ਬਰੈਂਪਟਨ ਨੌਰਥ ਤੋਂ ਐਮਪੀਪੀ ਕੇਵਿਨ ਯਾਰਡ ਨੇ ਇੱਕ ਵਾਰ ਮੁੜ ਪੇਡ ਸਿੱਕ ਲੀਵ ਦਾ ਮੁੱਦਾ ਚੁੱਕਿਆ ਹੈ। ਉਨ੍ਹਾਂ ਕਿਹਾ ਕਿ ਪੀਲ ਰੀਜ਼ਨ ਦੇ ਚੀਫ ਮੈਡੀਕਲ ਅਧਿਕਾਰੀ ਡਾ: ਲਾਰੇਂਸ ਲੋ ਵੀ ਇਸਨੂੰ ਜ਼ਰੂਰੀ ਦੱਸ ਚੁੱਕੇ ਹਨ। ਜਿੰਨ੍ਹਾਂ ਮੰਗ ਕੀਤੀ ਕਿ ਸਰਕਾਰ ਪੇਡ ਸਿੱਕ ਲੀਵ ਐਲਾਨੇ ਤਾਂ ਜੋ ਲੋਕ ਬਿਮਾਰ ਹੋਣ ਦੀ ਸੂਰਤ ਵਿੱਚ ਘਰ ਰਹਿ ਸਕਣ।
ਓਨਟਾਰੀਓ ਦੇ ਲੇਬਰ ਮਿਨਿਸਟਰ ਨੇ ਦਾਅਵਾ ਕੀਤਾ ਕਿ ਸਰਕਾਰ ਪੇਡ ਸਿੱਕ ਲੀਵ ਲਈ 1.1 ਬਿਲੀਅਨ ਡਾਲਰ ਐਲਾਨ ਚੁੱਕੀ ਹੈ। ਸਰਕਾਰ ਦੇ ਬੈਂਕ ਅਕਾਊਟ ਵਿੱਚ 800 ਮਿਲੀਅਨ ਰਹਿ ਗਏ ਹਨ। ਇਸਦਾ ਮਤਲਬ ਇਹੀ ਹੈ ਕਿ ਲੋਕ ਪੇਡ ਸਿੱਕ ਲੀਵ ਪ੍ਰੋਗਰਾਮ ਦਾ ਲਾਭ ਲੈ ਰਹੇ ਹਨ।
