ਟੋਰਾਂਟੋ : ਕੈਨੇਡਾ ਦੇ ਕੋਰੋਨਾ ਪ੍ਰਭਾਵਿਤ ਸੂਬਿਆਂ ਵਿੱਚ ਵੈਕਸੀਨੇਸ਼ਨ ਦਾ ਕੰਮ ਤੇਜ਼ੀ ਨਾਲ ਅੱਗੇ ਵਧਾਇਆ ਜਾ ਰਿਹਾ ਹੈ। ਵੱਖ ਵੱਖ ਕੰਪਨੀਆਂ ਦੀ ਵੈਕਸੀਨ ਦੀ ਸਪਲਾਈ ਸੁਚਾਰੂ ਹੋਣ ਤੋਂ ਬਾਅਦ ਸੀਨੀਅਰ ਸਿਟੀਜਨ ਨੂੰ ਵੈਕਸੀਨ ਦੇਣ ਲਈ ਸਮਾਂ ਅਤੇ ਦਿਨ ਤੈਅ ਕਰ ਦਿੱਤੇ ਗਏ ਹਨ। ਓਂਟਾਰੀਓ ਵਿਚ 75 ਸਾਲ ਉਮਰ ਵਾਲੇ ਨਾਗਰਿਕ ਸੋਮਵਾਰ ਤੋਂ ਕੋਰੋਨਾ ਵੈਕਸੀਨ ਦੀ ਬੁਕਿੰਗ ਕਰਵਾ ਸਕਣਗੇ ਜਿਨ੍ਹਾਂ ਨੂੰ ਸੂਬਾ ਸਰਕਾਰ ਵੱਲੋਂ ਸਥਾਪਤ ਵੈਕਸੀਨੇਸ਼ਨ ਕਲੀਨਿਕ ਵਿਚ ਟੀਕੇ ਲਾਏ ਜਾਣਗੇ। ਦੂਜੇ ਪਾਸੇ 60 ਸਾਲ ਜਾਂ ਇਸ ਤੋਂ ਵੱਧ ਉਮਰ ਵਾਲੇ ਫ਼ਾਰਮੇਸੀ ਵਿਚ ਬੁਕਿੰਗ ਕਰਵਾ ਕੇ ਟੀਕਾ ਲਵਾ ਸਕਦੇ ਹਨ।
Beginning March 22, Ontario will begin offering the @AstraZeneca vaccine to people over 60 at participating pharmacies & primary care settings.
We will have approximately 700 pharmacies participating in the next two weeks.
Find a pharmacy near you: https://t.co/rStOkzh2Be pic.twitter.com/mo6Lb72a9U
— Doug Ford (@fordnation) March 20, 2021
ਪ੍ਰੀਮੀਅਰ ਡਗ ਫ਼ੋਰਡ ਅਤੇ ਸਿਹਤ ਮੰਤਰੀ ਕ੍ਰਿਸਟੀਨ ਇਲੀਅਟ ਵੱਲੋਂ ਸਾਂਝੀ ਕੀਤੀ ਜਾਣਕਾਰੀ ਵਿੱਚ ਇਹ ਐਲਾਨ ਕੀਤਾ ਗਿਆ ਹੈ।
Starting March 22, Ontarians aged 75+ will be able to book vaccination appointments online at https://t.co/pxlgLpkLxR or call the Provincial Vaccine Information Line at 1-888-999-6488. Please only access the booking tool or call for support if you're eligible for an appointment. pic.twitter.com/RvKxRlLLNF
— Christine Elliott (@celliottability) March 20, 2021
ਉਨ੍ਹਾਂ ਦੱਸਿਆ ਕਿ 2021 ਵਿਚ 75 ਸਾਲ ਦੇ ਹੋਣ ਵਾਲੇ ਜਾਂ ਇਸ ਵੱਧ ਉਮਰ ਵਾਲਿਆਂ ਨੂੰ ਸੂਬਾ ਸਰਕਾਰ ਦੀ ਵੈਬਸਾਈਟ ਜਾਂ ਵੈਕਸੀਨ ਇਨਫ਼ਰਮੇਸ਼ਨ ਲਾਈਨ ਨੰਬਰ 1-888-999-6488 ’ਤੇ ਕਾਲ ਕਰ ਕੇ ਬੁਕਿੰਗ ਕਰਵਾਉਣ ਦੀ ਸਹੂਲਤ ਦਿਤੀ ਗਈ ਹੈ।
ਦੱਸਣਯੋਗ ਹੈ ਕਿ ਕੈਨੇਡਾ ਵਲੋਂ ਚਾਰ ਕੰਪਨੀਆਂ ਦੀ ਵੈਕਸੀਨ ਨੂੰ ਫੈਡਰਲ ਸਰਕਾਰ ਨੇ ਇਸਤੇਮਾਲ ਲਈ ਮੰਨਜ਼ੂਰੀ ਦਿੱਤੀ ਹੈ। ਇਹਨਾਂ ਕੰਪਨੀਆਂ ਵਿੱਚ ਫਾਇਜ਼ਰ, ਮੋਡੇਰਨਾ, ਐਸਟ੍ਰਾਜ਼ੇਨੇਕਾ ਅਤੇ ਜਾਨਸਨ ਐਂਡ ਜਾਨਸਨ ਦੀ ਸਿੰਗਲ ਡੋਜ਼ ਵੈਕਸੀਨ। ਸ਼ਨੀਵਾਰ ਤੱਕ ਕੈਨੇਡਾ ਵਿੱਚ 38,62,685 ਲੋਕਾਂ ਨੂੰ ਵੈਕਸੀਨ ਦੀ ਇੱਕ ਖ਼ੁਰਾਕ ਦਿੱਤੀ ਜਾ ਚੁੱਕੀ ਹੈ।