਵਾਰ ਨੂੰ ਕਿਹਾ ਕਿ ਘੱਟੋ ਘੱਟ 148 ਮਾਮਲੇ ਜੋ ਕਿ ਪਹਿਲਾਂ ਯੂਨਾਈਟਿਡ ਕਿੰਗਡਮ (ਵਿਗਿਆਨਕ ਤੌਰ ਤੇ B.1.1.7 ਦੇ ਤੌਰ ਤੇ ਜਾਣੇ ਜਾਂਦੇ ਹਨ) ਅਤੇ ਦੱਖਣੀ ਅਫਰੀਕਾ (B.1.351 ਦੇ ਤੌਰ ਤੇ ਜਾਣੇ ਜਾਂਦੇ ਹਨ) ਵਾਇਰਸ ਦੇ ਮਾਮਲੇ ਸਾਹਮਣੇ ਆਏ ਹਨ, ਇਸ ਦੀ ਪੂਰੇ ਦੇਸ਼ ਵਿੱਚ ਪੁਸ਼ਟੀ ਕੀਤੀ ਗਈ ਹੈ।
1/3 Canada is continuing to monitor for #SARSCoV2 virus variants, including those associated with more rapid spread of #COVID19. To date, provinces have reported >135 cases of the B.1.1.7 variant and 13 cases of the B.1.351 variant.https://t.co/JcnaJDBmRz
— Dr. Theresa Tam (@CPHO_Canada) February 2, 2021
ਓਂਟਾਰੀਓ, ਅਲਬਰਟਾ ਅਤੇ ਬ੍ਰਿਟਿਸ਼ ਕੋਲੰਬੀਆ ਵਿੱਚ ਸਿਹਤ ਅਧਿਕਾਰੀਆਂ ਨੇ ਦੋਵਾਂ ਪਰਿਵਰਤਨ ਦੀ ਪਛਾਣ ਕੀਤੀ ਹੈ, ਜਿਨ੍ਹਾਂ ਵਿੱਚ ਯੂਨਾਈਟਿਡ ਕਿੰਗਡਮ ਵਾਲੇ ਵਾਇਰਸ ਦੇ 135 ਅਤੇ ਦੱਖਣੀ ਅਫਰੀਕਾ ਵਾਲੇ ਵਾਇਰਸ ਦੇ 13 ਮਾਮਲੇ ਦਰਜ ਕੀਤੇ ਗਏ ਹਨ।
ਦੱਖਣੀ ਅਫਰੀਕੀ ਵਾਇਰਸ ਦੇ ਚਾਰ ਕੇਸਾਂ ਦੀ ਬ੍ਰਿਟਿਸ਼ ਕੋਲੰਬੀਆ ਵਿਚ ਪੁਸ਼ਟੀ ਕੀਤੀ ਗਈ ਹੈ। ਓਂਂਟਾਰੀਓ ਦੇ ਪੀਲ ਖੇਤਰ ਵਿਚ ਇਕ ਕੇਸ ਦਰਜ ਕੀਤਾ ਗਿਆ ਹੈ । ਇਸ ਕੇਸ ਦਾ ਕੌਮਾਂਤਰੀ ਯਾਤਰਾ ਨਾਲ ਕੋਈ ਸਬੰਧ ਨਹੀਂ ਹੈ, ਜਿਸਦੇ ਕਮਿਊਨਿਟੀ ਵਿੱਚ ਫੈਲਣ ਦਾ ਡਰ ਪੈਦਾ ਹੁੰਦਾ ਹੈ ।
ਟਾਮ ਨੇ ਲੋਕਾਂ ਨੂੰ ਖਬਰਦਾਰ ਕਰਦੇ ਹੋਏ ਕਿਹਾ ਕਿ ਨਵੇ ਵਾਇਰਸ ਪਹਿਲਾਂ ਤੋਂ ਜਿਆਦਾ ਗੰਭੀਰ ਹਨ, ਕਈ ਵਾਰ ਇਨ੍ਹਾਂ ਦੀ ਪਛਾਣ ਕਰਨੀ ਵੀ ਮੁਸ਼ਕਿਲ ਹੁੰਦੀ ਹੈ ਇਸ ਲਈ ਹਰ ਨਾਗਰਿਕ ਪਾਬੰਦੀਆਂ ਦੀ ਪਾਲਣਾ ਕਰੇ। ਚਿਹਰੇ ਤੇ ਮਾਸਕ ਲਾਜ਼ਮੀ ਤੌਰ ਤੇ ਲਗਾਏ ਅਤੇ ਸਮਾਜਿਕ ਦੂਰੀ ਦਾ ਵਿਸ਼ੇਸ਼ ਧਿਆਨ ਰੱਖਿਆ ਜਾਵੇ।
ਉਹਨਾਂ ਕਿਹਾ, “ਮੇਰੇ ਖਿਆਲ ਵਿਚ ਨਿਸ਼ਚਤ ਤੌਰ ਤੇ ਇਹ ਸੰਕੇਤ ਹਨ ਕਿ ਨਵੇਂ ਰੂਪ ਘੱਟੋ ਘੱਟ ਕਮਿਊਨਿਟੀਆਂ ਵਿਚ ਇੱਕ ਹੱਦ ਤਕ ਸੰਚਾਰਿਤ ਹੁੰਦੇ ਹਨ – ਅਤੇ ਸ਼ਾਇਦ ਅਸੀਂ ਉਨ੍ਹਾਂ ਸਾਰਿਆਂ ਦਾ ਪਤਾ ਨਹੀਂ ਲਗਾ ਸਕਦੇ।
“ਇਹ ਮੁੱਢਲਾ ਸਿਗਨਲ ਹੈ ਕਿ ਸਾਨੂੰ ਉਨ੍ਹਾਂ ਜਨਤਕ ਸਿਹਤ ਦੇ ਉਪਾਵਾਂ ਦੇ ਢਿੱਲ ਲਈ ਬਹੁਤ ਚੌਕਸ ਅਤੇ ਬਹੁਤ ਸੁਚੇਤ ਹੋਣ ਦੀ ਲੋੜ ਹੈ। ਕਿਉਂਕਿ ਥੋੜੀ ਜਿਹੀ ਲਾਪਰਵਾਹੀ ਮੁੜ ਤੋਂ ਹਾਲਾਤ ਵਿਗਾੜ ਸਕਦੀ ਹੈ।
