ਚਿਲੀਵੈਕ ‘ਚ ਚਰਚ ਇੱਕ ਵਾਰ ਫਿਰ ਇਸ ਹਫਤੇ ਦੇ ਅੰਤ ਵਿੱਚ ਵਿਅਕਤੀਗਤ ਧਾਰਮਿਕ ਇਕੱਠਾਂ ਤੇ ਪਾਬੰਦੀ ਨੂੰ ਠੁਕਰਾ ਰਹੇ ਹਨ। ਚਿਲੀਵੈਕ RCMP ਦਾ ਕਹਿਣਾ ਹੈ ਕਿ ਐਤਵਾਰ ਨੂੰ ਚਰਚ ‘ਚ ਕੀਤਾ ਗਿਆ ਇਕੱਠ ਪ੍ਰੋਵਿੰਸ਼ੀਅਲ ਸਿਹਤ ਆਦੇਸ਼ਾਂ ਦੀ ਉਲੰਘਣਾ ਹੈ। ਕੋਵਿਡ 19 ਦੇ ਕੇਸ ਲਗਾਤਾਰ ਵਧਦੇ ਜਾ ਰਹੇ ਹਨ ਜਿਸ ਕਾਰਨ ਇਕੱਠ ਕਰਨ ‘ਤੇ ਪਾਬੰਦੀ ਲਗਾਈ ਗਈ ਸੀ। ਜਿਸ ਤੋਂ ਬਾਅਦ ਵੀ ਚਰਚ ‘ਚ ਲੋਕ ਇਕੱਠੇ ਹੋਏ ਸਨ।
Cpl. Mike Rail ਨੇ ਕਿਹਾ ਕਿ ਉਹ ਇਹ ਕਹਿਣ ਲਈ ਤਿਆਰ ਨਹੀਂ ਕਿ ਕਿਹੜੇ ਜਾਂ ਕਿੰਨੇ ਚਰਚਾਂ ਦੀ ਪੜਤਾਲ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਬੀਸੀ ਪ੍ਰੋਸੀਕਿਉਸ਼ਨ ਸਰਵਿਸ ਨਾਲ ਸਲਾਹ ਮਸ਼ਵਰਾ ਕਰਕੇ ਚਿਲੀਵੈਕ RCMP ਦੀ ਪੂਰੀ ਪੜਤਾਲ ਦੇ ਅਖੀਰ ਵਿਚ ਕਾਰਵਾਈ ਦਾ ਅਗਲਾ ਤਰੀਕਾ ਨਿਰਧਾਰਤ ਕੀਤਾ ਜਾਵੇਗਾ। ਪਿਛਲੇ ਦੋ ਐਤਵਾਰਾਂ ਲਈ, ਚਿਲੀਵੈਕ RCMP ਨੇ ਵਿਦਿਅਕ ਪਹੁੰਚ ਅਪਣਾਉਣ ਦੀ ਬਜਾਏ, ਕੋਵਿਡ ਇਨਫੋਰਸਮੈਂਟ ਦੀਆਂ ਟਿਕਟਾਂ ਦੇਣ ਤੋਂ ਇਨਕਾਰ ਕਰ ਦਿੱਤਾ।
ਦਸ ਦਈਏ ਕਿ ਲੈਂਗਲੇ ਵਿਚ ਇਕ ਚਰਚ ਨੂੰ ਆਰਡਰ ਦੀ ਉਲੰਘਣਾ ਕਰਨ ‘ਤੇ 2,300 ਡਾਲਰ ਦਾ ਜ਼ੁਰਮਾਨਾ ਲਗਾਇਆ ਗਿਆ ਸੀ। ਸੂਬੇ ਨੇ 19 ਨਵੰਬਰ ਨੂੰ ਵਿਅਕਤੀਗਤ ਪੂਜਾ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ। ਜਿਸ ਵਿਚ ਕੋਵਿਡ 19 ਦੇ ਕੇਸਾਂ ਦੇ ਲਗਾਤਾਰ ਵਾਧੇ ਦਾ ਹਵਾਲਾ ਦਿਤਾ ਗਿਆ ਸੀ।
