ਟੋਰਾਂਟੋ ਪੁਲਿਸ ਇਕ ਅਜਿਹੀ ਔਰਤ ਨੂੰ ਲੱਭਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਜਿਸ ‘ਤੇ ” ਸੈਕਿੰਡ ਡਿਗਰੀ” ਕਤਲ ਦੇ ਦੋਸ਼ ਵਿਚ ਜ਼ਮਾਨਤ ਮਿਲਣ ਤੋਂ ਬਾਅਦ “ਪੁਲਿਸ ਕੋਲੋਂ ਭੱਜਣ” ਦਾ ਦੋਸ਼ ਹੈ।
ਟੋਰਾਂਟੋ ਦੀ ਰਹਿਣ ਵਾਲੀ ਫੈਂਟਸੀਆ ਹੂ-ਹਿੰਗ ਉਨ੍ਹਾਂ ਤਿੰਨ ਲੋਕਾਂ ਵਿੱਚੋਂ ਇੱਕ ਸੀ ਜੋ ਟੋਰਾਂਟੋ ਦੇ 52 ਸਾਲਾ ਐਡਵਿਨ ਮੈਕਗੌਨ ਦੀ ਹੱਤਿਆ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਅਤੇ ਉਸ ਉੱਤੇ ਦੋਸ਼ ਲਾਇਆ ਗਿਆ ਸੀ।
ਮੈਕਗੌਨ ਨੂੰ 22 ਸਤੰਬਰ, 2019 ਨੂੰ ਰਾਤ 11 ਵਜੇ ਤੋਂ ਬਾਅਦ, ਐਂਟਰਿਮ ਕ੍ਰੇਸੈਂਟ ਦੇ ਇੱਕ ਅਪਾਰਟਮੈਂਟ ਵਿੱਚ ਮ੍ਰਿਤਕ ਪਾਇਆ ਗਿਆ ਸੀ। ਬੁੱਧਵਾਰ, 2 ਅਕਤੂਬਰ ਨੂੰ, ਹੂ-ਹਿੰਗ ਤਿੰਨ ਲੋਕਾਂ ਵਿਚੋਂ ਇਕ ਸੀ ਜਿੰਨ੍ਹਾਂ ‘ਤੇ ਸੈਕਿੰਡ ਡਿਗਰੀ ਦੇ ਦੋਸ਼ ਲੱਗੇ ਸਨ। ਲਗਭਗ ਇਕ ਸਾਲ ਬਾਅਦ, 30 ਸਤੰਬਰ, 2020 ਨੂੰ ਹੂ-ਹਿੰਗ ਨੂੰ ਕਈ ਸ਼ਰਤਾਂ ਨਾਲ ਜ਼ਮਾਨਤ ਦੇ ਦਿੱਤੀ ਗਈ ਸੀ।
ਅਧਿਕਾਰੀਆਂ ਨੂੰ ਜਾਣੂ ਕਰਾਇਆ ਗਿਆ ਕਿ ਉਹ ਕਥਿਤ ਤੌਰ ‘ਤੇ ਉਸ ਦੀ ਰਿਹਾਈ ਦੀਆਂ ਸ਼ਰਤਾਂ ਦੀ ਉਲੰਘਣਾ ਕਰ ਰਹੀ ਹੈ। ਗ੍ਰਿਫਤਾਰੀ ਵਾਰੰਟ ਜਾਰੀ ਕੀਤਾ ਗਿਆ ਹੈ ਅਤੇ ਪੁਲਿਸ ਲੋਕਾਂ ਤੋਂ ਉਸ ਦੀ ਭਾਲ ਕਰਨ ਵਿਚ ਮਦਦ ਮੰਗ ਰਹੀ ਹੈ।
