ਕੋਵਿਡ-19 ਮਹਾਂਮਾਰੀ ਦਰਮਿਆਨ ਪੁਲਿਸ ਚੀਫ ਸਟੀਫਨ ਟੈਨਰ ਨੂੰ ਫਲੋਰਿਡਾ ਦਾ ਸਫਰ ਕਰਨ ਦੀ ਇਜਾਜ਼ਤ ਦੇਣ ਤੋਂ ਬਾਅਦ ਜਨਤਕ ਤੌਰ ਉੱਤੇ ਆਪਣੇ ਇਸ ਫੈਸਲੇ ਨੂੰ ਸਹੀ ਠਹਿਰਾਉਣ ਵਾਲੇ ਓਕਵਿੱਲ ਦੇ ਮੇਅਰ ਨੇ ਹਾਲਟਨ ਪੁਲਿਸ ਬੋਰਡ ਤੋਂ ਅਸਤੀਫਾ ਦੇ ਦਿੱਤਾ ਹੈ।
ਸੋਮਵਾਰ ਨੂੰ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿੱਚ ਰੌਬ ਬਰਟਨ ਨੇ ਆਖਿਆ ਕਿ ਟੈਨਰ ਦਾ ਗਲਤ ਵੇਲੇ ਕੀਤਾ ਗਿਆ ਇਹ ਦੌਰਾ ਜਨਤਕ ਹੋਣ ਤੋਂ ਬਾਅਦ ਆਪਣੇ ਵੱਲੋਂ ਪ੍ਰਗਟਾਈ ਗਈ ਪ੍ਰਤੀਕਿਰਿਆ ਦਾ ਉਨ੍ਹਾਂ ਨੂੰ ਬਹੁਤ ਅਫਸੋਸ ਹੈ। ਉਨ੍ਹਾਂ ਅੱਗੇ ਆਖਿਆ ਕਿ ਇਸ ਲਈ ਊਹ ਹਾਲਟਨ ਪੁਲਿਸ ਬੋਰਡ ਦੇ ਮੈਂਬਰ ਵਜੋਂ ਅਸਤੀਫਾ ਦਿੰਦੇ ਹਨ। ਬਰਟਨ ਨੇ ਇਹ ਵੀ ਆਖਿਆ ਕਿ ਊਨ੍ਹਾਂ ਦੇ ਚੇਅਰ ਰਹਿੰਦਿਆਂ ਐਚਆਰਪੀਐਸ ਤੇ ਇਸ ਦੇ ਬੋਰਡ ਨੂੰ ਹਾਸਲ ਹੋਈ ਸਫਲਤਾ ਉੱਤੇ ਉਨ੍ਹਾਂ ਨੂੰ ਮਾਣ ਹੈ।
ਜਿ਼ਕਰਯੋਗ ਹੈ ਕਿ ਟੈਨਰ ਨੇ ਬੀਤੇ ਦਿਨੀਂ ਇੱਕ ਬਿਆਨ ਜਾਰੀ ਕਰਕੇ ਇਹ ਸਵੀਕਾਰ ਕੀਤਾ ਸੀ ਕਿ ਦਸੰਬਰ ਦੇ ਅੰਤ ਵਿੱਚ ਉਨ੍ਹਾਂ ਵੱਲੋਂ ਫਲੋਰਿਡਾ ਦਾ ਕੀਤਾ ਗਿਆ ਦੌਰਾ ਹਾਲਟਨ ਪੁਲਿਸ ਬੋਰਡ ਦੇ ਚੇਅਰ ਦੇ ਧਿਆਨ ਵਿੱਚ ਸੀ ਤੇ ਇਹ ਉਨ੍ਹਾਂ ਦੇ ਸਮਰਥਨ ਤੇ ਮਦਦ ਨਾਲ ਕੀਤਾ ਗਿਆ। ਟੈਨਰ ਉਹ ਪਬਲਿਕ ਫਿਗਰ ਹਨ ਜਿਨ੍ਹਾਂ ਦੇ ਕੌਂਮਾਂਤਰੀ ਦੌਰੇ ਦੀ ਨਿਖੇਧੀ ਕੀਤੀ ਜਾ ਰਹੀ ਹੈ