ਨਾਸਾ ਦੇ Perseverance Rover ਦੇ ਮੰਗਲ ਗ੍ਰਹਿ ‘ਤੇ ਉਤਰਨ ਤੋਂ ਬਾਅਦ 24 ਘੰਟਿਆਂ ਤੋਂ ਵੀ ਘੱਟ ਸਮੇਂ ‘ਚ ਯੂਐਸ ਪੁਲਾੜ ਏਜੰਸੀ ਨਾਸਾ ਨੇ ਮੰਗਲ ਦੀਆਂ ਕਈ ਰੰਗੀਨ ਤਸਵੀਰਾਂ ਜਾਰੀ ਕੀਤੀਆਂ ਹਨ। ਮੰਗਲ ਤੇ ਭੇਜਿਆ ਪੁਲਾੜ ਯਾਨ ਰਿਕਾਰਡ 25 ਕੈਮਰੇ ਅਤੇ ਦੋ ਮਾਈਕਰੋਫੋਨ ਨਾਲ ਲੈਸ ਹੈ। ਇਨ੍ਹਾਂ ਵਿੱਚੋਂ ਬਹੁਤ ਸਾਰੇ ਕੈਮਰੇ ਸਵਿੱਚ ਕੀਤੇ ਗਏ ਸਨ ਜਦੋਂ ਰੋਵਰ ਮੰਗਲ ‘ਤੇ ਉਤਰਿਆ, ਰੋਵਰ ਦੇ ਉਤਰਨ ਤੋਂ 2 ਮੀਟਰ ਪਹਿਲਾਂ ਜ਼ਮੀਨ ਦੀਆਂ ਕਈ ਫੋਟੋਆਂ ਖਿੱਚੀਆਂ ਸਨ ਤਾਂ ਜੋ ਇਹ ਆਪਣੀ ਲੈਂਡਿੰਗ ਲਈ ਸਹੀ ਥਾਂ ਦੀ ਚੋਣ ਕਰ ਸਕੇ ।
An open horizon, with so much to explore. Can’t wait to get going. #CountdownToMars pic.twitter.com/hAaxeVGs04
— NASA's Perseverance Mars Rover (@NASAPersevere) February 19, 2021
ਰੋਵਰ ਨੇ ਲੈਂਡ ਕਰਨ ਤੋਂ ਪਹਿਲਾਂ ਜ਼ਰੂਰੀ ਅੰਤਮ ਮਿੰਟਾਂ ਦੌਰਾਨ ਅਨੇਕਾਂ ਤਸਵੀਰਾਂ ਖਿੱਚੀਆਂ, ਜਿਸ ਨੂੰ ‘ਟੇਰਰ ਦੇ ਸੱਤ ਮਿੰਟ’ ਵੀ ਕਿਹਾ ਜਾਂਦਾ ਹੈ। ਇਸ ਸਮੇਂ ਇਸ ਦੀ ਗਤੀ 12,000 ਮੀਲ ਪ੍ਰਤੀ ਘੰਟਾ ਸੀ। ਪਰਸੀਵਰੇਂਸ ਰੋਵਰ ਆਖਰੀ 7 ਮਿੰਟ ਵਿੱਚ 12 ਹਜ਼ਾਰ ਮੀਲ ਪ੍ਰਤੀ ਘੰਟੇ ਦੀ ਰਫਤਾਰ ਤੋਂ 0 ਦੀ ਗਤੀ ਤੱਕ ਪਹੁੰਚਿਆ। ਜਿਸ ਤੋਂ ਬਾਅਦ ਇਸਨੇ ਸਫਲਤਾਪੂਰਵਕ ਲੈਂਡਿੰਗ ਕੀਤੀ। ਇਹ ਮਿਸ਼ਨ ਦਾ ਸਭ ਤੋਂ ਜਟਿਲ ਅਤੇ ਔਖਾ ਹਿੱਸਾ ਸੀ।
Every picture tells a story. This one captures me in midair, floating over Mars while hanging from my parachute during the final #CountdownToMars.
Latest update and images: https://t.co/fnnEOOMWsV pic.twitter.com/39aGp963a3
— NASA's Perseverance Mars Rover (@NASAPersevere) February 19, 2021
ਪ੍ਰੋਜੈਕਟ ਦੇ ਚੀਫ ਇੰਜੀਨੀਅਰ ਐਡਮ ਸਟੈਲਟਜਨੇਰ ਨੇ ਤਸਵੀਰਾਂ ਨੂੰ ਆਈਕੋਨਿਕ ਦੱਸਦੇ ਹੋਏ 1969 ‘ਚ ਅਪੋਲੋ 11 ਦੀ ਤਸਵੀਰ ਨਾਲ ਤੁਲਨਾ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ‘ਚ ਰੋਵਰ ਮੰਗਲ ਦੀ ਸਤਹ ਤੋਂ ਸੱਤ ਮੀਟਰ ਦੀ ਦੂਰੀ ‘ਤੇ ਹੈ। ਨਾਸਾ ਨੇ ਅਗਲੇ ਦਿਨਾਂ ‘ਚ ਹੋਰ ਫੋਟੋਆਂ ਅਤੇ ਸੰਭਾਵਤ ਆਡੀਓ ਰਿਕਾਰਡਿੰਗ ਜਾਰੀ ਕਰਨ ਦੀ ਗੱਲ ਆਖੀ ਹੈ।
Busy, busy. What I’ve been up to since landing, you ask? Well, quite a bit. On Feb. 22 at 11am PT (2pm ET/1900 GMT, hear my team back on Earth discuss the data I’ve sent them so far and what I’ll be doing these upcoming days. https://t.co/gx7ChsBy7k #CountdownToMars pic.twitter.com/aXnrmwM0Il
— NASA's Perseverance Mars Rover (@NASAPersevere) February 20, 2021
ਲੈਂਡਿੰਗ ਤੋਂ ਬਾਅਦ ਰੋਵਰ ਉੱਥੇ ਕੀ ਕਰ ਰਿਹਾ ਹੈ,ਆਉਣ ਵਾਲੇ ਦਿਨਾਂ ਵਿਚ ਕੀ ਕਰੇਗਾ, ਇਸ ਬਾਰੇ ਇੱਕ ਪ੍ਰੋਗਰਾਮ 22 ਫਰਵਰੀ ਨੂੰ ਸਵੇਰੇ 11 ਵਜੇ ਪੀ.ਟੀ. (ਦੁਪਹਿਰ 2 ਵਜੇ ਈ.ਟੀ. / 1900 ਜੀ.ਐੱਮ.ਟੀ.) ਵਜੇ ਪ੍ਰਸਾਰਿਤ ਕੀਤਾ ਜਾਵੇਗਾ, ਜਿਸ ਦਾ ਲਿੰਕ ਵੀ ਸ਼ੇਅਰ ਕੀਤਾ ਗਿਆ ਹੈ ।
ਫਿਲਹਾਲ ਪੁਲਾੜ ਵਿਗਿਆਨ ਵਿੱਚ ਰੂਚੀ ਰੱਖਣ ਵਾਲਿਆਂ ਦੇ ਨਾਲ ਨਾਲ ਵਿਦਿਆਰਥੀ ਵਰਗ ਮੰਗਲ ਗ੍ਰਹਿ ‘ਤੇ ਰੋਵਰ ਅਤੇ ਹੈਲੀਕਾਪਟਰ ਵਲੋਂ ਭੇਜੀਆਂ ਜਾਣ ਵਾਲੀਆਂ ਤਸਵੀਰਾਂ ਅਤੇ ਜਾਣਕਾਰੀਆਂ ‘ਤੇ ਨਜ਼ਰ ਬਣਾਏ ਹੋਏ ਨੇ।
