ਸਾਬਕਾ ਐਮ.ਪੀ. ਰਾਜ ਗਰੇਵਾਲ ਖਿਲਾਫ ਚੱਲਣਗੇ ਅਪਰਾਧਕ ਮਾਮਲੇ
ਗਰੇਵਾਲ ‘ਤੇ ਜਾਇਦਾਦ ਦੇ ਵੇਰਵੇ ਸਹੀ ਢੰਗ ਨਾਲ ਨਾ ਦੇਣ ਦਾ ਇਲਜ਼ਾਮ
RCMP ਨੇ ਬਿਆਨ ਜਾਰੀ ਕਰ ਦਿੱਤੀ ਜਾਣਕਾਰੀ
ਮਾਮਲੇ ਦੀ ਅਗਲੀ ਪੇਸ਼ੀ 30 ਅਕਤੂਬਰ 2020 ਨੂੰ
ਓਟਾਵਾ : ਸਾਬਕਾ ਲਿਬਰਲ ਸੰਸਦ ਮੈਂਬਰ ਰਾਜ ਗਰੇਵਾਲ ਨੂੰ ਭਰੋਸੇ ਦੀ ਉਲੰਘਣਾ ਅਤੇ ਧੋਖਾਧੜੀ ਦੇ ਅਪਰਾਧਿਕ ਦੋਸ਼ਾਂ ਦਾ ਸਾਹਮਣਾ ਕਰਨਾ ਹੋਵੇਗਾ । ਆਰਸੀਐਮਪੀ ਨੇ ਸ਼ੁੱਕਰਵਾਰ ਨੂੰ ਇਲਜ਼ਾਮਾਂ ਦੀ ਘੋਸ਼ਣਾ ਕਰਦਿਆਂ ਇੱਕ ਬਿਆਨ ਜਾਰੀ ਕੀਤਾ ਹੈ, ਜਿਸ ਵਿੱਚ ਦੋਸ਼ ਲਾਇਆ ਗਿਆ ਹੈ ਕਿ ਗਰੇਵਾਲ ਨੇ ਲੱਖਾਂ ਡਾਲਰ ਦੇ ਨਿੱਜੀ ਕਰਜ਼ਿਆਂ ਬਾਰੇ ਜਾਣਕਾਰੀ ਦੇਣ ‘ਚ
ਅਸਫਲ ਰਹਿਣ ‘ਤੇ ਕਾਨੂੰਨ ਤੋੜਿਆ ਹੈ ।
ਇਸ ਤੋਂ ਇਲਾਵਾ ਦੋਸ਼ ਇਹ ਵੀ ਹਨ ਕਿ ਗਰੇਵਾਲ ਨੇ ਆਪਣੇ ਪਬਲਿਕ ਦਫ਼ਤਰ ਦੀ ਵਰਤੋਂ ਦੇ ਸੰਬੰਧ ਵਿੱਚ ਆਪਣੇ ਨਿੱਜੀ ਲਾਭ ਲਈ ਲੋਨ ਮੰਗੇ ਸਨ । ਇਸਦੇ ਨਾਲ ਹੀ ਆਪਣੇ ਸਰਕਾਰੀ ਲਾਭ ਪ੍ਰਾਪਤ ਹਲਕੇ ਦੇ ਦਫ਼ਤਰ ਦਾ ਬਜਟ ਆਪਣੇ ਨਿੱਜੀ ਲਾਭ ਲਈ ਵਰਤਿਆ । ਕਾਨੂੰਨ ਅਨੁਸਾਰ ਇਹ ਸਭ ਅਪਰਾਧਿਕ ਧੋਖਾਧੜੀ ਦੇ ਅਧੀਨ ਆਉਂਦਾ ਹੈ ਅਤੇ ਇਹ ਇੱਕ ਤਰ੍ਹਾਂ ਨਾਲ ਭਰੋਸਾ ਤੋੜਨ ਦੇ ਬਰਾਬਰ ਹੈ, ਆਰਸੀਐਮਪੀ (RCMP) ਨੇ ਆਪਣੇ ਬਿਆਨ ਵਿੱਚ ਇਹ ਜਾਣਕਾਰੀ ਦਿੱਤੀ ।
ਆਰਸੀਐਮਪੀ ਨੇ ਕਿਹਾ ਕਿ ਦੋਸ਼ ਲਗਾਏ ਜਾਣ ਨਾਲ “ਵਿਆਪਕ ਅਪਰਾਧਿਕ ਜਾਂਚ ਦੀ ਸਮਾਪਤੀ ਹੁੰਦੀ ਹੈ, ਜਿਸ ਦੀ ਸ਼ੁਰੂਆਤ ਸਤੰਬਰ 2017 ਵਿੱਚ ਹੋਈ ਸੀ, ਜਦੋਂ ਆਰਸੀਐਮਪੀ ਵੱਲੋਂ ਗਰੇਵਾਲ ਦੇ ਨਾਲ ਹੋਏ ਸ਼ੱਕੀ ਲੈਣ-ਦੇਣ ਸੰਬੰਧੀ ਕੈਨੇਡਾ ਦੇ ਵਿੱਤੀ ਲੈਣ-ਦੇਣ ਅਤੇ ਰਿਪੋਰਟਾਂ ਦੇ ਵਿਸ਼ਲੇਸ਼ਣ ਕੇਂਦਰ (ਐਫਆਈਐਨਟੀਆਰਏਸੀ) ਵੱਲੋਂ ਸਰਗਰਮ ਖੁਲਾਸੇ ਕੀਤੇ ਗਏ ਸਨ। ਫਿਲਹਾਲ ਇਸ ਸਬੰਧੀ ਓਟਾਵਾ ਦੀ ਇਕ ਅਦਾਲਤ ਵਿਚ ਅਗਲੀ ਪੇਸ਼ੀ 6 ਅਕਤੂਬਰ 2020 ਨੂੰ ਹੋਵੇਗੀ ।
