ਕੈਨੇਡਾ ‘ਚ 24 ਘੰਟਿਆਂ ਦੌਰਾਨ 325 ਤੋਂ ਵੱਧ ਕੋਰੋਨਾ ਪ੍ਰਭਾਵਿਤ ਆਏ ਸਾਹਮਣੇ
ਪਹਿਲਾਂ ਨਾਲੋਂ ਘਟੀ ਕੋਰੋਨਾ ਮਾਮਲਿਆਂ ਦੀ ਰਫ਼ਤਾਰ
ਸਿਹਤ ਮੰਤਰੀ ਨੇ ਲੋਕਾਂ ਨੂੰ ਸਰੀਰਕ ਕਸਰਤ ਕਰਨ ਲਈ ਕੀਤਾ ਪ੍ਰੇਰਿਤ
ਕੈਨੇਡਾ ਦੇ ਵੱਖ-ਵੱਖ ਸੂਬਿਆਂ ‘ਚ ਕੋਰੋਨਾ ਨੂੰ ਹਰਾਉਣ ਵਾਲਿਆਂ ਦੀ ਗਿਣਤੀ ਵੀ ਵਧੀ
ਓਟਾਵਾ: ਕੈਨੇਡਾ ਵਿੱਚ ਕੋਵਿਡ-19 ਕੇਸਾਂ ਦੀ ਕੌਮੀ ਗਿਣਤੀ ਸ਼ਨੀਵਾਰ ਨੂੰ ਘੱਟੋ-ਘੱਟ 325 ਤੱਕ ਵਧ ਗਈ ਜਦੋਂਕਿ ਛੇ ਹੋਰ ਮੌਤਾਂ ਇਸ ਵਾਇਰਸ ਕਾਰਨ ਦਰਜ ਕੀਤੀਆਂ ਗਈਆਂ ਹਨ। ਜਨਵਰੀ ਤੋਂ ਲੈ ਕੇ ਹੁਣ ਤੱਕ ਕੈਨੇਡਾ ਵਿੱਚ 116,599 ਲੈਬ-ਪੁਸ਼ਟੀ ਕੀਤੇ COVID-19 ਕੇਸ ਦਰਜ ਕੀਤੇ ਗਏ ਹਨ । ਸੂਬਾਈ ਸਰਕਾਰਾਂ ਵੱਲੋਂ ਮੁਹੱਈਆ ਕਰਵਾਏ ਗਏ ਅੰਕੜਿਆਂ ਅਨੁਸਾਰ ਦੇਸ਼ ਭਰ ਵਿੱਚ 8,941 ਲੋਕ ਇਸ ਬਿਮਾਰੀ ਦਾ ਸ਼ਿਕਾਰ ਹੋ ਜਾਨ ਗੁੁਆ ਚੁੱਕੇ ਹਨ। 101,436 ਤੋਂ ਵੱਧ ਲੋਕ ਵਾਇਰਸ ਨੂੰ ਹਰਾ ਕੇ ਸਿਹਤਯਾਬ ਹੋ ਚੁੱਕੇ ਹਨ । ਦੇਸ਼ ਭਰ ਵਿੱਚ 4.7 ਮਿਲੀਅਨ ਕੋਵਿਡ ਟੈਸਟ ਕੀਤੇ ਗਏ ਹਨ ।
ਕੈਨੇਡਾ ਦੀ ਮੁੱਖ ਜਨਤਕ ਸਿਹਤ ਅਫ਼ਸਰ ਡਾ. ਥੇਰੇਸਾ ਟਾਮ ਨੇ ਕੈਨੇਡੀਅਨਾਂ ਨੂੰ ਉਨ੍ਹਾਂ ਦੀ ਸਰੀਰਕ ਸਿਹਤ ਅਤੇ ਮਾਨਸਿਕ nl ਦੀ ਰੱਖਿਆ ਲਈ ਕਿਰਿਆਸ਼ੀਲ ਰਹਿਣ ਲਈ ਪ੍ਰੇਰਿਤ ਕੀਤਾ।
5/6 Wherever you enjoy the great Canadian outdoors, limit yourself to a small and consistent social circle and be mindful of potential #COVID19 exposure risks in shared facilities or in places where people may gather.
— Dr. Theresa Tam (@CPHO_Canada) August 1, 2020
ਉਹਨਾਂ ਆਮ ਲੋਕਾਂ ਨੂੰ ਕਿਸੇ-ਨਾ-ਕਿਸੇ ਤਰੀਕੇ ਨਾਲ ਸਰੀਰਕ ਕਸਰਤ ਕਰਨ ਲਈ ਪ੍ਰੇਰਿਤ ਕਰਦਿਆਂ ਕਿਹਾ ਕਿ ਉਹ ਸਾਈਕਲ ਚਲਾਉਣਾ, ਜਾਗਿੰਗ ਅਤੇ ਘੱਟ ਸੰਪਰਕ ਖੇਡਾਂ ਜਿਵੇਂ ਕਿ ਗੋਲਫ ਅਤੇ ਟੈਨਿਸ ਆਦਿ ਨੂੰ ਜ਼ਰੂਰ ਖੇਡਣ ।
ਇਸ ਦੇ ਨਾਲ ਹੀ ਸਿਹਤ ਮੰਤਰੀ ਨੇ ਲੋਕਾਂ ਨੂੰ ਮਾਸਕ ਦਾ ਵੱਧ ਤੋ ਵੱਧ ਇਸਤੇਮਾਲ ਕਰਨ ਲਈ ਪ੍ਰੇਰਿਤ ਕਰਦਿਆਂ ਕਿਹਾ ਕਿ ਮਾਸਕ ਤੋਂ ਬਿਹਤਰ ਹਾਲ ਦੀ ਘੜੀ ਸਾਡੇ ਕੋਲ ਕੋਰੋਨਾ ਦਾ ਕੋਈ ਹੱਲ ਨਹੀਂ ਹੈ । ਜਨਤਕ ਥਾਵਾਂ ‘ਤੇ ਛੋਟੇ ਵੱਡੇ ਇਕੱਠਾਂ ਤੇ, ਭਾਵੇਂ ਉਹ ਫੈਮਿਲੀ ਫੰਕਸ਼ਨ ਹੀ ਕਿਉਂ ਨਾ ਹੋਵੇ, ਫੇਸ ਮਾਸਕ ਦਾ ਇਸਤੇਮਾਲ ਨਿਸ਼ਚਿਤ ਤੌਰ ਤੇ ਕੀਤਾ ਜਾਵੇ ।
If you plan to celebrate this weekend please check to ensure any gatherings adhere to your local public health authority’s guidelines. Bonus: backyard BBQs with your social bubble is not only safer = less to clean up afterwards! pic.twitter.com/vlGz7U4cti
— Dr. Theresa Tam (@CPHO_Canada) August 1, 2020
ਉਧਰ ਕੈਨੇਡਾ ਦੇ ਵੱਖ-ਵੱਖ ਸੂਬਿਆਂ ਵਿਚ ਵੀ ਕੋਰੋਨਾ ਵਾਇਰਸ ਦੇ ਪ੍ਰਭਾਵਿਤਾਂ ਦੀ ਗਿਣਤੀ ਲਗਾਤਾਰ ਵਧ ਰਹੀ ਹੈ। ਕਿਊਬਿਕ, ਓਂਟਾਰੀਓ, ਸਸਕੈਚਵਨ, ਮੈਨੀਟੋਬਾਕਾ ਅਤੇ ਅਲਬਰਟਾ ਆਦਿ ਵਿਚ ਵੀ ਕੋਰੋਨਾ ਦੇ ਨਵੇਂ ਮਾਮਲੇ ਸਾਹਮਣੇ ਆਏ ਹਨ ।
