ਹਿੰਟਨ : ਬੀ.ਸੀ ਤੋਂ ਐਡਮਿੰਟਨ ਵਲ ਉਡਾਣ ਭਰ ਰਹੇ ਇਕ ਛੋਟੇ ਜਹਾਜ਼ ਨੂੰ ਇਕ ਮਕੈਨੀਕਲ ਖਰਾਬੀ ਕਾਰਨ ਸ਼ੁਕਰਵਾਰ ਨੂੰ ਹਿੰਟਨ, ਅਲਬਰਟਾ ਦੇ ਦੱਖਣ ‘ਚ ਇਕ ਸੜਕ ‘ਤੇ ਐਮਰਜੈਂਸੀ ਲੈਡਿੰਗ ਕਰਨੀ ਪਈ ।
ਆਰ.ਸੀ.ਐਮ.ਪੀ ਪੁਲਿਸ ਦਾ ਕਹਿਣਾ ਹੈ ਕਿ ਸ਼ਾਮ 3.42 ਵਜੇ ਇਕ ਕਾਲ ਆਇਆ ਕਿ ਹਿੰਟਨ ਤੋਂ ਲਗਭਗ 11 ਕਿਲੋਮੀਟਰ ਦੱਖਣ ‘ਚ ਰੋਬ ਰੋਡ ‘ਤੇ ਇਕ ਜਹਾਜ਼ ਕਾਰਨ ਆਵਾਜਾਈ ਜਾਮ ਹੋ ਗਈ ਹੈ ।
ਪੁਲਿਸ ਦਾ ਕਹਿਣਾ ਹੈ ਕਿ ਜਹਾਜ਼ ‘ਚ ਮਕੈਨੀਕਲ ਖਰਾਬੀ ਕਾਰਨ ਪਾਇਲਟ ਨੂੰ ਐਮਰਜੈਂਸੀ ‘ਚ ਜਹਾਜ਼ ਨੂੰ ਸੜਕ ‘ਤੇ ਉਤਾਰਨਾ ਪਿਆ। ਜਹਾਜ਼ ਉਤਰਦੇ ਸਮੇਂ ਫਿਸਲ ਗਿਆ ਸੀ ਪਰ ਕੋਈ ਹਾਦਸਾ ਨਹੀਂ ਵਾਪਰਿਆ।
ਜਹਾਜ਼ ਨੂੰ ਸੜਕ ਤੋਂ ਹਟਾ ਕੇ ਇਕ ਪਾਸੇ ਕੀਤਾ ਗਿਆ ਹੈ। ਆਰਸੀਐਮਪੀ ਨੇ ਕਿਹਾ ਕਿ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਆਫ਼ ਕੈਨੇਡਾ ਨੂੰ ਇਸ ਬਾਰੇ ਹੋਰ ਜਾਂਚ ਕਰਨ ਲਈ ਸੂਚਿਤ ਕੀਤਾ ਗਿਆ ਹੈ ।
