ਜਾਪਾਨ ਦੇ ਪ੍ਰਧਾਨ ਮੰਤਰੀ ਯੋਸ਼ੀਹਿਦੇ ਸੁਗਾ ਨੇ ਆਪਣੇ ਭਾਰਤ ਅਤੇ ਫਿਲੀਪੀਨਜ਼ ਦੀ ਯਾਤਰਾ ਨੂੰ ਰੱਦ ਕਰ ਦਿੱਤਾ ਹੈ। ਪਹਿਲਾਂ ਬ੍ਰਿਟਿਸ਼ ਪੀ.ਐੱਮ. ਬੋਰਿਸ ਜਾਨਸਨ ਨੇ ਭਾਰਤ ਦੌਰਾ ਕਰ ਦਿੱਤਾ ਸੀ ਅਤੇ ਹੁਣ ਜਾਪਾਨ ਦੇ ਪ੍ਰਧਾਨ ਮੰਤਰੀ ਯੋਸ਼ੀਹੀਦੇ ਸੁਗਾ ਦੇ ਵੀ ਭਾਰਤ ਦੌਰਾ ਰੱਦ ਕਰਨ ਦੀ ਖ਼ਬਰ ਹੈ।
ਜਾਪਾਨੀ ਮੀਡੀਆ ਦੇ ਹਵਾਲੇ ਨਾਲ ਖ਼ਬਰ ਹੈ ਕਿ ਜਾਪਾਨ ਦੇ ਪ੍ਰਧਾਨ ਮੰਤਰੀ ਨੇ ਭਾਰਤ ਵਿਚ ਕੋਰੋਨਾ ਦੀ ਦੂਜੀ ਲਹਿਰ ਦੇ ਪ੍ਰਭਾਵ ਨੂੰ ਦੇਖਦੇ ਹੋਏ ਇਹ ਦੌਰਾ ਰੱਦ ਕਰ ਦਿੱਤਾ ਹੈ। ਜਾਪਾਨੀ ਪ੍ਰਧਾਨ ਮੰਤਰੀ ਦਾ ਦੌਰਾ ਅਪ੍ਰਰੈਲ ਦੇ ਅੰਤ ਅਤੇ ਮਈ ਦੀ ਸ਼ੁਰੂਆਤ ‘ਚ ਹੋਣਾ ਸੀ। ਇਸ ਦੌਰੇ ‘ਚ ਜਾਪਾਨ ਅਤੇ ਭਾਰਤ ਵਿਚਾਲੇ ਆਪਸੀ ਸਹਿਯੋਗ ਖਾਸ ਤੌਰ ‘ਤੇ ਹਿੰਦ-ਪ੍ਰਸ਼ਾਂਤ ਖੇਤਰ ‘ਚ ਸੁਤੰਤਰ ਆਵਾਜਾਈ ਸਬੰਧੀ ਗੱਲਬਾਤ ਹੋਣੀ ਸੀ। ਜਾਪਾਨ ਦੀ ਸਾਢੇ 12 ਕਰੋੜ ਆਬਾਦੀ ਹੈ। ਇੱਥੇ ਸਾਢੇ ਪੰਜ ਲੱਖ ਲੋਕ ਇਨਫੈਕਟਿਡ ਹੋ ਚੁੱਕੇ ਹਨ। ਮੌਤਾਂ ਦਾ ਅੰਕੜਾ 10 ਹਜ਼ਾਰ ਨੇੜੇ ਪਹੁੰਚ ਚੁੱਕਾ ਹੈ।