ਵੈਨਕੂਵਰ : ਉੱਤਰੀ ਵੈਨਕੂਵਰ ਵਿਚ ਹੋਈ ਛੁਰੇਬਾਜ਼ੀ ਦੀ ਘਟਨਾ ਵਿਚ ਇਕ ਮਹਿਲਾ ਦੀ ਮੌਤ ਹੋ ਗਈ ਹੈ ਅਤੇ ਅੱਧਾ ਦਰਜਨ ਦੇ ਕਰੀਬ ਵਿਅਕਤੀ ਜ਼ਖਮੀ ਹੋਏ ਹਨ । ਪੁਲਿਸ ਸੂਤਰਾਂ ਮੁਤਾਬਕ ਜਨਤਕ ਲਾਇਬ੍ਰੇਰੀ ਵਿਚ ਅਤੇ ਆਸ ਪਾਸ ਦੇ ਇਲਾਕੇ ਵਿੱਚ ਇੱਕ ਸ਼ੱਕੀ ਨੇ ਕਈ ਲੋਕਾਂ ਨੂੰ ਚਾਕੂ ਮਾਰਿਆ।
ਉੱਤਰੀ ਵੈਨਕੂਵਰ ਆਰਸੀਐਮਪੀ ਨੇ ਕਿਹਾ ਕਿ ਸ਼ਨੀਵਾਰ ਨੂੰ ਦੁਪਹਿਰ 2 ਵਜੇ ਪੀਟੀਆਈ ਨੂੰ ਲਿਨ ਵੈਲੀ ਬ੍ਰਾਂਚ ਦੇ ਨੇੜੇ, 1277 ਲਿੰਕ ਵੈਲੀ ਰੋਡ, ਜੋ ਕਿ ਇੱਕ ਸਥਾਨਕ ਖਰੀਦਦਾਰੀ ਕੇਂਦਰ ਦਾ ਹਿੱਸਾ ਹੈ, ਤੋਂ ਇੱਕ ਸ਼ੱਕੀ ਵਿਅਕਤੀ ਨੂੰ ਹਿਰਾਸਤ ਵਿੱਚ ਲਿਆ ਹੈ।
ਬੀ ਸੀ ਐਮਰਜੈਂਸੀ ਸਿਹਤ ਸੇਵਾਵਾਂ ਦੀ ਐਮੀ ਰੌਬਰਟਸਨ ਨੇ ਕਿਹਾ ਕਿ ਛੇ ਮਰੀਜ਼ਾਂ ਨੂੰ ਹਸਪਤਾਲ ਲਿਜਾਇਆ ਗਿਆ। ਉਸਨੇ ਦੱਸਿਆ ਕਿ ਘਟਨਾ ਵਾਲੀ ਥਾਂ ਤੇ 11 ਐਂਬੂਲੈਂਸਾਂ ਅਤੇ ਦੋ ਨਿਰੀਖਣ ਵਾਹਨ ਤਾਇਨਾਤ ਕੀਤੇ ਗਏ ਹਨ। ਰੌਬਰਟਸਨ ਮਰੀਜ਼ਾਂ ਦੀ ਸਥਿਤੀ ਬਾਰੇ ਜ਼ਿਆਦਾ ਵੇਰਵਾ ਜਾਰੀ ਨਹੀਂ ਕਰ ਸਕੀ।
ਪੁਲਿਸ ਨੇ ਇੱਕ ਟਵੀਟ ਵਿੱਚ ਕਿਹਾ ਕਿ ਅਜਿਹਾ ਲਗਦਾ ਹੈ ਕਿ ਸਿਰਫ ਇੱਕ ਹੀ ਸ਼ੱਕੀ ਵਿਅਕਤੀ ਹੈ,ਇਸਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਫਿਲਹਾਲ ਖ਼ਤਰਾ ਨਹੀਂ ਹੈ, ਪਰ ਕਿਹਾ ਕਿ ਉਹ ਅਜੇ ਵੀ ਸੰਭਾਵਿਤ ਵਾਧੂ ਪੀੜਤਾਂ ਦੀ ਭਾਲ ਕਰ ਰਹੇ ਹਨ।
#ALERT: informing the public of multiple victims stabbed within & outside #LynnValley Library. One suspect in custody. Appears this was a lone suspect. No ongoing threat to public. We are still looking for potential additional victims. Any witnesses please call us at 604-985-1311
— North Vancouver RCMP (@nvanrcmp) March 27, 2021
ਅਧਿਕਾਰੀ ਇਸ ਘਟਨਾ ਦੇ ਗਵਾਹਾਂ ਦੀ ਵੀ ਭਾਲ ਕਰ ਰਹੇ ਹਨ, ਜਿਨ੍ਹਾਂ ਨੂੰ 604-985-1311 ‘ਤੇ ਕਾਲ ਕਰਨ ਲਈ ਅਪੀਲ ਕੀਤੀ ਗਈ ਹੈ। ਆਰਸੀਐਮਪੀ ਦੇ ਹੋਮਿਸਾਈਡ ਯੂਨਿਟ ਨੇ ਕਿਹਾ ਕਿ ਉਹ ਇਸ ਕੇਸ ਵਿਚ ਸ਼ਾਮਲ ਹੈ ਅਤੇ ਛੇਤੀ ਹੀ ਇਸ ਕੇਸ ਬਾਰੇ ਬਿਉਰੇ ਸਾਂਝੇ ਕੀਤੇ ਜਾਣਗੇ।
