ਓਟਾਵਾ : ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਕਿਸਾਨਾਂ ਦੇ ਸਮਰਥਨ ਵਿੱਚ ਬਿਆਨ ਦੇਣ ਤੋਂ ਬਾਅਦ ਇੱਕ ਨਵਾਂ ਖੁਲਾਸਾ ਹੋਇਆ ਹੈ ਕਿ ਕੈਨੇਡੀਅਨ ਫ਼ੌਜ ਨੇ ਚੀਨ ਦੀ ਪੀਪਲਜ਼ ਲਿਬਰੇਸ਼ਨ ਆਰਮੀ (ਪੀਐਲਏ) ਦੇ ਸੈਨਿਕਾਂ ਨੂੰ ‘ਵਿੰਟਰ-ਯੁੱਧ’ ਲਈ ਸਿਖਲਾਈ ਦਿੱਤੀ ਹੈ। ਕੈਨੇਡਾ ਅਤੇ ਚੀਨ ਵਿਚ ਚੀਨੀ ਫ਼ੌਜੀਆਂ ਨੂੰ ਠੰਡੇ ਮੌਸਮ ਵਿਚ ਲੜਨ ਲਈ ਸਿਖਲਾਈ ਦੇਣ ਲਈ ਇਕ ਸਮਝੌਤਾ ਹੋਇਆ ਸੀ। ਚੀਨੀ ਫ਼ੌਜੀ ਠੰਡੇ ਦਿਨਾਂ ‘ਤੇ ਲੜਾਈ ਲੜਨ ਦੀ ਸਿਖਲਾਈ ਪ੍ਰਾਪਤ ਹੋਣ ਦੇ ਬਾਵਜੂਦ ਲੱਦਾਖ ਦੀਆਂ ਬਰਫੀਲੀ ਪਹਾੜੀਆਂ ‘ਤੇ ਬਿਮਾਰ ਹੋ ਰਹੇ ਹਨ।
ਕੈਨੇਡੀਅਨ ਮੀਡੀਆ ਨੇ ਕੈਨੇਡੀਅਨ ਅਤੇ ਚੀਨੀ ਸਰਕਾਰ ਵਿਚਾਲੇ ਹੋਏ ਇਸ ਸਮਝੌਤੇ ਨੂੰ ‘ਚਾਈਨਾ-ਫਾਈਲਸ’ ਦੇ ਨਾਮ ‘ਤੇ ਜ਼ਾਹਰ ਕੀਤਾ ਹੈ। ਕੈਨੇਡੀਅਨ ਸਰਕਾਰ ਦੇ ਗੁਪਤ ਦਸਤਾਵੇਜ਼ਾਂ ਵਿਚ ਦੱਸਿਆ ਗਿਆ ਹੈ ਕਿ ਚੀਨੀ ਫ਼ੌਜੀ ਕਮਾਂਡਰਾਂ ਅਤੇ ਸਿਪਾਹੀਆਂ ਨੇ 2013 ਤੋਂ ਕੈਨੈਡਾ ਵਿਚ ਉੱਚਾਈ ਅਤੇ ਭਾਰੀ ਬਰਫਬਾਰੀ ਵਿਚ ਲੜਣ ਦੀ ਸਿਖਲਾਈ ਲਈ ਹੈ। ਇਹ ਸਿਖਲਾਈ ਕੈਨੇਡੀਅਨ ਆਰਮੀ ਦੇ ਟੋਰਾਂਟੋ ਕਾਲਜ, ਕਿੰਗਸਟਨ ਵਿਖੇ ਸੈਨਿਕ ਠਿਕਾਣਿਆਂ ਅਤੇ ਓਨਟਾਰੀਓ ਦੇ ਨਜ਼ਦੀਕ ਪੈਂਟਾਵਾਵਾ-ਗੈਰਿਸਨ ਵਿਖੇ ‘ਕੋਲਡ-ਵੈਦਰ ਮਿਲਟਰੀ ਟੈਕਟਿਕਸ’ ਵਿਖੇ ਦਿੱਤੀ ਗਈ ਹੈ। ‘ਵਿੰਟਰ-ਵਾਰਫੇਅਰ’ ਦੀ ਟ੍ਰੈਨਿੰਗ ਲਈ ਸਾਲ 2013 ਚ ਕਿਮ ਕੈਂਪਬੇਲ ਦੇ ਪ੍ਰਧਾਨ ਮੰਤਰੀ ਦੇ ਸਮੇਂ ਵਿਚ ਦੋਵਾਂ ਸਰਕਾਰਾਂ ਵਿਚਾਲੇ ਇਕ ਸਮਝੌਤਾ ਹੋਇਆ ਸੀ, ਉਦੋਂ ਤੋਂ ਚੀਨੀ ਫੌਜੀ ਹਰ ਸਾਲ ਠੰਡੇ ਮੌਸਮ ਵਿਚ ਜੰਗੀ ਸਿਖਲਾਈ ਲੈਣ ਲਈ ਕਨੇਡਾ ਜਾ ਰਹੇ ਸਨ।
ਰਿਪੋਰਟ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ 2015 ਸਟੀਫਨ ਹਾਰਪਰ ਦੀ ਪ੍ਰਧਾਨ ਮੰਤਰੀ ਮੰਡਲ ਦੌਰਾਨ ਵਿਚ ਜਦੋਂ ਚੀਨ ਨੇ ਦੋ ਕੈਨੇਡੀਅਨ ਨਾਗਰਿਕਾਂ ਨੂੰ ਅਗਵਾ ਕੀਤਾ ਸੀ, ਤਾਂ ਕੈਨੇਡੀਅਨ ਸਰਕਾਰ ਨੇ ਸਮਝੌਤਾ ਰੱਦ ਕਰ ਦਿੱਤਾ ਸੀ ਅਤੇ ਸਿਖਲਾਈ ਰੋਕ ਦਿੱਤੀ ਸੀ। ਇਸ ਤੋਂ ਬਾਅਦ, ਮੌਜੂਦਾ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਚੀਨ ਨਾਲ ਮਿਲਟਰੀ ਟ੍ਰੇਨਿੰਗ ਰੱਦ ਕਰਨ ‘ਤੇ ਨਾਰਾਜ਼ ਸਨ, ਪਰ ਫਿਰ ਇਹ ਸਿਖਲਾਈ ਦੁਬਾਰਾ ਸ਼ੁਰੂ ਨਹੀਂ ਕੀਤੀ ਜਾ ਸਕੀ। ਕੈਨੇਡੀਅਨ ਰੱਖਿਆ ਮੰਤਰੀ ਹਰਜੀਤ ਸੱਜਣ ਨੇ ਆਪਣੇ ਦੇਸ਼ ਦੀ ਸੰਸਦ ਵਿਚ ਸਪੱਸ਼ਟੀਕਰਨ ਦਿੰਦੇ ਹੋਏ ਦੱਸਿਆ ਹੈ ਕਿ ਇਹ ਸਮਝੌਤਾ ਪੁਰਾਣੀ ਕੈਨੇਡੀਅਨ ਸਰਕਾਰ ਨੇ ਕੀਤਾ ਸੀ ਅਤੇ ਹੁਣ ਇਸ ਸਿਖਲਾਈ ਨੂੰ ਰੋਕ ਦਿੱਤਾ ਗਿਆ ਹੈ।
