ਓਟਾਵਾ : ਕੈਨੇਡਾ ਦੇ ਵੱਖ-ਵੱਖ ਸੂਬਿਆਂ ਵਿੱਚ ਜਾਰੀ ਵੈਕਸੀਨੇਸ਼ਨ, ਤਾਲਾਬੰਦੀ ਅਤੇ ਪਾਬੰਦੀਆਂ ਵਿਚਾਲੇ ਬੁੱਧਵਾਰ ਨੂੰ ਕੋਵਿਡ-19 ਦੇ 7,148 ਨਵੇਂ ਕੇਸ ਸਾਹਮਣੇ ਆਏ । ਸਿਹਤ ਵਿਭਾਗ ਦੀਆਂ ਤਮਾਮ ਕੋਸ਼ਿਸ਼ਾਂ ਦੇ ਬਾਵਜੂਦ ਸੂਬਿਆਂ ਵਿਚ ਨਾਗਰਿਕਾਂ ਨੂੰ ਵਾਇਰਸ ਦੇ ਨਵੇਂ ਅਤੇ ਵਧੇਰੇ ਪ੍ਰਸਾਰਿਤ ਰੂਪਾਂ ਅੱਗੇ ਹੁਣ ਵੀ ਸੰਘਰਸ਼ ਕਰਨਾ ਪੈ ਰਿਹਾ ਹੈ। ਬੁੱਧਵਾਰ ਦੇ ਮਾਮਲਿਆਂ ਤੋਂ ਬਾਅਦ ਦੇਸ਼ ਵਿਚ ਕੋਰੋਨਾ ਵਾਇਰਸ ਦੇ ਪ੍ਰਭਾਵਿਤਾਂ ਦੀ ਕੁੱਲ ਗਿਣਤੀ 1,028,047 ਤੱਕ ਪਹੁੰਚ ਗਈ ਹੈ। ਪਿਛਲੇ ਸੱਤ ਦਿਨਾਂ ਦੌਰਾਨ ਹੀ ਕੈਨੇਡਾ ਵਿੱਚ ਸਾਹ ਦੀ ਬਿਮਾਰੀ ਦੇ 40,000 ਤੋਂ ਵੱਧ ਨਵੇਂ ਮਾਮਲੇ ਸਾਹਮਣੇ ਆਏ ਹਨ।
ਸੂਬਾਈ ਸਿਹਤ ਅਧਿਕਾਰੀਆਂ ਨੇ ਬੁੱਧਵਾਰ ਨੂੰ ਕੋਵਿਡ-19 ਨਾਲ ਸਬੰਧਤ 32 ਨਵੀਂਆਂ ਮੌਤਾਂ ਦੀ ਵੀ ਜਾਣਕਾਰੀ ਦਿੱਤੀ।
ਬੁੱਧਵਾਰ ਤਕ, ਵਾਇਰਸ ਨੇ ਕੈਨੇਡਾ ਵਿੱਚ 23,173 ਲੋਕਾਂ ਦੀ ਜਾਨ ਲੈ ਲਈ ਹੈ।
ਬੁੱਧਵਾਰ ਨੂੰ ਟਵੀਟ ਦੀ ਲੜੀ ਵਿੱਚ, ਕੈਨੇਡਾ ਦੀ ਜਨ ਸਿਹਤ ਅਧਿਕਾਰੀ ਡਾਕਟਰ ਥੈਰੇਸਾ ਟਾਮ ਨੇ ਕਿਹਾ ਕਿ ਬਿਮਾਰੀ ਫੈਲਣ ਅਤੇ ਇਸ ਦੀ ਗੰਭੀਰਤਾ ‘ਤੇਜ਼’ ਹੈ।
1/3 #COVID19 key concerns in Canada: indicators of disease spread & severity are accelerating. Today’s #s compared to 2 weeks ago: avg. case counts (↑68%), active cases (↑66%), avg. # people in hospital (↑13%), avg. # in ICU (↑37%). https://t.co/8KLBorOL8f
— Dr. Theresa Tam (@CPHO_Canada) April 7, 2021
ਉਹਨਾਂ ਦੱਸਿਆ ਕਿ ਦੋ ਹਫ਼ਤੇ ਪਹਿਲਾਂ ਦੇ ਮੁਕਾਬਲੇ ਔਸਤਨ ਰੋਜ਼ਾਨਾ ਕੇਸਾਂ ਦੀ ਗਿਣਤੀ ਵਿੱਚ 68 ਪ੍ਰਤੀਸ਼ਤ ਤੱਕ ਦਾ ਵਾਧਾ ਹੋਇਆ ਹੈ ਅਤੇ ਹਸਪਤਾਲ ਵਿੱਚ ਦਾਖਲ ਲੋਕਾਂ ਦੀ ਔਸਤਨ ਗਿਣਤੀ 13% ਵਧੀ ਹੈ।
2/3 The average number of deaths daily, which had been slowly declining until a week ago, have increased by 13% over the past 7-days. These trends are discouraging, this leg of the #COVID19 marathon is difficult, but we must not waiver.
— Dr. Theresa Tam (@CPHO_Canada) April 7, 2021
ਬੁੱਧਵਾਰ ਤੱਕ, ਦੇਸ਼ ਭਰ ਵਿੱਚ ਕੁੱਲ 2,884 ਲੋਕ ਕੋਵਿਡ-19 ਨਾਲ ਹਸਪਤਾਲ ਵਿੱਚ ਦਾਖਲ ਹਨ।
ਟਾਮ ਅਨੁਸਾਰ, “ਰੋਜ਼ਾਨਾ ਔਸਤਨ ਮੌਤਾਂ ਦੀ ਗਿਣਤੀ, ਜੋ ਕਿ ਹਫ਼ਤੇ ਪਹਿਲਾਂ ਹੌਲੀ ਹੌਲੀ ਘਟ ਰਹੀ ਸੀ, ਪਿਛਲੇ 7 ਦਿਨਾਂ ਵਿੱਚ 13% ਵਧੀ ਹੈ। ਇਹ ਰੁਝਾਨ ਨਿਰਾਸ਼ਾਜਨਕ ਹਨ, # COVID19 ਨਾਲ ਮੁਕਾਬਲਾ ਮੈਰਾਥਨ ਦੌੜ ਵਾਂਗ ਮੁਸ਼ਕਲ ਹੈ, ਪਰ ਅਸੀਂ ਸੰਜਮ ਅਤੇ ਸਾਵਧਾਨੀਆਂ ਨਾਲ ਇਸਨੂੰ ਜਿੱਤਾਂਗੇ।”
ਇਸਦੇ ਨਾਲ ਹੀ ਡਾ. ਟਾਮ ਨੇ ਕਿਹਾ ਕਿ ਜਿਵੇਂ ਜਿੜੜੜ੍ਹਨ੍ਹਨਦੇਸ਼ ਦੇ ਟੀਕਿਆਂ ਦੀ ਸਪਲਾਈ ਤੇਜ਼ ਹੁੰਦੀ ਜਾ ਰਹੀ ਹੈ, “ਇਸ ਸੰਕਟ ਦਾ ਅੰਤ ਨੇੜੇ ਹੈ।”