ਟੋਰਾਂਟੋ : 2022 ਦੀਆਂ ਚੋਣਾਂ ਨੂੰ ਲੈ ਕੇ ਓਂਟਾਰੀਓ ਸਰਕਾਰ ਨੇ ਕੁਝ ਤਬਦੀਲੀਆਂ ਦੀ ਤਜਵੀਜ਼ ਕੀਤੀ ਹੈ।ਓਂਟਾਰੀਓ ਦੇ ਪ੍ਰੀਮੀਅਰ ਡਗ ਫੋਰਡ ਦੀ ਅਗਵਾਈ ਵਾਲੀ ਪ੍ਰੋਗਰੈਸਿਵ ਕੰਜ਼ਰਵੇਟਿਵ ਸਰਕਾਰ ਵੱਲੋਂ ਵੀਰਵਾਰ ਨੂੰ ਇਲੈਕਸ਼ਨ ਲਾਅ ਵਿੱਚ ਤਬਦੀਲੀਆਂ ਕਰਨ ਦਾ ਮਤਾ ਪੇਸ਼ ਕੀਤਾ ਗਿਆ। ਇਸ ਵਿੱਚ ਤੀਜੀ ਪਾਰਟੀ ਵੱਲੋਂ ਕੀਤੀ ਜਾਣ ਵਾਲੀ ਇਸ਼ਤਿਹਾਰਬਾਜੀ ਨੂੰ ਸੀਮਤ ਕਰਨ ਤੇ ਵੋਟਰਾਂ ਦੀ ਸ਼ਮੂਲੀਅਤ ਨੂੰ ਹੱਲਾਸ਼ੇਰੀ ਦੇਣ ਦੀ ਤਜਵੀਜ਼ ਹੈ।
ਅਟਾਰਨੀ ਜਨਰਲ ਡੱਗ ਡਾਊਨੀ ਨੇ ਇਲੈਕਸ਼ਨ ਲਾਅ ਸੁਧਾਰਾਂ ਸਬੰਧੀ ਇੱਕ ਪੈਕੇਜ ਪੇਸ਼ ਕੀਤਾ, ਜੇ ਇਹ ਪਾਸ ਹੋ ਜਾਂਦਾ ਹੈ ਤਾਂ ਇਹ 2022 ਵਿੱਚ ਹੋਣ ਵਾਲੀਆਂ ਅਗਲੀਆਂ ਪ੍ਰੋਵਿੰਸ਼ੀਅਲ ਚੋਣਾਂ ਤੋਂ ਪਹਿਲਾਂ ਪ੍ਰਭਾਵੀ ਹੋ ਜਾਵੇਗਾ।
We are proposing responsible changes to protect Ontarians’ essential voice in the electoral process and ensure it is equipped for urgent challenges including COVID-19. Learn more: https://t.co/zqDgJ4kO7X pic.twitter.com/FVDPKg3T0r
— Doug Downey (@douglasdowney) February 25, 2021
ਡਾਊਨੀ ਨੇ ਆਖਿਆ ਕਿ ਇਨ੍ਹਾਂ ਤਬਦੀਲੀਆਂ ਵਿੱਚ ਇੱਕ ਤੀਜੀ ਪਾਰਟੀ ਐਡਵਰਟਾਈਜ਼ਰਜ਼ ਲਈ ਖਰਚੇ ਦੀ ਹੱਦ ਵਧਾ ਕੇ 600,000 ਡਾਲਰ ਕੀਤੇ ਜਾਣ ਦਾ ਪ੍ਰਸਤਾਵ ਹੈ। ਉਨ੍ਹਾਂ ਆਖਿਆ ਕਿ ਓਂਟਾਰੀਓ ਹੀ ਅਜਿਹੀ ਥਾਂ ਹੈ ਜਿੱਥੇ ਅਸੀਂ ਤੀਜੀ ਧਿਰ ਨੂੰ ਹਜ਼ਾਰਾਂ ਦੀ ਥਾਂ ਮਿਲੀਅਨਜ਼ ਵਿੱਚ ਗਿਣਿਆ ਜਾਦਾ ਹੈ।
ਡਾਊਨੀ ਨੇ ਆਖਿਆ ਕਿ ਇਹ ਤਬਦੀਲੀ ਅਜਿਹੇ ਗਰੁੱਪਾਂ ਨੂੰ ਚੋਣਾਂ ਵਿੱਚ ਹਿੱਸਾ ਲੈਣ ਤੋਂ ਰੋਕਣ ਲਈ ਨਹੀਂ ਹੈ ਪਰ ਇਹ ਰਿੱਟ ਪੀਰੀਅਡ ਤੋਂ ਪਹਿਲਾਂ ਖਰਚੇ ਉੱਤੇ ਰੋਕ ਲਾਵੇਗੀ। ਇਸ ਕਾਨੂੰਨ ਵਿੱਚ ਇਹ ਪ੍ਰਸਤਾਵ ਵੀ ਹੈ ਕਿ ਇਨ੍ਹਾਂ ਤੀਜੀਆਂ ਧਿਰਾਂ ਤੇ ਸਿਆਸੀ ਪਾਰਟੀਆਂ ਦਰਮਿਆਨ ਗੰਢ ਤੁੱਪ ਨੂੰ ਵੀ ਸੀਮਤ ਕੀਤੇ ਜਾਣ ਦੀ ਲੋੜ ਹੈ। ਉਨ੍ਹਾਂ ਆਖਿਆ ਕਿ ਸਾਨੂੰ ਪਾਰਦਰਸ਼ਤਾ ਤੇ ਜਾਇਜ਼ ਕੰਮ ਚਾਹੀਦਾ ਹੈ। ਜਿਹੜੀ ਰਕਮ ਕੋਈ ਵਿਅਕਤੀ ਪਾਰਟੀ, ਉਮੀਦਵਾਰ ਜਾਂ ਹਲਕਾ ਐਸੋਸਿਏਸ਼ਨ ਨੂੰ ਡੋਨੇਟ ਕਰਦੇ ਹਨ ਉਸ ਵਿੱਚ ਵੀ 1650 ਡਾਲਰ ਤੋਂ ਵਧਾ ਕੇ 3,300 ਡਾਲਰ ਸਾਲਾਨਾ ਕੀਤੇ ਜਾਣ ਦਾ ਸੁਝਾਅ ਹੈ। ਬਿੱਲ ਵਿੱਚ ਐਡਵਾਂਸ ਪੋਲਿੰਗ ਦਿਨ ਪੰਜ ਤੋਂ 10 ਕਰਨ ਦਾ ਵੀ ਸੁਝਾਅ ਦਿੱਤਾ ਗਿਆ ਹੈ।
