ਨੈਸ਼ਵਿਲ : ਕ੍ਰਿਸਮਸ ਵਾਲੇ ਦਿਨ ਅਮਰੀਕਾ ਦੇ ਟੈਨਸੀ ਦੇ ਸ਼ਹਿਰ ਨੈਸ਼ਵਿਲ ਵਿਚ ਬੰਬ ਧਮਾਕਾ ਕਰਨ ਵਾਲੇ ਵਿਅਕਤੀ ਦੀ ਪਛਾਣ FBI ਨੇ ਕਰ ਲਈ ਹੈ । ਸੰਯੁਕਤ ਰਾਜ ਅਟਾਰਨੀ ਡੌਨ ਕੋਚਰਨ ਨੇ ਐਤਵਾਰ ਨੂੰ ਦੱਸਿਆ ਕਿ ਸ਼ੱਕੀ ਵਿਅਕਤੀ ਦੀ ਪਛਾਣ ਐਂਥਨੀ ਕੁਇਨ ਵਾਰਨਰ ਵਜੋਂ ਹੋਈ ਹੈ। ਇਹ ਵਿਅਕਤੀ ਬੰਬ ਧਮਾਕੇ ਦੌਰਾਨ ਹੀ ਮਾਰਿਆ ਗਿਆ ਹੈ। ਜਾਂਚਕਰਤਾਵਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਵਾਰਨਰ ਦੇ ਰੂਪ ਵਿੱਚ ਮੌਕੇ ‘ਤੇ ਪਈਆਂ ਬਚੀਆਂ ਨਿਸ਼ਾਨੀਆਂ ਦੀ ਪਛਾਣ ਕਰਨ ਲਈ ਡੀ.ਐਨ.ਏ. (DNA) ਦੀ ਵਰਤੋਂ ਕੀਤੀ, ਜਿਸ ਤੋਂ ਬਾਅਦ ਦੀ ਜਾਂਚ ਵਿੱਚ ਇਹ ਪੁਖ਼ਤਾ ਹੋਇਆ ਕਿ ਇਸ ਧਮਾਕੇ ਵਿੱਚ ਐਂਥਨੀ ਕੁਇਨ ਵਾਰਨਰ ਸ਼ਾਮਲ ਸੀ।
ਐਫਬੀਆਈ ਨੇ ਕਿਹਾ ਕਿ ਆਰ.ਵੀ. (Recreational Vehicle) ਦੇ ਵਾਹਨ ਦਾ ਪਛਾਣ ਨੰਬਰ, ਵਾਰਨਰ ਨਾਲ ਸਬੰਧਤ ਰਜਿਸਟ੍ਰੇਸ਼ਨ ਨੰਬਰ ਨਾਲ ਵੀ ਮੇਲ ਖਾਂਦਾ ਹੈ। ਐਫਬੀਆਈ ਦੇ ਮੈਮਫਿਸ ਫੀਲਡ ਦਫ਼ਤਰ ਦੇ ਵਿਸ਼ੇਸ਼ ਏਜੰਟ ਡਗਲਸ ਕੋਰਨੇਸਕੀ ਨੇ ਕਿਹਾ, “ਅਸੀਂ ਅਜੇ ਵੀ ਲੀਡਾਂ ਦਾ ਪਾਲਣ ਕਰ ਰਹੇ ਹਾਂ, ਪਰ ਇਸ ਵੇਲੇ ਇਸ ਗੱਲ ਦਾ ਕੋਈ ਸੰਕੇਤ ਨਹੀਂ ਮਿਲ ਰਿਹਾ ਹੈ ਕਿ ਕੋਈ ਹੋਰ ਵਿਅਕਤੀ ਇਸ ਵਿੱਚ ਸ਼ਾਮਲ ਸੀ। ਅਸੀਂ ਮਨੋਰੰਜਨ ਵਾਹਨ (R.V.)ਦੁਆਲੇ ਦੇ ਸੁਰੱਖਿਆ ਵੀਡੀਓ ਦੀ ਘੰਟਿਆਂ ਸਮੀਖਿਆ ਕੀਤੀ ਹੈ। ਅਸੀਂ ਕੋਈ ਹੋਰ ਲੋਕਾਂ ਨੂੰ ਸ਼ਾਮਲ ਨਹੀਂ ਵੇਖਿਆ।”
FBI Memphis Special Agent in Charge Announces Identity of Remains Discovered in Nashville Explosion Site; Multi-Agency Investigation Continues @FBIMemphis https://t.co/5leMNbh9Y2 pic.twitter.com/k6uI5xXGaS
— FBI (@FBI) December 28, 2020
ਨੈਸ਼ਵਿਲ ਆਰਵੀ ਵਿਸਫੋਟ ਵਿੱਚ ਸ਼ਾਮਲ ਐਂਥਨੀ ਕੁਇਨ ਵਾਰਨਰ ਦੀ ਪਛਾਣ ਐਫਬੀਆਈ ਵਲੋਂ ਉਸਦੇ ਘਰ ਦਾ ਦੌਰਾ ਕਰਨ ਤੇ ਹੋਈ । ਸ਼ੱਕੀ ਵਿਅਕਤੀ ਦੀ ਜਨਤਕ ਤੌਰ ‘ਤੇ ਪਛਾਣ ਕਰਨ ਵੇਲੇ, ਅਧਿਕਾਰੀਆਂ ਨੇ ਆਪਣੀ ਜਾਂਚ ਵਿਚ ਇਕ ਵੱਡੀ ਸਫਲਤਾ ਦਾ ਖੁਲਾਸਾ ਕੀਤਾ – ਇੱਥੋਂ ਤਕ ਕਿ ਉਨ੍ਹਾਂ ਨੇ ਧਮਾਕੇ ਦੇ ਪਿੱਛੇ ਚੱਲ ਰਹੇ ਰਹੱਸ ਨੂੰ ਸਵੀਕਾਰ ਕੀਤਾ, ਜੋ ਕਿ ਛੁੱਟੀ ਦੀ ਸਵੇਰ ਵੇਲੇ ਹੋਇਆ ਸੀ । ਐਫ਼ਬੀਆਈ ਅਨੁਸਾਰ ਤੋਂ ਧਮਾਕੇ ਤੋਂ ਪਹਿਲਾਂ ਕਿ ਸ਼ਹਿਰ ਦੀਆਂ ਸੜਕਾਂ ਤੇ ਜ਼ਿਆਦਾ ਭੀੜ ਨਹੀਂ ਸੀ । ਅਧਿਕਾਰੀਆਂ ਨੇ ਇਹ ਵੀ ਦੱਸਿਆ ਕਿ ਐਂਥਨੀ ਨੇ ਆਪਣੇ ਵਾਹਨ ਵਿੱਚ ਰਿਕਾਰਡ ਕੀਤੀ ਹੋਈ ਚੇਤਾਵਨੀ ਵੀ ਧਮਾਕੇ ਤੋਂ ਪਹਿਲਾਂ ਚਲਾਈ ਸੀ।
ਹਲਾਂਕਿ ਜਾਂਚਕਰਤਾਵਾਂ ਦੁਆਰਾ ਧਮਾਕੇ ਦੇ ਉਦੇਸ਼ ਦਾ ਖੁਲਾਸਾ ਨਹੀਂ ਕੀਤਾ ਗਿਆ, ਅਤੇ ਨਾ ਹੀ ਇਹ ਪਤਾ ਲਗਾਇਆ ਗਿਆ ਕਿ ਕਿਉਂ ਵਾਰਨਰ ਨੇ ਬੰਬ ਧਮਾਕੇ ਲਈ ਵਿਸ਼ੇਸ਼ ਜਗ੍ਹਾ ਦੀ ਚੋਣ ਕੀਤੀ ਸੀ, ਜਿਸ ਨਾਲ ਤਿੰਨ ਲੋਕ ਜ਼ਖਮੀ ਹੋਏ ਸਨ । ਇਸ ਧਮਾਕੇ ਨੇ ਇੱਕ ਏਟੀ ਐਂਡ ਟੀ ਇਮਾਰਤ ਨੂੰ ਵੀ ਨੁਕਸਾਨ ਪਹੁੰਚਾਇਆ ਅਤੇ ਕਈ ਦੱਖਣੀ ਰਾਜਾਂ ਵਿੱਚ ਸੈਲਫੋਨ ਸੇਵਾ ਅਤੇ ਪੁਲਿਸ ਅਤੇ ਹਸਪਤਾਲ ਦੇ ਸੰਚਾਰਾਂ ਨੂੰ ਵੀ ਪ੍ਰਭਾਵਿਤ ਕੀਤਾ ਹੈ।
