ਐਤਵਾਰ ਦਾ ਦਿਨ ਐਡਮੰਟਨ ਦੇ ਇੱਕ ਰੈਸਟੋਰੈਂਟ ਦੇ ਮਾਲਕ ਲਈ ਖਾਸਾ ਭਿਆਨਕ ਰਿਹਾ। ਐਡਮੰਟਨ ਦੇ ਇਸ ਰੈਸਟੋਰੈਂਟ ਨੂੰ ਐਤਵਾਰ ਸਵੇਰੇ ਅੱਗ ਲੱਗਣ ਕਾਰਨ ਭਾਰੀ ਨੁਕਸਾਨ ਪਹੁੰਚਿਆ। 109 ਸਟ੍ਰੀਟ ‘ਤੇ ‘ਵਾਏ ਨਾਟ ਕੈਫੇ ਐਂਡ ਬਾਰ’ ਦੀਆਂ ਤਸਵੀਰਾਂ ਤੋਂ ਹੀ ਅੰਦਾਜ਼ਾ ਲੱਗ ਜਾਂਦਾ ਹੈ ਕਿ ਅੱਗ ਕਿੰਨੀ ਭਿਆਨਕ ਲੱਗੀ ਹੋਵੇਗੀ ।
ਰੈਸਟੋਰੈਂਟ ਦੇ ਮਾਲਕ ਨੇ ਇੰਸਟਾਗ੍ਰਾਮ’ ਤੇ ਹੋਏ ਨੁਕਸਾਨ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ । “ਅੱਜ ਸਵੇਰੇ ਜਾਗਿਆ ਤਾਂ ਪਤਾ ਲਗਾ ਕਿ ਮੇਰੇ ਰੈਸਟੋਰੈਂਟ ਨੂੰ ਅੱਗ ਲੱਗ ਗਈ ਹੈ’ ਸ਼ੈੱਫ ਲੇਵੀ ਬਿਡਕਾੱਮਬੇ ਨੇ ਕਿਹਾ।
https://www.instagram.com/p/CIeNIuRg4ts/?igshid=14drks0w4y50j
ਲੇਵੀ ਨੇ ਕਿਹਾ ਕਿ ‘ਅੱਜ ਸਾਡੇ ਰੈਸਟੋਰੈਂਟ ਖੋਲ੍ਹਣ ਦੀ ਤੀਜੀ ਵਰ੍ਹੇਗੰਢ ਸੀ । ਮੈਂ ਇਸ ਦੀਆਂ ਤਿਆਰੀਆਂ ਵਿਚ ਸੀ ਕਿ ਰਾਤ ਸਮੇਂ ਇਹ ਹਾਦਸਾ ਵਾਪਰ ਗਿਆ । ਉਸ ਨੇ ਕਿਹਾ ਕਿ ਮੈਂ ਜਲਦੀ ਹੀ ਫੈਸਲਾ ਕਰਾਂਗਾ ਕਿ ਅੱਗੇ ਮੈਂ ਕੀ ਕਰਨਾ ਹੈ।
ਐਡਮੰਟਨ ਫਾਇਰ ਸਰਵਿਸਿਜ਼ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸਵੇਰੇ 7 ਵਜੇ ਤੋਂ ਪਹਿਲਾਂ 109 ਸਟ੍ਰੀਟ ਅਤੇ 85 ਐਵੀਨਿਊ ਵਿਖੇ ਬੁਲਾਇਆ ਗਿਆ ਸੀ । ਜਦੋਂ ਅਸੀਂ ਉਥੇ ਪਹੁੰਚੇ ਤਾਂ ਰੈਸਟੋਰੈਂਟ ਦੀ ਛੱਤ ਤੋਂ ਅੱਗ ਦੀਆਂ ਲਪਟਾਂ ਆ ਰਹੀਆਂ ਸਨ। ਸਵੇਰੇ 8:37 ਵਜੇ ਲੱਗੀ ਅੱਗ ਨੂੰ ਕਾਬੂ ਹੇਠ ਕਰਾਰ ਦਿੱਤਾ ਗਿਆ। ਇਸ ਹਾਦਸੇ ਵਿੱਚ ਕੋਈ ਜ਼ਖਮੀ ਨਹੀਂ ਹੋਇਆ ।
ਰੈਸਟੋਰੈਂਟ ਨੂੰ ਅੱਗੇ ਕਿਵੇਂ ਲਗੀ, ਇਸ ਬਾਰੇ ਫਿਲਹਾਲ ਪੜਾ ਨਹੀਂ ਚਲ ਸਕਿਆ ਹੈ। ਉਧਰ ਪੁਲਿਸ ਦੀ ਟੀਮ ਵੱਲੋਂ ਮਾਮਲੇ ਦੀ ਜਾਂਚ ਕਰਨ ਤੋਂ ਬਾਅਦ ਹੀ ਕਾਰਨਾਂ ਦਾ ਪਤਾ ਚੱਲ ਸਕੇਗਾ ।
