ਕਿਊਬਿਕ ਅਤੇ ਅਲਬਰਟਾ ‘ਚ ਵੀਰਵਾਰ ਨੂੰ ਕੋਰੋਨਾ ਵਾਇਰਸ ਦੇ 122 ਅਤੇ 113 ਨਵੇਂ ਕੇਸਾਂ ਦੀ ਪੁਸ਼ਟੀ ਕੀਤੀ ਗਈ । ਕੁੱਲ ਮਿਲਾ ਕੇ, ਕੈਨੇਡਾ ਵਿੱਚ ਵੀਰਵਾਰ 393 ਨਵੇਂ ਕੇਸ ਦਰਜ ਹੋਏ ਅਤੇ 10 ਹੋਰ ਮੌਤਾਂ ਹੋਈਆਂ। ਦੇਸ਼ ਦੀ ਕੁਲ ਕੇਸਾਂ ਦੀ ਗਿਣਤੀ ਹੁਣ 115,758 ਦੇ ਪੱਧਰ ‘ਤੇ ਹੈ, ਕੁਲ 8,929 ਮੌਤਾਂ ਹੋਈਆਂ ਹਨ।
ਓਂਟਾਰੀਓ ਵਿੱਚ ਵੀਰਵਾਰ ਨੂੰ 89 ਨਵੇਂ ਕੇਸ ਦਰਜ ਕੀਤੇ ਗਏ। ਓਂਟਾਰੀਓ ‘ਚ ਹੁਣ ਕੋਰੋਨਾ ਵਾਇਰਸ ਦੀ ਕੁਲ 39,075 ਸੰਖਿਆ ਹੋ ਗਈ ਹੈ। ਲਗਾਤਾਰ ਦੂਸਰੇ ਦਿਨ ਓਂਟਾਰੀਓ ਵਿੱਚ 100 ਤੋਂ ਘੱਟ ਕੇਸ ਦਰਜ ਕੀਤੇ ਗਏ। ਸੂਬੇ ਵਿਚ ਤਿੰਨ ਹੋਰ ਨਵੀਂਆਂ ਮੌਤਾਂ ਦਰਜ ਕੀਤੀਆ ਗਈਆਂ ਹਨ। ਓਂਟਾਰੀਓ ‘ਚ ਹੁਣ ਕੁਲ 2,772 ਮੌਤਾਂ ਹੋ ਚੁਕੀਆਂ ਹਨ। ਇਸ ਵੇਲੇ ਕੋਵਿਡ -19 ਕਾਰਨ 84 ਲੋਕ ਹਸਪਤਾਲ ਵਿੱਚ ਦਾਖਲ ਹਨ, ਇੱਕ ਇੰਟੈਂਸਿਵ ਕੇਅਰ ਯੂਨਿਟ ਵਿੱਚ 27 ਮਰੀਜ਼ ਅਤੇ ਆਈਸੀਯੂ ਵਿੱਚ 16 ਮਰੀਜ਼ ਅਤੇ ਇੱਕ ਵੈਂਟੀਲੇਟਰ ਤੇ ਹੈ।
ਅਲਬਰਟਾ ਨੇ 113 ਨਵੇਂ ਕੇਸਾਂ ਦੀ ਰਿਪੋਰਟ ਕੀਤੀ। ਅਲਬਰਟਾ ‘ਚ ਹੁਣ ਕੁਲ 10,716 ਕੋਰੋਨਾ ਵਾਇਰਸ ਦੇ ਕੇਸ ਹੋ ਚੁੱਕੇ ਹਨ। ਪੰਜ ਨਵੀਆਂ ਮੌਤਾਂ ਵੀ ਦਰਜ ਕੀਤੀਆਂ ਗਈਆਂ। ਮਾਮਲਿਆਂ ਵਿਚੋਂ, 1,408 ਇਸ ਸਮੇਂ ਸਰਗਰਮ ਹਨ, 91 ਹਸਪਤਾਲ ਵਿਚ ਅਤੇ ਉਨ੍ਹਾਂ ਵਿਚੋਂ 18 ਦੀ ਦੇਖਭਾਲ ਗੰਭੀਰ ਹੈ।
ਬ੍ਰਿਟਿਸ਼ ਕੋਲੰਬੀਆ ਨੇ ਪਿਛਲੇ 24 ਘੰਟਿਆਂ ਦੌਰਾਨ 29 ਨਵੇਂ ਕੇਸ ਦਰਜ ਕੀਤੇ ਗਏ ਹਨ।
ਜੌਹਨ ਹਾਪਕਿਨਜ਼ ਯੂਨੀਵਰਸਿਟੀ ਦੇ ਅਨੁਸਾਰ ਹੁਣ ਤੱਕ, ਵਿਸ਼ਵ ਭਰ ਵਿੱਚ 17,219,767 ਮਾਮਲੇ ਸਾਹਮਣੇ ਆ ਚੁੱਕੇ ਹਨ ਅਤੇ 671,009 ਮੌਤਾਂ ਹੋ ਗਈਆਂ ਹਨ। ਸਯੁੰਕਤ ਰਾਜ ‘ਚੋਂ ਸਭ ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ।
