ਦੁਨੀਆ ਭਰ ਦੇ 100 ਮਿਲੀਅਨ ਤੋਂ ਵੱਧ ਲੋਕ ਨਾਵਲ ਕੋਰੋਨਾ ਵਾਇਰਸ ਤੋਂ ਸੰਕਰਮਿਤ ਹੋ ਚੁੱਕੇ ਹਨ। ਇਹ ਅੰਕੜਾ ਦੁਨੀਆ ਦੇ ਕੋਵਿਡ-19 ਦੇ ਕਬਜ਼ੇ ਵਿਚ ਆਉਣ ਤੋਂ ਇਕ ਸਾਲ ਬਾਅਦ ਤੋਂ ਬਾਅਦ ਇਸ ਹੱਦ ਤੱਕ ਪਹੁੰਚ ਗਿਆ ਹੈ। ਹਲਾਂਕਿ ਮਾਹਿਰਾਂ ਦਾ ਮੰਨਣਾ ਹੈ ਕਿ ਅਸਲ ਗਿਣਤੀ ਇਸ ਤੋਂ ਕਿਤੇ ਜ਼ਿਆਦਾ ਹੈ।
ਜੌਨਸ ਹੌਪਕਿੰਸ ਯੂਨੀਵਰਸਿਟੀ ਦੁਆਰਾ ਇਕੱਤਰ ਕੀਤੇ ਅੰਕੜਿਆਂ ਅਨੁਸਾਰ, ਦੁਨੀਆ ਨੇ ਮੰਗਲਵਾਰ (ਸ਼ਾਮ 3 ਵਜੇ ਈਟੀ) ਨੂੰ 100 ਮਿਲਿਅਨ ਦੇ ਅੰਕੜੇ ਨੂੰ ਪਾਰ ਕੀਤਾ। ਦੁਨੀਆ ਭਰ ਵਿਚ ਕੋਰੋਨਾ ਕਾਰਨ ਜਾਨ ਗੁਆਉਣ ਵਾਲਿਆਂ ਦੀ ਗਿਣਤੀ ਹੁਣ 2,149,000 ਤੋਂ ਵੱਧ ਹੈ ।
ਅਮਰੀਕਾ ਤੋਂ ਬਾਅਦ ਕੈਨੇਡਾ, ਬ੍ਰਿਟੇਨ, ਸਪੇਨ, ਭਾਰਤ ਆਦਿ ਅਜਿਹੇ ਦੇਸ਼ ਹਨ ਜਿੱਥੇ ਹੁਣ ਵੀ ਕੋਰੋਨਾ ਦੇ ਮਾਮਲੇ ਵੱਡੀ ਗਿਣਤੀ ਵਿਚ ਸਾਹਮਣੇ ਆ ਰਹੇ ਹਨ।
ਮਾਹਿਰਾਂ ਨੇ ਮਹੀਨਿਆਂ ਤੋਂ ਕਿਹਾ ਹੈ ਕਿ ਕੇਸਾਂ ਦੀ ਅਸਲ ਗਿਣਤੀ ਸਰਕਾਰੀ ਅੰਕੜਿਆਂ ਨਾਲੋਂ ਕਿਤੇ ਵੱਧ ਹੈ, ਕਿਉਂਕਿ ਟੈਸਟਿੰਗ ਅਸਥਿਰ ਹੈ, ਬਹੁਤ ਸਾਰੇ ਲੋਕਾਂ ਦੇ ਕੋਈ ਲੱਛਣ ਨਹੀਂ ਹੋਏ ਅਤੇ ਕੁਝ ਸਰਕਾਰਾਂ ਨੇ ਕੇਸਾਂ ਦੀ ਸਹੀ ਗਿਣਤੀ ਨੂੰ ਛੁਪਾ ਲਿਆ ਹੈ। ਕਈਆਂ ਕਾਰਨਾਂ ਕਰਕੇ ਮਰਨ ਵਾਲਿਆਂ ਦੀ ਗਿਣਤੀ ਵੀ ਬਹੁਤ ਘੱਟ ਹੀ ਸਾਹਮਣੇ ਆਈ ਹੈ।
ਸਾਰੇ ਪੁਸ਼ਟੀ ਹੋਏ ਕੇਸਾਂ ਦਾ ਇਕ ਚੌਥਾਈ ਹਿੱਸਾ ਅਮਰੀਕਾ ਵਿਚ ਹੈ, ਜੋ ਐਤਵਾਰ ਨੂੰ 25 ਮਿਲੀਅਨ ਦਾ ਅੰਕੜਾ ਪਾਰ ਕਰ ਚੁੱਕਾ ਹੈ ਅਤੇ ਲਾਗਾਂ ਅਤੇ ਮੌਤ ਦੋਵਾਂ ਵਿਚ ਦੁਨੀਆ ਦੀ ਅਗਵਾਈ ਕਰਦਾ ਹੈ। ਇੱਥੇ 4,20,000 ਤੋਂ ਵੱਧ ਲੋਕ ਕੋਰੋਨਾ ਕਾਰਨ ਜਾਨ ਗੁਆ ਚੁੱਕੇ ਹਨ।
ਚਾਰ ਹੋਰ ਦੇਸ਼- ਭਾਰਤ, ਬ੍ਰਾਜ਼ੀਲ, ਰੂਸ ਅਤੇ ਬ੍ਰਿਟੇਨ- ਅਗਲੇ 25 ਮਿਲੀਅਨ ਕੇਸਾਂ ਨੂੰ ਜੋੜਦੇ ਹਨ। ਸੋਮਵਾਰ ਨੂੰ, ਇੰਡੋਨੇਸ਼ੀਆ ਇਕ ਮਿਲੀਅਨ ਪੁਸ਼ਟੀ ਕੀਤੇ ਕੇਸਾਂ ਨੂੰ ਪਾਰ ਕਰਨ ਵਾਲਾ 19 ਵਾਂ ਦੇਸ਼ ਬਣ ਗਿਆ।
ਵਿਸ਼ਵ ਦੇ ਬਹੁਤ ਸਾਰੇ ਹਿੱਸਿਆਂ ਵਿੱਚ ਇਕੱਠਾਂ ਨੂੰ ਸੀਮਤ ਕਰਨ ਅਤੇ ਜਨਤਕ ਸਿਹਤ ਦੇ ਹੋਰ ਉਪਾਅ ਲਾਗੂ ਕਰਨ ਦੀਆਂ ਨਵੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਕੇਸਾਂ ਵਿੱਚ ਵਾਧਾ ਹੋਇਆ ਹੈ, ਹਾਲਾਂਕਿ ਲਾਗ ਦੀ ਗਤੀ ਥੋੜੀ ਜਿਹੀ ਹੌਲੀ ਦਿਖਾਈ ਦਿੰਦੀ ਹੈ । ਜ਼ਰੂਰਤ ਹੈ ਹੁਣ ਵੀ ਕੋਰੋਨਾ ਨੂੰ ਹਲਕੇ ਵਿੱਚ ਨਾ ਲਿਆ ਜਾਵੇ । ਮਾਸਕ, ਸੋਸ਼ਲ ਡਿਸਟੈਂਸ, ਹੱਥ ਧੋਣ ਅਤੇ ਸੰਤੁਲਤ ਖ਼ੁਰਾਕ ਨੂੰ ਅਗਲੇ ਕੁਝ ਸਾਲਾਂ ਲਈ ਜ਼ਿੰਦਗੀ ਵਿੱਚ ਪੱਕੇ ਤੌਰ ‘ਤੇ ਸ਼ਾਮਲ ਕਰਨਾ ਜ਼ਰੂਰੀ ਹੈ।
