ਵਿਕਟੋਰੀਆ : ਨਵੇਂ ਸਾਲ 2021 ਦਾ ਪੂਰੀ ਦੁਨੀਆ ਵਿੱਚ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ ਗਿਆ । ਕੁਝ ਇਸੇ ਤਰ੍ਹਾਂ ਦਾ ਸਵਾਗਤ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਵਿੱਚ 2021 ਦੇ ਪੈਦਾ ਹੋਏ ਪਹਿਲੇ ਬੱਚੇ ਦਾ ਕੀਤਾ ਗਿਆ । ਬ੍ਰਿਟਿਸ਼ ਕੋਲੰਬੀਆ ਵਿਚ ਨਵੇਂ ਸਾਲ ਦੇ ਪਹਿਲੇ ਜਨਮੇ ਬੱਚੇ ਦਾ ਐਲਾਨ ਕੀਤਾ ਗਿਆ ਹੈ । ਇਹ ਇਕ ਬੱਚੀ ਹੈ ਜਿਸਦਾ ਜਨਮ ਬੀ.ਸੀ. ਦੇ ‘ਵੈਨਕੂਵਰ’ ਵਿੱਚ ਔਰਤਾਂ ਦੇ ਹਸਪਤਾਲ ਵਿਖੇ ਸਵੇਰੇ 12:21 ਵਜੇ ਹੋਇਆ ਹੈ। ਬੱਚੀ ਦਾ ਭਾਰ ਸੱਤ ਪੌਂਡ ਅਤੇ ਚਾਰ ਔਂਸ ਹੈ।
ਹਸਪਤਾਲ ਦੇ ਅਨੁਸਾਰ, ਅਜੇ ਤੱਕ ਬੱਚੀ ਦਾ ਨਾਮ ਨਹੀਂ ਰੱਖਿਆ ਗਿਆ ਹੈ ।
ਜੱਚਾ ਅਤੇ ਬੱਚਾ ਦੋਵੇਂ ਸਿਹਤਮੰਦ ਹਨ । ਮਾਪਿਆਂ, ਕੈਥਰੀਨ ਹੈਰੀਸਨ ਅਤੇ ਡਾਰਸੀ ਡੋਬਰਸਟਾਈਨ ਆਪਣੇ ਪਰਿਵਾਰ ਦੇ ਨਵੇਂ ਮੈਂਬਰ ਨਾਲ ਬੇਹੱਦ ਖੁਸ਼ ਹਨ।
ਇਸ ਬਾਰੇ ਜਾਣਕਾਰੀ ਬ੍ਰਿਟਿਸ਼ ਕੋਲੰਬੀਆ ਸਰਕਾਰ ਦੇ ਟਵਿੱਟਰ ਹੈਂਡਲ ‘ਤੇ ਸਾਂਝੀ ਕੀਤੀ ਗਈ ਹੈ । ਇਸ ਤੋਂ ਜ਼ਿਆਦਾ ਹੋਰ ਕੋਈ ਵੇਰਵਾ ਜਾਰੀ ਨਹੀਂ ਕੀਤਾ ਗਿਆ ਹੈ।
#BC’s New Year’s baby was born in Women’s Hospital at 12:21 a.m. weighing 7 lbs 4 oz. Congratulations to the family! What a great way to start the year off! @PHSAofBC
— BC Government News (@BCGovNews) January 1, 2021
ਇਸ ਦੌਰਾਨ ‘ਫਰੇਸਰ’ ਵਿਖੇ ਪੈਦਾ ਹੋਏ ਪਹਿਲੇ ਬੱਚੇ ਵਾਰੇ ‘ਫਰੇਸਰ ਹੈਲਥ’ ਨੇ ਜਾਣਕਾਰੀ ਸਾਂਝੀ ਕੀਤੀ। ਫਰੇਸਰ ਖੇਤਰ ਵਿਖੇ 2021 ਦਾ ਪੈਦਾ ਹੋਇਆ ਪਹਿਲਾ ਬੱਚਾ, ਬੀ.ਸੀ.’ਚ ਜਨਮੇ ਪਹਿਲੇ ਬੱਚੇ ਤੋਂ ਸਿਰਫ ਕੁਝ ਮਿੰਟਾਂ ਬਾਅਦ ਸਵੇਰੇ 12:29 ਵਜੇ ਆਇਆ । ਇਹ ਇੱਕ ਕੁੜੀ ਹੈ! ਫਰੇਸਰ ਵਿਖੇ ਪਹਿਲੇ ਨਵੇਂ ਸਾਲ ਦਾ ਬੱਚਾ ‘ਸਰੀ ਮੈਮੋਰੀਅਲ ਹਸਪਤਾਲ’ ਵਿਖੇ ਪੈਦਾ ਹੋਇਆ । ਇਸਦਾ ਨਾਂ ਰਹਿਮਤ ਪਾਂਗਲੀ ਹੈ। ਬੱਚੀ ਦਾ ਭਾਰ 3,215 ਗ੍ਰਾਮ ਹੈ। ਫ੍ਰੇਸਰ ਹੈਲਥ ਨੇ ਇਸ ਸਾਲ ਦੇ ਪਹਿਲੇ ਬੱਚੇ ਦੀ ਤਸਵੀਰ ਉਸਦੇ ਮਾਪਿਆਂ ਨਾਲ ਟਵੀਟ ਕੀਤੀ ਹੈ।
It’s a girl! The first New Year’s baby in Fraser Health is a girl born at 12:29 a.m. at Surrey Memorial Hospital. Rehmat Pangli weighed in at 3,215 grams, or 7 lbs. 1 oz. Welcome Rehmat!#HappyNewYear pic.twitter.com/byvIaLSFrs
— Fraser Health (@Fraserhealth) January 1, 2021
ਉਧਰ ਪਿਛਲੇ ਇੱਕ ਸਾਲ ਦੌਰਾਨ ਮਾਪਿਆਂ ਦੁਆਰਾ ਬੱਚਿਆਂ ਲਈ ਚੁਣੇ ਗਏ ਚੋਟੀ ਦੇ ਨਾਮ ਬਾਰੇ ਵੀ ਸਾਂਝ ਪਾਈ ਗਈ । 2020 ਵਿਚ ਪੈਦਾ ਹੋਏ ਬੱਚਿਆਂ ਲਈ ਇਕ ਵਾਰ ਫਿਰ ‘ਓਲੀਵੀਆ’ ਸਭ ਤੋਂ ਮਸ਼ਹੂਰ ਨਾਮ ਰਿਹਾ । ਵਾਈਟਲ ਸਟੈਟਿਸਟਿਕਸ ਏਜੰਸੀ ਦੇ 1 ਜਨਵਰੀ ਤੋਂ 17 ਦਸੰਬਰ, 2020 ਦੇ ਮੁੱਢਲੇ ਅੰਕੜਿਆਂ ਅਨੁਸਾਰ ਓਲੀਵੀਆ ਤੋਂ ਬਾਅਦ ਲਿਲੀਅਮ, ਓਲੀਵਰ, ਨੂਹ, ਲੁਕਾਸ, ਏਮਾ, ਥਿਓਡੋਰ, ਬੈਂਜਾਮਿਨ, ਈਥਨ ਅਤੇ ਸ਼ਾਰਲੋਟ ਦਾ ਨੰਬਰ ਆਉਂਦਾ ਹੈ।