ਵਾਸ਼ਿੰਗਟਨ: ਅਮਰੀਕਾ ਦੇ Joe Biden ਪ੍ਰਸ਼ਾਸਨ ਨੇ ਪਾਰਦਰਸ਼ਤਾ ਤੇ ਜਵਾਬਦੇਹੀ ‘ਤੇ ਕੰਮ ਕਰਨ ਵਾਲੇ 12 ਲੋਕਾਂ ਨੂੰ ਕੌਮਾਂਤਰੀ ਭਿ੍ਸ਼ਟਾਚਾਰ ਵਿਰੋਧੀ ਚੈਂਪੀਅਨ ਪੁਰਸਕਾਰ ਲਈ ਚੁਣਿਆ ਹੈ। ਇਨ੍ਹਾਂ ਐਲਾਨੇ ਨਾਵਾਂ ‘ਚ ਭਾਰਤੀ ਸਮਾਜਿਕ ਕਾਰਕੁੰਨ ਅੰਜਲੀ ਭਾਰਦਵਾਜ ਵੀ ਸ਼ਾਮਲ ਹਨ। ਇਹ ਪੁਰਸਕਾਰ ਕੁਝ ਸਮਾਂ ਪਹਿਲਾਂ ਹੀ ਸ਼ੁਰੂ ਕੀਤਾ ਗਿਆ ਹੈ। ਅਮਰੀਕੀ ਵਿਦੇਸ਼ ਵਿਭਾਗ ਮੁਤਾਬਕ, 48 ਸਾਲਾ ਅੰਜਲੀ ਨੇ ਦੋ ਦਹਾਕਿਆਂ ਤੋਂ ਜ਼ਿਆਦਾ ਸਮੇਂ ਤੋਂ ਭਾਰਤ ‘ਚ ਸੂਚਨਾ ਦੇ ਅਧਿਕਾਰ ਅੰਦੋਲਨ ‘ਚ ਸਰਗਰਮ ਤੌਰ ‘ਤੇ ਭੂਮਿਕਾ ਨਿਭਾਈ ਹੈ।
ਵਿਦੇਸ਼ ਮੰਤਰੀ ਟੋਨੀ ਬਲਿੰਕਨ ਨੇ ਮੰਗਲਵਾਰ ਨੂੰ ਕਿਹਾ, ‘Biden ਪ੍ਰਸ਼ਾਸਨ ਇਹ ਰੇਖਾਂਕਿਤ ਕਰਦਾ ਹੈ ਕਿ ਇਨ੍ਹਾਂ ਮੁੱਦਿਆਂ ਨਾਲ ਮੁਕਾਬਲਾ ਕਰਨ ‘ਚ ਉਦੋਂ ਸਫਲ ਹੋ ਸਕਣਗੇ, ਜਦੋਂ ਅਸੀਂ ਇਸ ਲਈ ਉਨ੍ਹਾਂ ਵਚਨਬੱਧ ਸਹਿਯੋਗੀਆਂ ਸਮੇਤ ਨਿਡਰ ਲੋਕਾਂ ਨਾਲ ਕੰਮ ਕਰਾਂਗੇ, ਜਿਹੜੇ ਕੌਮਾਂਤਰੀ ਭਿ੍ਸ਼ਟਾਚਾਰ ਵਿਰੋਧੀ ਨਿਯਮਾਂ ਦੀ ਵਚਨਬੱਧਤਾ ਨੂੰ ਪੂਰਾ ਕਰਨ ਲਈ ਕੰਮ ਕਰ ਰਹੇ ਹਨ।’ ਉਨ੍ਹਾਂ ਕਿਹਾ, ‘ਇਸ ਨੂੰ ਲੈ ਕੇ ਮੈਂ ਨਵੇਂ ਕੌਮਾਂਤਰੀ ਭਿ੍ਸ਼ਟਾਚਾਰ ਵਿਰੋਧੀ ਚੈਂਪੀਅਨ ਐਵਾਰਡ ਦਾ ਐਲਾਨ ਕਰਦਾ ਹਾਂ। ਇਸ ਪੁਰਸਕਾਰ ਜ਼ਰੀਏ ਉਨ੍ਹਾਂ ਲੋਕਾਂ ਦਾ ਸਨਮਾਨ ਕੀਤਾ ਜਾਵੇਗਾ, ਜਿਹੜੇ ਮਾੜੀ ਹਾਲਤ ‘ਚ ਲਗਾਤਾਰ ਸੰਘਰਸ਼ ਕਰਦੇ ਹੋਏ ਭਿ੍ਸ਼ਟਾਚਾਰ ਨਾਲ ਮੁਕਾਬਲੇ ਨਾਲ ਆਪਣੇ ਦੇਸ਼ਾਂ ‘ਚ ਪਾਰਦਰਸ਼ਤਾ ਤੇ ਜਵਾਬਦੇਹੀ ਨੂੰ ਯਕੀਨੀ ਬਣਾਉਣ ਲਈ ਲੜ ਰਹੇ ਹਨ।’
Thank you 🙏 This is a recognition of the collective effort of people and groups across the country who hold power to account ✊🏽 https://t.co/ZXIbLy8fGT
— Anjali Bhardwaj (@AnjaliB_) February 23, 2021
ਪੁਰਸਕਾਰ ਲਈ ਚੁਣੇ ਜਾਣ ਤੋਂ ਬਾਅਦ ਅੰਜਲੀ ਨੇ ਇਕ ਟਵੀਟ ‘ਚ ਕਿਹਾ ਕਿ ‘ਇਹ ਸਨਮਾਨ ਦੇਸ਼ ‘ਚ ਸੱਤਾ ਨੂੰ ਜ਼ਿੰਮੇਵਾਰ ਬਣਾਉਣ ਲਈ ਕੰਮ ਕਰਨ ਵਾਲੇ ਲੋਕਾਂ ਤੇ ਸਮੂਹਾਂ ਦੇ ਸਮੂਹਿਕ ਯਤਨਾਂ ਨੂੰ ਮਾਨਤਾ ਦਿੰਦਾ ਹੈ।’
ਇਸ ਵੱਕਾਰੀ ਅਵਾਰਡ ਲਈ ਚੁਣੇ ਜਾਣ ਤੋਂ ਬਾਅਦ ਅੰਜਲੀ ਭਾਰਦਵਾਜ ਨੂੰ ਵਧਾਈਆਂ ਦਿੱਤੀਆਂ ਜਾ ਰਹੀਆਂ ਹਨ। ਉੱਘੇ ਵਕੀਲ ਪ੍ਰਸ਼ਾਂਤ ਭੂਸ਼ਣ ਨੇ ਅੰਜਲੀ ਨੂੰ ਵਧਾਈ ਦਿੱਤੀ।
Great that the US Govt has honoured an outstanding Anti-corruption activist of India, @AnjaliB_ with the first Anti-corruption champions award. Hope our Govt heeds what she has been saying about the destruction of transparency&Anti-corruption Institutions like CBI, ED, Lokpal etc https://t.co/dk9u67sAZi
— Prashant Bhushan (@pbhushan1) February 24, 2021
An active member of many anti-corruption movements across the country, Bhardwaj has taken various steps to deepen the democratic structure in the country, reports SAIKEERTHI.@AnjaliB_ https://t.co/qqnDx37M5z
— The Leaflet (@TheLeaflet_in) February 24, 2021
ਅੰਜਲੀ ਭਾਰਦਵਾਜ, ਪੀਪਲਜ਼ ਰਾਈਟ ਟੂ ਇਨਫਰਮੇਸ਼ਨ (NCPRI) ਦੀ ਰਾਸ਼ਟਰੀ ਮੁਹਿੰਮ ਦੀ ਸਹਿ-ਕਨਵੀਨਰ ਅਤੇ ਸਤਰਕ ਨਾਗਰਿਕ ਸੰਗਠਨ ਦੀ ਬਾਨੀ ਮੈਂਬਰ ਹੈ। ਉਸ ਦੀ ਸਰਗਰਮੀ ਨੇ ‘ਜਾਣਕਾਰੀ ਦਾ ਅਧਿਕਾਰ ਐਕਟ 2005’, ‘ਵਿਸਲ ਬਲੋਅਰਜ਼ ਪ੍ਰੋਟੈਕਸ਼ਨ ਐਕਟ’ 2011′, ‘ਲੋਕਪਾਲ ਅਤੇ ਲੋਕਆਯੁਕਤ ਐਕਟ 2013’ ਅਤੇ ‘ਸ਼ਿਕਾਇਤ ਨਿਵਾਰਣ ਬਿੱਲ’ ਨੂੰ ਹੋਰ ਕਾਨੂੰਨਾਂ ਵਿਚ ਸ਼ਾਮਲ ਕਰਨ ਵਿਚ ਮਦਦ ਕੀਤੀ।
