ਓਟਾਵਾ : ਆਖ਼ਰਕਾਰ ਉਹ ਦਿਨ ਛੇਤੀ ਹੀ ਆਉਣ ਵਾਲਾ ਹੈ ਜਿਸ ਦਿਨ ਕੈਨੇਡਾ ਵਿੱਚ ਕੋਰੋਨਾ ਵਾਇਰਸ ਵੈਕਸੀਨ/ਟੀਕਾ ਉਪਲਬਧ ਹੋਣਗੇ। ਯੂ.ਪੀ.ਐਸ. ਕੈਨੇਡਾ ਦੇ ਅਨੁਸਾਰ ਫਾਈਜ਼ਰ ਦਾ ਕੋਰੋਨਾਵਾਇਰਸ ਟੀਕਾ ਕੈਨੇਡਾ ਦੀ ਮਿੱਟੀ ਤੱਕ ਪਹੁੰਚਣ ਦੇ ਹੁਣ ਬੱਸ ਕੁਝ ਕਦਮਾਂ ਦੀ ਦੂਰੀ ‘ਤੇ ਹੈ ।
ਸ਼ੁੱਕਰਵਾਰ ਨੂੰ, ਯੂਪੀਐਸ ਕੈਨੇਡਾ ਨੇ ‘ਫਾਇਜ਼ਰ’ ਕੰਪਨੀ ਵੱਲੋਂ ਤਿਆਰ ਕੀਤੀ ਗਈ ਵੈਕਸੀਨ ਦੇ ਪੈਕਿੰਗ ਕੀਤੇ ਗਏ ਬਕਸਿਆਂ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ । ਦੱਸਿਆ ਗਿਆ ਹੈ ਕਿ ‘ਫਾਈਜ਼ਰ’ ਦੀ ਕੋਰੋਨਾਵਾਇਰਸ ਟੀਕੇ ਦੀ ਪਹਿਲੀ ਖੇਪ ਜਰਮਨੀ ਵਿੱਚ ਪ੍ਰੋਸੈਸ ਕੀਤੀ ਗਈ ਹੈ ਅਤੇ ਕੈਨੇਡਾ ਨੂੰ ਸਪੁਰਦਗੀ ਲਈ ਇਸ ਦਾ ਪਹਿਲਾ ਬੈਚ ਤਿਆਰ ਹੈ।
ਹੈਲਥ ਕੈਨੇਡਾ ਨੇ ਫਾਈਜ਼ਰ ਅਤੇ ਬਾਇਓਨਟੈਕ ਦੁਆਰਾ ਜਮ੍ਹਾ ਕੀਤੇ ਕਲੀਨਿਕਲ ਅਜ਼ਮਾਇਸ਼ਾਂ ਦੇ ਅੰਕੜਿਆਂ ਦੀ ਸਮੀਖਿਆ ਕਰਨ ਤੋਂ ਬਾਅਦ ਬੁੱਧਵਾਰ ਨੂੰ ਇਸ ਟੀਕੇ ਨੂੰ ਮਨਜ਼ੂਰੀ ਦੇਣ ਦੀ ਘੋਸ਼ਣਾ ਕੀਤੀ ਸੀ । 30,000 ਫਾਈਜ਼ਰ-ਬਾਇਓਨਟੈਕ ਟੀਕੇ ਦਾ ਸ਼ੁਰੂਆਤੀ ਸਮੂਹ ਬੈਲਜੀਅਮ, ਜਰਮਨੀ ਅਤੇ ਸੰਯੁਕਤ ਰਾਜ ਤੋਂ ਲੰਘਣ ਤੋਂ ਬਾਅਦ ਸੋਮਵਾਰ ਨੂੰ ਕੈਨੇਡਾ ਪਹੁੰਚਣਾ ਤੈਅ ਹੋਇਆ ਹੈ ।
1st images of the Pfizer vaccine being processed in Cologne, Germany for delivery to select sites in Canada next week. We are ready to make one of the most important deliveries in our 45 year history in Canada. #DeliverWhatMatters pic.twitter.com/CKdCsfOg4T
— UPS Canada (@UPS_Canada) December 12, 2020
ਯੂਪੀਐਸ ਕੈਨੇਡਾ ਨੇ ਤਸਵੀਰਾਂ ਨੂੰ ਦਿਖਾਉਣ ਲਈ ਟਵਿੱਟਰ ‘ਤੇ ਇੱਕ ਸੁਨੇਹਾ ਤਸਵੀਰਾਂ ਸਹਿਤ ਸਾਂਝਾ ਕੀਤਾ ਹੈ। ਕਿਹਾ ਗਿਆ ਹੈ ਕਿ ਟੀਕੇ ਦੀਆਂ ਖੁਰਾਕਾਂ ਸ਼ੁੱਕਰਵਾਰ ਨੂੰ ‘ਜਰਮਨੀ ਦੇ ਕੋਲੋਨ’ ਵਿਖੇ ਤਿਆਰ ਕੀਤੀਆਂ ਹਨ, ਅਗਲੇ ਹਫ਼ਤੇ ਕੈਨੇਡਾ ਵਿਚ ਚੁਣੀਆਂ ਗਈਆਂ ਥਾਵਾਂ’ ਤੇ ਪਹੁੰਚਾਉਣ ਲਈ ਤਿਆਰ ਹਨ।
ਕੋਰੋਨਾ ਮਹਾਂਮਾਰੀ ਦੇ ਦੂਜੇ ਪੜਾਅ ਨੂੰ ਝੱਲ ਰਹੇ ਕੈਨੇਡਾ ਵਾਸੀਆਂ ਬਈ ਇਹ ਖਬਰ ਵੱਡੀ ਖੁਸ਼ਖਬਰੀ ਸਮਾਨ ਹੈ । ਕੈਨੇਡਾ ਦੇ ਸਿਹਤ ਵਿਭਾਗ ਵੱਲੋਂ ਪਹਿਲਾਂ ਹੀ ਕਿਹਾ ਜਾ ਚੁੱਕਾ ਹੈ ਕਿ ਵੈਕਸੀਨ ਦੀ ਵੰਡ ਯੋਜਨਾਬੱਧ ਤਰੀਕੇ ਅਨੁਸਾਰ ਕੀਤੀ ਜਾਵੇਗੀ । ਸਭ ਤੋਂ ਪਹਿਲਾ ਬੁਜ਼ੁਰਗਾਂ ਅਤੇ ਹੈਲਥ ਵਰਕਰਾਂ ਨੂੰ ਇਸ ਦੀ ਵੰਡ ਕਰਨਾ ਤੈਅ ਕੀਤਾ ਗਿਆ ਹੈ।
