ਗ੍ਰੀਨਵਿਲੇ : ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਚੀਨ ਨੂੰ ਠੋਕਵਾਂ ਜਵਾਬ ਦਿੱਤੇ ਜਾਣ ਤੋਂ ਬਾਅਦ ਅਮਰੀਕਾ ਦੇ ਰੱਖਿਆ ਮੰਤਰੀ ਨੇ ਵੀ ਚੀਨ ਨੂੰ ਖਰੀਆਂ ਖਰੀਆਂ ਸੁਣਾਈਆਂ ਹਨ ।
ਅਮਰੀਕਾ ਦੇ ਰੱਖਿਆ ਮੰਤਰੀ ਮਾਰਕ ਐਸਪਰ ਨੇ ਚੀਨ ਤੇ ਰੂਸ ਦੋਵੇਂ ਹੀ ਦੇਸ਼ਾਂ ‘ਤੇ ਆਪਣੇ ਹਿੱਤਾਂ ਲਈ ਅੰਤਰਰਾਸ਼ਟਰੀ ਨਿਯਮਾਂ ਦੀ ਉਲੰਘਣਾ ਦਾ ਦੋਸ਼ ਲਗਾਇਆ ਹੈ। ਇਹ ਦੋਵੇਂ ਹੀ ਹੋਰ ਦੇਸ਼ਾਂ ਨਾਲ ਮਨਮਾਨੀ ਤੇ ਜ਼ਬਰਦਸਤੀ ਕਰ ਰਹੇ ਹਨ।
ਰੱਖਿਆ ਮੰਤਰੀ ਨੇ ਇਕ ਵੈਬੀਨਾਰ ‘ਚ ਕਿਹਾ ਕਿ ਪੀਪਲਜ਼ ਲਿਬਰੇਸ਼ਨ ਆਰਮੀ ਦੀਆਂ ਸਰਗਰਮੀਆਂ ਦੇ ਸਬੰਧ ‘ਚ ਚੌਕਸੀ ਵਰਤੀ ਜਾ ਰਹੀ ਹੈ ਤੇ ਫ਼ੌਜ ਦੀਆਂ ਸਾਰੀਆਂ ਸੇਵਾਵਾਂ ਇਸਦੇ ਲਈ ਤਿਆਰ ਹਨ। ਜਿੱਥੇ-ਜਿੱਥੇ ਸਾਡੀਆਂ ਫ਼ੌਜਾਂ ਤਾਇਨਾਤ ਹਨ, ਉੱਥੇ ਵੀ ਨਵੇਂ ਸਿਰੇ ਤੋਂ ਸਮੀਖਿਆ ਕੀਤੀ ਜਾ ਰਹੀ ਹੈ। ਸਾਨੂੰ ਆਪਣੀ ਤਾਕਤ ਬਣਾ ਕੇ ਰੱਖਣ ਲਈ ਸਮੇਂ ‘ਤੇ ਉਚਿਤ ਤੇ ਸਥਾਈ ਬਜਟ ਦੀ ਵੀ ਲੋੜ ਹੈ। ਨਵੀਂ ਚੁਣੌਤੀਆਂ, ਖਾਸ ਤੌਰ ‘ਤੇ ਚੀਨ ਦੀਆਂ ਸਰਗਰਮੀਆਂ ਨੂੰ ਦੇਖਦੇ ਹੋਏ ਇਸਦੀ ਤਤਕਾਲ ਲੋੜ ਹੈ। ਇਨ੍ਹਾਂ ਖ਼ਤਰਿਆਂ ਨੂੰ ਦੇਖਦੇ ਹੋਏ ਫ਼ੌਜ ਨੂੰ ਤਿੰਨ ਤੋਂ ਪੰਜ ਫੀਸਦੀ ਰੱਖਿਆ ਬਜਟ ‘ਚ ਵਾਧੇ ਦੀ ਲੋੜ ਹੈ।
Our ability to rapidly deploy our bombers anywhere, at any time, is sending a strong message of our commitment to allies and partners.
— Dr. Mark T. Esper (@EsperDoD) October 15, 2020
ਰੱਖਿਆ ਮੰਤਰੀ ਨੇ ਕਿਹਾ ਕਿ ਅਸੀਂ ਅਪ੍ਰਰੈਲ ਮਹੀਨੇ ‘ਚ ਹੀ ਏਅਰਫੋਰਸ ਦੀ ਬੰਬਾਰ ਸਮਰੱਥਾ ਵਧਾਉਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਇਹ ਸਾਰੇ ਚੀਨ ਦੀ ਸਮਰੱਥਾ ਵਧਾਉਣ ਦੀਆਂ ਕੋਸ਼ਿਸ਼ਾਂ ਨੂੰ ਦੇਖਦੇ ਹੋਏ ਜ਼ਰੂਰੀ ਹੈ। ਅਗਸਤ ਮਹੀਨੇ ‘ਚ ਛੇ ਬੀ-52 ਬੰਬਾਰ ਜਹਾਜ਼ ਤੇ ਹਵਾ ‘ਚ ਮਾਰ ਕਰਨ ਵਾਲੀ ਟੈਂਕ ਫ਼ੌਜ ਨੂੰ ਸਾਰੇ 30 ਨਾਟੋ ਦੇਸ਼ਾਂ ‘ਚ ਤਾਇਨਾਤ ਕੀਤਾ ਗਿਆ ਹੈ।