ਕੈਨੇਡਾ ਵਿੱਚ ਕੋਰੋਨਾ ਨਾਲ ਪੀੜਤਾਂ ਦੀ ਗਿਣਤੀ ਲਗਾਤਾਰ ਵਧਦੀ ਜਾ ਰਹੀ ਹੈ। ਹੁਣ ਕੈਨੇਡਾ ਵੀ ਉਹਨਾਂ ਦੇਸ਼ਾਂ ਵਿਚ ਸ਼ਾਮਲ ਹੋ ਚੁੱਕਾ ਹੈ ਜਿੱਥੇ ਕੋਰੋਨਾ ਕਾਰਨ 10 ਹਜ਼ਾਰ ਲੋਕਾਂ ਦੀ ਜਾਨ ਚਲੀ ਗਈ। ਜੋਨਜ਼ ਹੌਪਕਿਨਜ਼ ਯੂਨੀਵਰਸਿਟੀ ਦੁਆਰਾ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ ਕੈਨੈਡਾ ਵੀ ਉਹਨਾਂ ਕੁੱਝ ਦੇਸ਼ਾਂ ਵਿੱਚ ਸ਼ਾਮਲ ਹੋ ਗਿਆ ਹੈ, ਜਿੱਥੇ ਕੋਰੋਨਾ ਦਾ ਭਿਆਨਕ ਅਸਰ ਵੇਖਣ ਨੂੰ ਮਿਲਿਆ।
ਕੈਨੇਡਾ ਦੇ ਕਈ ਸੂਬਿਆਂ ਵਿੱਚ ਕੋਰੋਨਾ ਦਾ ਪ੍ਰਭਾਵ ਲਗਾਤਾਰ ਵਧਦਾ ਜਾ ਰਿਹਾ ਹੈ,ਜਿਸਨੇ ਦੇਸ਼ ਦੇ ਕਈ ਹਿੱਸਿਆਂ ਵਿੱਚ ਨਵੇਂ ਕੇਸਾਂ ਦੇ ਰਿਕਾਰਡ ਨੂੰ ਚੂਰ-ਚੂਰ ਕਰ ਦਿੱਤਾ ਹੈ। ਵਿਸ਼ੇਸ਼ ਤੌਰ ‘ਤੇ ਉਂਟਾਰੀਓ ਨੇ ਐਤਵਾਰ ਨੂੰ ਪਹਿਲੀ ਵਾਰ ਇਕ ਹਜ਼ਾਰ ਤੋਂ ਵੱਧ ਨਵੇਂ ਕੇਸ ਜੋੜਨ ਤੋਂ ਬਾਅਦ ਸਪਤਾਹ ਦੇ ਅਖੀਰ ਵਿਚ ਰਿਕਾਰਡ ਤੋੜ ਕੇਸਾਂ ਵਿਚ ਵਾਧਾ ਦਰਜ ਕੀਤਾ ਅਤੇ ਸ਼ਨੀਵਾਰ ਨੂੰ 978 ਕੇਜ ਦਰਜ ਕੀਤੇ ਗਏ ।
ਬੀਤੇ ਦੋ ਹਫਤਿਆਂ ਵਿੱਚ, ਬ੍ਰਿਟਿਸ਼ ਕੋਲੰਬੀਆ, ਅਲਬਰਟਾ, ਸਸਕੈਚੇਵਨ ਅਤੇ ਮੈਨੀਟੋਬਾ ਵਿੱਚ ਰੋਜ਼ਾਨਾ ਰਿਪੋਰਟ ਕੀਤੇ ਕੇਸਾਂ ਦੇ ਰਿਕਾਰਡ ਵੀ ਟੁੱਟ ਗਏ ਹਨ। ਕਨੇਡਾ ਦੀ ਮੁੱਖ ਜਨ ਸਿਹਤ ਅਧਿਕਾਰੀ ਡਾ. ਥੇਰੇਸਾ ਟਾਮ ਨੇ ਉਦੋਂ ਤੋਂ ਚੇਤਾਵਨੀ ਦਿੱਤੀ ਹੈ ਕਿ ਨਵੇਂ ਮਾਮਲਿਆਂ ਵਿੱਚ ਤੇਜ਼ੀ ਆਉਣ ਕਾਰਨ ਆਉਣ ਵਾਲੇ ਹਫ਼ਤਿਆਂ ਵਿੱਚ ਗੰਭੀਰ ਵਾਇਰਸ ਨਾਲ ਸਬੰਧਤ ਹਸਪਤਾਲਾਂ ਵਿੱਚ ਦਾਖਲ ਹੋਣ ਅਤੇ ਮੌਤਾਂ ਦੀ ਗਿਣਤੀ ਹੋਰ ਵੀ ਵੱਧ ਸਕਦੀ ਹੈ। ਟਾਮ ਨੇ ਇਕ ਬਿਆਨ ਵਿਚ ਲਿਖਿਆ, “ਜਿਵੇਂ ਹਸਪਤਾਲ ਵਿਚ ਦਾਖਲ ਹੋਣ ਅਤੇ ਮੌਤਾਂ ਇਕ ਤੋਂ ਕਈ ਹਫਤਿਆਂ ਵਿਚ ਵੱਧ ਰਹੀਆਂ ਬੀਮਾਰੀਆਂ ਦੀਆਂ ਕਿਰਿਆਵਾਂ ਤੋਂ ਪਛੜ ਜਾਂਦੀਆਂ ਹਨ, ਚਿੰਤਾ ਇਹ ਹੈ ਕਿ ਸਾਨੂੰ ਅਜੇ ਵੀ ਕੋਵਿਡ-19 ਬਿਮਾਰੀ ਦੀਆਂ ਗਤੀਵਿਧੀਆਂ ਵਿਚ ਚੱਲ ਰਹੇ ਵਾਧੇ ਨਾਲ ਜੁੜੇ ਗੰਭੀਰ ਪ੍ਰਭਾਵਾਂ ਦੀ ਹੱਦ ਵੇਖਣੀ ਹੋਵੇਗੀ, ਕਿਉਂਕਿ ਲੋਕ ਕੋਰੋਨਾ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਹੇ ਅਤੇ ਉਹ ਲਗਾਤਾਰ ਲਾਪਰਵਾਹੀ ਵਰਤਦੇ ਆ ਰਹੇ ਹਨ। ਸਰਕਾਰੀ ਹਦਾਇਤਾਂ ਦੀ ਪਾਲਣਾ ਨਾ ਕੀਤੇ ਜਾਣ ਕਾਰਨ ਹੀ ਕੋਰੋਨਾ ਦੇ ਮਾਮਲੇ ਲਗਾਤਾਰ ਵਧਦੇ ਜਾ ਰਹੇ ਨੇ । ਡਾਕਟਰ ਟਾਮ ਨੇ ਇਕ ਵਾਰ ਮੁੜ ਤੋਂ ਅਪੀਲ ਕੀਤੀ ਕਿ ਹਰ ਨਾਗਰਿਕ ਮਾਸਕ ਦੀ ਵਰਤੋਂ ਕਰੇ, ਸਮਾਜਿਕ ਦੂਰੀ ਬਣਾਈ ਰੱਖੇ, ਸਮੇਂ ਸਮੇਂ ਤੇ ਹੱਥ ਸਾਬਣ ਲਾ ਧੋਤੇ ਜਾਣ।