ਪੀਲ ਰੀਜਨਲ ਪੁਲਿਸ ਦਾ ਕਹਿਣਾ ਹੈ ਕਿ ਕੇਂਦਰੀ ਬਰੈਂਪਟਨ ‘ਚ ਸੋਮਵਾਰ ਸਵੇਰੇ ਇਕ ਘਰ ਵਿੱਚ ਅੱਗ ਲੱਗਣ ਕਾਰਨ ਇਕ ਔਰਤ ਦੀ ਮੌਤ ਹੋ ਗਈ ਹੈ। ਐਮਰਜੈਂਸੀ ਚਾਲਕਾਂ ਨੂੰ ਸਵੇਰੇ ਲਗਭਗ 12: 35 ਵਜੇ ਮੇਨ ਸਟ੍ਰੀਟ ਦੱਖਣ ਅਤੇ ਕਲੇਰੈਂਸ ਸਟ੍ਰੀਟ (Clarence Street ) ਦੇ ਨੇੜੇ, ਕੌਰਨਵਾਲ ਹਾਈਟਸ ਅਤੇ ਕੌਰਨਵਾਲ ਰੋਡ (Cornwall Heights and Cornwall Road area) ਖੇਤਰ ਵਿੱਚ ਇੱਕ ਘਰ ਬੁਲਾਇਆ ਗਿਆ।
ਪੁਲਿਸ ਨੇ ਟਵੀਟਰ ‘ਤੇ ਇਸਦੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਐਮਰਜੈਂਸੀ ਕਰੂ ਜਦੋਂ ਘਰ ਪਹੁੰਚੀ ਤਾਂ ਘਰ ਅੱਗ ਦੀਆਂ ਲਪਟਾਂ ‘ਚ ਘਿਰਿਆ ਹੋਇਆ ਸੀ।
HOUSE FIRE
– Cornwall Heights / Nanwood Dr #Brampton
– #PRP arrived and house fully engulfed
– Adult female has been transported to local hospital
– Awaiting update on her condition
–@BramptonFireES still working on extinguishing fire
– R/C 12:35am
– 20- 0236663— Peel Regional Police (@PeelPolice) July 27, 2020
ਇਸ ਦੌਰਾਨ ਇੱਕ ਔਰਤ ਨੂੰ ਅਮਲੇ ਦੁਆਰਾ ਲੱਭਿਆ ਗਿਆ ਅਤੇ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ। ਅਧਿਕਾਰੀਆਂ ਨੇ ਜਾਣਕਾਰੀ ਦਿੱਤੀ ਕਿ ਹਸਪਤਾਲ ‘ਚ ਉਸ ਔਰਤ ਦੀ ਮੌਤ ਹੋ ਗਈ ਹੈ । ਸੋਮਵਾਰ ਸਵੇਰ ਤੱਕ ਕੋਈ ਹੋਰ ਜ਼ਖਮੀ ਹੋਣ ਦੀ ਖਬਰ ਨਹੀਂ ਹੈ।
ਪੁਲਿਸ ਨੇ ਦੱਸਿਆ ਕਿ ਅੱਗ ਲੱਗਣ ਦੇ ਕਾਰਨਾਂ ਅਤੇ ਹਾਲਾਤਾਂ ਦਾ ਪਤਾ ਨਹੀਂ ਲੱਗ ਸੱਕਿਆ। ਫਿਲਹਾਲ ਉਨ੍ਹਾਂ ਵਲੋਂ ਜਾਂਚ ਅਜੇ ਜਾਰੀ ਹੈ।