ਕੋਰੋਨਾ ਸੰਕਟ ਕਾਰਨ ਬੰਦ ਕੀਤੀ ਗਈ ਕੈਨੇਡਾ-ਅਮਰੀਕਾ ਸਰਹੱਦ ਹੁਣ ਇੱਕ ਹੋਰ ਮਹੀਨੇ ਤੱਕ ਬੰਦ ਰਹੇਗੀ । ਇਸ ਬਾਰੇ ਜਨਤਕ ਸੁਰੱਖਿਆ ਮੰਤਰੀ ਬਿਲ ਬਲੇਅਰ ਨੇ ਸਪੱਸ਼ਟ ਕੀਤਾ ਕਿ ਕੋਰੋਨਾਵਾਇਰਸ ਦੇ ਫੈਲਣ ਨੂੰ ਘੱਟ ਕਰਨ ਲਈ ਸੰਯੁਕਤ ਰਾਜ ਅਤੇ ਕੈਨੇਡਾ ਦੀ ਸਰਹੱਦ ਘੱਟੋ-ਘੱਟ 21 ਅਕਤੂਬਰ ਤੱਕ ਬੰਦ ਰਹੇਗੀ । ਬਲੇਅਰ ਨੇ ਸ਼ੁੱਕਰਵਾਰ ਸਵੇਰੇ ਟਵਿੱਟਰ ‘ਤੇ ਇਕ ਸੁਨੇਹੇ ਰਾਹੀਂ ਸਰਹੱਦ ਬੰਦ ਕਰਨ ਦੇ ਵਾਧੇ ਦਾ ਐਲਾਨ ਕੀਤਾ, ਜਿਸ ਦੀ ਮਿਆਦ 21 ਸਤੰਬਰ ਨੂੰ ਖਤਮ ਹੋਣ ਵਾਲੀ ਸੀ।
ਉਹਨਾਂ ਟਵੀਟ ਕੀਤਾ, “ਅਸੀਂ 21 ਅਕਤੂਬਰ, 2020 ਤੱਕ ਸੰਯੁਕਤ ਰਾਜ ਨਾਲ ਗੈਰ-ਜ਼ਰੂਰੀ ਯਾਤਰਾ ਪਾਬੰਦੀਆਂ ਵਧਾ ਰਹੇ ਹਾਂ। ਅਸੀਂ ਆਪਣੇ ਫੈਸਲਿਆਂ ਨੂੰ ਕੈਨੇਡੀਅਨਾਂ ਨੂੰ ਸੁਰੱਖਿਅਤ ਰੱਖਣ ਲਈ ਸਰਵਉੱਤਮ ਜਨਤਕ ਸਿਹਤ ਸਲਾਹ ‘ਤੇ ਅਧਾਰਤ ਕਰਦੇ ਰਹਾਂਗੇ। ਅਸੀਂ 21 ਅਕਤੂਬਰ, 2020 ਤੱਕ ਸੰਯੁਕਤ ਰਾਜ ਨਾਲ ਗੈਰ ਜ਼ਰੂਰੀ ਯਾਤਰਾ ਪਾਬੰਦੀਆਂ ਵਧਾ ਰਹੇ ਹਾਂ- ਬਿਲ ਬਲੇਅਰ
We are extending non-essential travel restrictions with the United States until October 21st, 2020. We will continue to base our decisions on the best public health advice available to keep Canadians safe.
— Bill Blair (@BillBlair) September 18, 2020
ਸੰਯੁਕਤ ਰਾਜ ਦੇ ਕਾਂਗਰਸ ਦੇ ਮੈਂਬਰਾਂ ਦੁਆਰਾ ਮਹਾਂਮਾਰੀ ਦੇ ਵਿਚਕਾਰ ਕੈਨੇਡਾ ਨਾਲ ਲੱਗਦੀ ਸਰਹੱਦ ਜੁਲਾਈ ਦੇ ਅਰੰਭ ਵਿੱਚ ਖੋਲੂਣ ਦੀ ਕੋਸ਼ਿਸ਼ ਕੀਤੀ ਗਈ ਸੀ । 29 ਸੰਘੀ ਸੰਸਦ ਮੈਂਬਰਾਂ ਦੇ ਇੱਕ ਦੋਪੱਖੀ ਸਮੂਹ ਨੇ ਬਲੇਅਰ ਅਤੇ ਕਾਰਜਕਾਰੀ ਹੋਮਲੈਂਡ ਸੁੱਰਖਿਆ ਸੱਕਤਰ ਚੈਡ ਵੌਲਫ ਨੂੰ ਇੱਕ ਪੱਤਰ ਭੇਜਿਆ, ਜਿਸ ਵਿੱਚ ਦੋਵਾਂ ਦੇਸ਼ਾਂ ਨੂੰ ਤੁਰੰਤ “ਸਰਹੱਦ ਦੇ ਮੁੜ ਤੋਂ ਖੋਲ੍ਹਣ ਲਈ ਇੱਕ ਵਿਆਪਕ ਢਾਂਚਾ ਤਿਆਰ ਕਰਨ ਦੀ ਅਪੀਲ ਕੀਤੀ ਗਈ।”
ਸਮੂਹ ਨੇ ਦਲੀਲ ਦਿੱਤੀ, “30 ਦਿਨਾਂ ਦੇ ਅੰਤਰਾਲਾਂ ‘ਤੇ ਸਰਹੱਦੀ ਪਾਬੰਦੀਆਂ ਵਧਾਉਣਾ ਉਨ੍ਹਾਂ ਕਮਿਨਿਟੀਆਂ ਲਈ ਅਸਮਰੱਥ ਹੈ ਜੋ ਪਰਿਵਾਰ ਤੋਂ ਵੱਖ ਹੋ ਚੁੱਕੇ ਹਨ ਅਤੇ ਤਿੰਨ ਮਹੀਨਿਆਂ ਤੋਂ ਵੱਧ ਆਪਣੇ ਪਰਿਵਾਰ ਦੇ ਗੁਜ਼ਾਰੇ ਦਾ ਪ੍ਰਬੰਧ ਨਹੀਂ ਕਰ ਪਾ ਰਹੇ।”
ਕੈਨੇਡਾ ਨੇ ਕੋਰੋਨਵਾਇਰਸ ਦੇ ਵਿਚਕਾਰ ਸਰਹੱਦ ਮੁੜ ਖੋਲ੍ਹਣ ਲਈ ਸੰਯੁਕਤ ਰਾਜ ਦੇ ਕਾਂਗਰਸ ਮੈਂਬਰਾਂ ਦੇ ਪੱਤਰ ਦੇ ਜਵਾਬ ਵਿਚ ਉੱਪ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਦੇ ਦਫ਼ਤਰ ਦੇ ਇਕ ਬੁਲਾਰੇ ਨੇ ਕਿਹਾ ਕਿ ਸਰਹੱਦ ਬਾਰੇ ਕੈਨੇਡਾ ਅਤੇ ਅਮਰੀਕਾ ਦਰਮਿਆਨ ਗੱਲਬਾਤ ਚੱਲ ਰਹੀ ਹੈ, “ਦੋਵੇਂ ਧਿਰ ਸਹਿਮਤ ਹਨ ਕਿ ਮੌਜੂਦਾ ਉਪਾਵਾਂ ਨੇ ਵਧੀਆ ਢੰਗ ਨਾਲ ਕੰਮ ਕੀਤਾ ਹੈ।” “ਸਾਡੀ ਪੂਰੀ ਤਰਜੀਹ ਕੈਨੇਡੀਅਨਾਂ ਦੀ ਸਿਹਤ ਅਤੇ ਸੁਰੱਖਿਆ ਹੈ,” ਕੈਥਰੀਨ ਕਪਲਿਨਕਸ ਨੇ ਇੱਕ ਈਮੇਲ ਵਿੱਚ ਕਿਹਾ। “ਇਸੇ ਕਰਕੇ ਅਸੀਂ ਸਪੱਸ਼ਟ ਹੋਣਾ ਚਾਹੁੰਦੇ ਹਾਂ ਕਿ ਕਨੇਡਾ ਦੀ ਸਰਹੱਦ ਬਾਰੇ ਫੈਸਲੇ ਕੈਨੇਡੀਅਨਾਂ ਲਈ, ਕੈਨੇਡੀਅਨਾਂ ਦੁਆਰਾ ਲਏ ਜਾਂਦੇ ਹਨ।”
ਹਾਲਾਂਕਿ ਕੈਨੇਡਾ-ਦੀ ਧਰਤੀ ਦੀ ਸਰਹੱਦ ਘੱਟੋ ਘੱਟ 21 ਅਕਤੂਬਰ ਤੱਕ ਬੰਦ ਰਹਿਣੀ ਹੈ, ਕੈਨੇਡੀਅਨ ਅਜੇ ਵੀ ਸੰਯੁਕਤ ਰਾਜ ਅਮਰੀਕਾ ਵਿੱਚ ਉੱਡ ਸਕਦੇ ਹਨ ।
