ਸਿਟੀ ਮਾਂਟ੍ਰੀਅਲ : ਕਿਊਬਿਕ ਸੂਬੇ ਦੇ ਸਭ ਤੋਂ ਵੱਡੇ ਸ਼ਹਿਰ ਸਿਟੀ ਮਾਂਟ੍ਰੀਅਲ ਵਿਖੇ ਬੱਚਿਆਂ ਦੀ ਸੁਰੱਖਿਆ ਲਈ ਅਹਿਮ ਉਪਰਾਲਾ ਕੀਤਾ ਗਿਆ ਹੈ। ਸਿਟੀ ਮਾਂਟ੍ਰੀਅਲ ਨੇ ਪੂਰੇ ਟਾਪੂ ਦੇ ਬੱਚਿਆਂ ਲਈ ਸਕੂਲ ਜਾਣ ਅਤੇ ਸਕੂਲ ਤੋਂ ਵਾਪਸੀ ਦੀ ਯਾਤਰਾ ਨੂੰ ਵਧੇਰੇ ਸੁਰੱਖਿਅਤ ਬਣਾਉਣ ਲਈ ਇਕ ਨਵੇਂ ਯਤਨ ਦੀ ਘੋਸ਼ਣਾ ਕੀਤੀ ਹੈ।
ਅਧਿਕਾਰੀਆਂ ਨੇ ਐਲਾਨ ਕੀਤਾ ਕਿ ਉਹ 13 ਵੱਖ-ਵੱਖ ਉਪਨਗਰਾਂ ਦੇ 39 ਸਕੂਲਾਂ ਦੇ ਆਸ ਪਾਸ ਸੁਰੱਖਿਅਤ ਕ੍ਰਾਸਿੰਗ ਬਣਾਉਣ ਲਈ 10 ਮਿਲੀਅਨ ਡਾਲਰ ਖਰਚ ਕੀਤੇ ਜਾਣਗੇ। ਇਹ ਇਕ ਪ੍ਰੋਜੈਕਟ ਦਾ ਵਿਸਥਾਰ ਹੈ ਜੋ ਪਿਛਲੇ ਸਾਲ ਸ਼ੁਰੂ ਹੋਇਆ ਸੀ। ਇਸ ਪ੍ਰਾਜੈਕਟ ਅਧੀਨ
6 ਮਿਲੀਅਨ ਡਾਲਰ 10 ਉਪਨਗਰਾਂ ਦੇ 22 ਸਕੂਲਾਂ ਦੇ ਆਸ ਪਾਸ ਸੁਰੱਖਿਆ ਨੂੰ ਬਿਹਤਰ ਬਣਾਉਣ ਲਈ ਖਰਚੇ ਗਏ।
ਮਾਂਟਰੀਅਲ ਨੌਰਥ ਨਵੇਂ ਖੇਤਰਾਂ ਵਿਚੋਂ ਇਕ ਨੂੰ ਪ੍ਰਾਪਤ ਕਰਨ ਵਾਲੇ ਪਹਿਲੇ ਖੇਤਰਾਂ ਵਿਚ ਹੋਵੇਗਾ। ਇਹ ਗੇਰਲਡ ਮੈਕਸ਼ੇਨ ਐਲੀਮੈਂਟਰੀ ਅਤੇ ਹੋਰ ਬਹੁਤ ਸਾਰੇ ਸਕੂਲਾਂ ਦੇ ਅੱਗੇ ਰੋਲੈਂਡ ਬੁਲੇਵਰਡ ‘ਤੇ ਹੋਵੇਗਾ, ਗਲੀ ਨੂੰ ਤੰਗ ਕੀਤਾ ਜਾਵੇਗਾ ਅਤੇ ਇਕ ਕਰਾਸਵਾਕ ਲਗਾਇਆ ਜਾਵੇਗਾ ਜਿੱਥੇ ਬੱਚੇ ਕੁਦਰਤੀ ਤੌਰ ‘ਤੇ ਗਲੀ ਨੂੰ ਪਾਰ ਕਰ ਰਹੇ ਸਨ।
ਸੁਰੱਖਿਆ ਦੇ ਨਵੇਂ ਉਪਾਅ ਹਰੇਕ ਉਪਨਗਰ ਦੀਆਂ ਜਰੂਰਤਾਂ ਅਨੁਸਾਰ ਲੱਗਣਗੇ। ਸਕੂਲ ਦੀ ਯਾਤਰਾ ਨੂੰ ਵਧੇਰੇ ਸੁਰੱਖਿਅਤ ਬਣਾਉਣ ਦੀ ਪਹਿਲ ਦੇ ਹਿੱਸੇ ਵਜੋਂ ਮਾਂਟਰੀਅਲ ਨਾਰਥ ਦੇ ਰੋਲੈਂਡ ਬੁਲੇਵਰਡ ‘ਤੇ ਇਕ ਨਵਾਂ ਕ੍ਰਾਸਿੰਗ ਸਥਾਪਤ ਕੀਤਾ ਜਾਵੇਗਾ।
